Jeramaiya 11:16 - Kriol Baibul

¹⁶ Basdam aibin oldei gulum olabat gudwan olibtri, garram detmatj gudwan frut daga, bat nomo tudei. Ai garra jingat jis laik thanda, en ai garra barnimap detlot lif garram faiya en ai garra breikap ol detlot wadi.

Jeramaiya 11:16 Iomraidhean Croise

Job Wotfo Gudbala Pipul Abum Trabul? 8:16

Nogudbala pipul jidan jis laiga plent garram loda bushis weya gro langa san.

Ola Saam 52:8

Bat mi, mi jidan jis laik det olibtri weya grogrobat langa God haus. Mi trastimbat langa God en im filing blanga laigimbat olagijawan.

Ola Saam 80:16

Melabat enamimob bin kadimdan det tri en barnimap garram faiya. Yu wail langa olabat en binijimap olabat.

Ola Saam 80:17

Yu lukaftum yu pipul olabat weya yubin pikimat, ol detlot pipul na weya yubin meigim jidan brabli strongbala.

Ola Saam 83:2

Yu luk detlot hu nomo laigim yu! Yu enami olabat gidap redi blanga fait.

Aisaiya 27:11

Wen detlot wadi blanga detlot tri garra buldan langa graun, detlot wuman garra gajim detlot wadi en tjakambat langa faiya. Dumaji detlot pipul brabli granggibala, God hubin meigim olabat, kaan neba kain langa olabat igin.

Jeramaiya 2:21

Aibin plentimbat yumob jis laik yumob bin brabli gudwan greiptri, bat yumob bin libum mi. Yumob na jis laiga rabishwan greiptri weya nomo garram eni daga.

Jeramaiya 21:14

Bat ai garra panishim yu blanga wanim yubin oldei dumbat. Ai garra barnimap yu bigwan haus en det faiya na garra barnimap ebrijing olaran langa yu.” Lagijat na YAWEI bin tok.

Jeramaiya 7:20

Wal mi na YAWEI det boswan God. Mi brabli wail langa olabat na, en mi na garra binijimap det Serramoni Pleis, en ola pipul en ola enimul, en ola tri en ola sid daga. Mi brabli wail na, jis laik det faiya weya barnbarn en nomo enibodi kaan neba pudumat.”

Hoseiya 14:6

en dei garra abum bigismob biginini jis laik detlot grinwan bushis weya gro gudwei, en dei garra luk purdiwan jis laik detlot purdiwan olibtri, en pipul garra laigim olabat jis laik dei laigim detlot gudsmelwan tri deya langa Lebanan.

Methyu 3:10

Ai sabi yumob jis laiga nogudwan tri. Wal God garram im tomiyauk redi blanga kadimdan detlot nogudwan tri weya nomo meigim gudbala daga. Im garra rudimat ola nogudwan en tjakidawei olabat en barnimap olabat langa faiya.

Jon Bin Dalim Det Gudnyus Blanga Jisas Det San Blanga God 15:6

en if yumob nomo kipgon jidan garram mi, wal God garra tjakidawei yumob jis laiga fama weya im tjakidawei detlot wadi weya nomo abum daga. Afta detlot wadi oldei go draiwan, en det fama oldei gajimbat detlot wadi en tjakam olabat langa faiya, en detlot wadi oldei barnap.

Dyudaranami 28:40

Detlot olibtri garra gro ebriweya langa yumob kantri, bat yumob kaan abum eni oliboil, dumaji detlot olib daga garra buldan.

Rebaleishan 11:4

Wal det dubala witnis, dubala det dubala olibtri en det dubala lemp hu oldei jandap lida langa God. God im det Bos blanga dijan kantri,