Jeramaiya 10:9 - Kriol Baibul

⁹ Detlot drimin sheip garram silba oloba brom det pleis gulum Tashish, en garram gol oloba brom det pleis gulum Yufas. Detlot pipul hu oldei meigimbat olkain sheip bin meigim detkain gudwei, en olabat bin dresimap garram purdiwan pepulwan en bluwan klos. Detlot pipul hubin klebabala blanga meigim matiriyal bin meigim detkain.

Jeramaiya 10:9 Iomraidhean Croise

Fes Kings 10:22

Imbin abum loda bout blanga trebul langa woda garram ola bout blanga King Hairam. Ebri 3 yiya im bout bin oldei kambek garram gol, silba, det shainiwan boun blanga elafen gulum aibri, en ola eip en ola mangki.

Sekan Kranakuls 9:21

Imbin abum loda bout weya bin jidan langa solwoda garram ola bout blanga King Hairam. Ebri 3 yiya detlot bout bin kambek garram gol en silba en det shainiwan boun blanga elafen gulum aibri en detlot enimul gulum mangki.

Ola Saam 115:4

Ola drimin blanga najalot pipul, olabat bin meigim brom silba en gol. Garram olabat ronwan bingga olabat bin meigim detlot drimin.

Ola Saam 72:10

Ola king brom Tashish en brom ola ailin kantri garra gibitbat presen langa im. Detlot king brom Shiba en Seba garra bringimap ola ofring langa im du.

Aisaiya 23:6

“Ol yumob pipul hu jidan langa solwodasaid, yumob garra lafta krai en yumob lafta jampin langa yumob bout en krosoba det solwoda en gowei longwei brom iya.

Aisaiya 40:19

Det drimin sheip weya men bin meigim nomo jidan laik God. Deibin meigim det sheip garram kopa en lilbit gol en deibin meigim purdiwan garram silba.

Isikiyel 27:12

“ ‘Wal detlot shop menija brom det kantri gulum Tashish bin kaman garram silba en aiyan blanga baiyim ola gudwan ting brom yu.

Isikiyel 27:7

Deibin yusumbat brabli gudwan matiriyal brom Ijip blanga meigim seil wulijim ebribodi gin luk langa yu. Deibin yusum bluwan en pepulwan matiriyal brom Saipras blanga meigim sheid blanga det flopat.

Denyul 10:5

Aibin lukinat langa top en aibin luk wanbala einjul hubin werrimon waitwan kout, en imbin werrimon goldinwan belt.

Hoseiya 8:6

“Wal wotaim dei garra stap bulurrumbat detlot drimin sheip? Olabat ronwan kantrimen bin meigim det goldinwan buligi sheip. Bat im nomo God. En ai garra bitsimap det goldinwan buligi weya detlot pipul langa Sameriya oldei bulurrumbat.

Jona 1:3

Wal Jona nomo bin wandi go deya, en im nomo bin duwit langa YAWEI. Imbin trai ranawei brom im, en imbin go langa det najawan taun gulum Jopa deya wansaid langa solwoda, en deya na imbin wandi gedim bout blanga go langa det longweiwan kantri gulum Tashish blanga blandim miselp brom God. Wal Jona bin faindim wan bout deya redi blanga go langa det kantri, en imbin go en gibit mani langa det boswan blanga det bout blanga go garram olabat. Brom deya Jona bin gowin langa det bout garram detlot boutmen, en deibin gowei brom deya na,

Hebakak 2:19

Wal ai garra panishim yumob. Wal yumob jinggabat detkain wudwan drimin weya dei gaburrumap im garram silba en gol. Im kaan dalimbat yu enijing. Maitbi sambodi tok langa det stonwan drimin en langa det wudwan drimin, ‘Gidap en wok.’ Dubala kaan duwit, dumaji dubala nomo garram win blanga blowimbat.