Jeramaiya 10:7 - Kriol Baibul

⁷ Oni yu na king langa ebri kantri. Wotfo ebribodi nomo weship langa yu? Nomo enibodi jidan wulijim yu langa ol dislot klebabala men langa ola kantri, en langa olabat king.

Jeramaiya 10:7 Iomraidhean Croise

Sekan Kings 17:39

Yumob garra duwit langa mi, YAWEI det trubala God blanga yumob en ai garra seibum yumob brom ola enami blanga yumob.” Lagijat na YAWEI bin tok.

Fes Kranakuls 16:25

Wal YAWEI im brabli gudbala, en melabat garra preisimbat im brabliwei. Melabat garra rispek YAWEI mowa den detlot laiyawan drimin.

Esta 1:13

Wal det king bin abum sambala klebabala men deya en imbin oldei tok langa olabat blanga ola ebrijing wen imbin abum eni trabul.

Ola Saam 147:5

Blanga wi God im brabli haibalawan en strongbalawan. Im sabi blanga ebrijing. Wi kaan sabi brabli blanga im wei.

Ola Saam 22:28

YAWEI det trubala God im brabli Bos, en im jidan Bos langa ebri kantri.

Ola Saam 47:3

Imbin meigim wi win langa ola pipul. Imbin meigim wi jidan bos blanga ola kantri.

Ola Saam 72:11

Meigim ola king nildan lida langa im, en ola pipul brom ebri kantri garra wek blanga im.

Ola Saam 76:7

Bat oni langa yu YAWEI, ebribodi bradin. Wen yu gitwail, nobodi kaan jandap langa yu.

Ola Saam 86:8

Main Bos, det najalot drimin nomo jidan wulijim yu. Detlot drimin kaan dum wanim yu gin dum.

Ola Saam 86:9

Ola pipul langa ebri kantri weya yubin meigim garra kaman en nildan langa yu, en olabat garra preisim yu dumaji yu brabli haibalawan.

Ola Saam 89:6

YAWEI, nobodi langa hebin jidan laik yu. Nobodi deya jidan seimwei laik yu.

Eksadas 8:10

Wal det king bin tok, “Tumorro yu garra askim im blanga mi.” Wal Mosis bin tok, “Wal ai garra duwit blanga yu wulijim yu garra sabi nobodi kaan meigim miselp God. Oni YAWEI im na God.

Eksadas 9:14

En if yu nomo larramgo olabat, wal im garra panishim ola boswan wekinmen blanga yu en ol yu pipul olabat, en im garra panishim yu brabliwei du wulijim yu garra sabi nomo enibodi haibala seim laik im.

Aisaiya 2:4

“Im garra stapam detlot pipul hu oldei kaman brom najawan kantri blanga fait gija. Dei garra bitsimap detlot bigwan naif en spiya, en dei garra meigim reik en shabul brom detlot na wulijim olabat kaan neba fait igin en kilimbat najalot pipul.

Jeramaiya 10:6

Wal aibin tok na, “YAWEI, nomo enibodi iya im jidan wulijim yu, najing. Oni yu na brabli haibalawan, en blanga yu neim im brabli strongbala en oni yu na garram detmatj pawa.

Jeramaiya 5:22

Wal mi na YAWEI. Wotfo yumob nomo bradin langa mi? Wotfo yumob nomo sheiksheikbat en baudan lida langa mi? Aibin pudum sengraun raidaran langa solwoda blanga stapam det solwoda. Im garra jidan olagija en det solwoda kaan krosim det sengraun. Detlot solwoda gin go brabli haiwan, bat im kaan go raidoba langa det sengraun, en det weib gin meigim bigwan nois, bat im kaan breik thru det sengraun.

Denyul 2:27

Wal Denyul bin ensim det king, “Brabli haibala bos, nomo enibodi iya brabli klebabalawan blanga dalim yu det drim. Nomo eni klebabala en doktabalawan men sabi.

Denyul 2:28

Bat oni God na hu jidan langa hebin gin shoum wi sigridwan ting. Im na bin gibit yu det drim blanga dalim yu wanim garra hepin bambai. Wal tudei na ai garra dalim yu det drim yubin abum wen yubin silip.

Hebakak 3:2

“YAWEI, aibin irrim wanim yubin dum. Aibin brabli hatjamp en yubin meigim mi brabli gudbinji detmatj blanga ebrijing yubin dum. Mi wandim yu blanga dum diskain ting igin tudei, detlot gudbala ting yubin oldei dumbat bifo. En ai askimbat yu blanga kain langa melabat nomeda yu gitwail.

Sekaraiya 2:11

“Langa det taim bambai na loda pipul brom loda kantri garra kaman langa YAWEI en jidan im pipul. Im garra jidan garram yumob en yumob garra sabi im na bin jandim mi langa yumob.

Melakai 1:11

Detlot pipul langa ola najalot kantri brom sanrais raidap sangodan olabat rispek mi. Langa ol detlot kantri na dei bringimap gudsmelwan medisin blanga barnim en dei gibit gudwan sekrifais ofring en mi gudbinji blanga tharran. Detlot pipul na rispek mi.

Luk Bin Dalim Ola Stori Blanga Jisas Langa Wan Jintail Men 12:5

“Ai dalim yumob blanga hu yumob garra bradin. Yumob garra bradin langa God, dumaji im gin kilim yumob ded, en afta im gin tjakam yumob langa det helfaiya. Trubala ai dalim yumob. Oni blanga im na yumob garra bradin.

Fes Karinthiyans 8:6

Im na det trubalawan Dedi God hubin meigim ebrijing. En blanga im na wi jidanbat iya. En seimwei gin oni wanbala Brabliwan Bos im jidan, en det Bos na im Jisas Krais. Thru im na God bin meigim ebrijing, en im na meigim wi jidan garram det olagijawan laif.

Joshuwa 4:24

Lagijat na yumob garra dalim yumob biginini olabat. “Wal yumob jinggabat na. YAWEI bin dum det klebabala ting blanga meigim ola pipul langa ebri kantri sabi im brabli strongbala, en imbin dum det klebabala ting blanga meigim ol yumob Isreil pipul rispek im olagija.” Lagijat na Joshuwa bin tok.

Rebaleishan 11:15

Brom deya det namba 7 einjul bin blowim im longwan wisul na, en sambala bin jingat adbala langa top, “Det wanbala bin jidan bos blanga ola kantri basdam. Bat najing na. God im Bos blanga melabat, en im jidan Bos blanga ola kantri na, en Jisas Krais jidan Bos blanga ola kantri olagija du.”

Rebaleishan 15:4

Nobodi kaan tenawei brom yu olagija, dumaji ebribodi garra jinggabat yu. Dei garra lukbek langa yu en weship langa yu. Nobodi jidan brabli gudwan. Oni yu na. En ola traib langa ebri kantri garra kaman langa yu, en dei garra baudan en tok gudwei langa yu, dumaji yu na bin dumbat ola gudwan wek, en ebribodi bin luk.” Lagijat na detlot pipul bin tok.