Jeramaiya 10:6 - Kriol Baibul

⁶ Wal aibin tok na, “YAWEI, nomo enibodi iya im jidan wulijim yu, najing. Oni yu na brabli haibalawan, en blanga yu neim im brabli strongbala en oni yu na garram detmatj pawa.

Jeramaiya 10:6 Iomraidhean Croise

Sekan Semyul 7:22

“YAWEI, yu na det boswan God. En nobodi haibala seimwei laik yu, dumaji oni wanbala God jidan. En yu na im. En melabat bin sabi tharran brom longtaim.

Fes Kranakuls 16:25

Wal YAWEI im brabli gudbala, en melabat garra preisimbat im brabliwei. Melabat garra rispek YAWEI mowa den detlot laiyawan drimin.

Niyamaiya 4:14

Bambai na aibin lukaran en aibin luk ola pipul bin wori, en aibin tok, “Nomo jinggabat blanga ola enami blanga wi. Yu jinggabat det God blanga wi. Oni im na gin meigim ola enami bradin langa im, en yumob garra fait blanga yumob kantrimen en ola biginini en ola waif en detlot haus blanga yumob.”

Niyamaiya 9:32

Wal blanga tharran na melabat prei langa yu tudei. Yu na det God garram detmatj pawa, en melabat garra rispek langa yu. Yu na det God hu oldei kipum im brabli strongbala pramis. Yu kipgon laigimbat melabat detmatj. Wal yu luk langa melabat na. Yu sabi melabat trabul. Ola king en ola boswan, en ola serramonimen en ola speshalwan mesinja en ol melabat grengrenfatha olabat en ol yu pipul olabat bin oldei abumbat trabul. Brom det taim wen det king blanga det kantri gulum Asiriya bin breigimdan ola taun blanga melabat, en stil tudei melabat abumbat trabul.

Ola Saam 145:3

YAWEI im haibalawan en pipul garra preisim im neim brabliwei. Nobodi nomo sabi brabli det haibalawei blanga im.

Ola Saam 147:5

Blanga wi God im brabli haibalawan en strongbalawan. Im sabi blanga ebrijing. Wi kaan sabi brabli blanga im wei.

Ola Saam 35:10

Ai garra tok lagijat langa YAWEI garram main hat na, “Nobodi jidan jis laik yu. Yu maindimbat ola wikwan pipul brom ola strongwan, en seimwei langa ola powan pipul brom detlot hu oldei dum krul ting langa olabat.”

Ola Saam 48:1

YAWEI det trubala God im brabli haibalawan, en pipul garra preisim im brabliwei langa det bigwan taun blanga wi God langa im seikridwan hil.

Ola Saam 96:4

YAWEI det trubala God im haibalawan en pipul garra preisim im. Pipul garra abum loda rispek blanga im, mowa den langa ola najalot drimin.

Eksadas 15:11

YAWEI, yu na det trubala God, en nomo eni drimin jidan seim laik yu. Yu brabli difrin brom enibodi. Nobodi garram pawa seim laik yu. Nobodi kaan dum eni klebabala ting seim laik yu. Nobodi kaan dum bigbala wek seim laik yu.

Eksadas 8:10

Wal det king bin tok, “Tumorro yu garra askim im blanga mi.” Wal Mosis bin tok, “Wal ai garra duwit blanga yu wulijim yu garra sabi nobodi kaan meigim miselp God. Oni YAWEI im na God.

Eksadas 9:14

En if yu nomo larramgo olabat, wal im garra panishim ola boswan wekinmen blanga yu en ol yu pipul olabat, en im garra panishim yu brabliwei du wulijim yu garra sabi nomo enibodi haibala seim laik im.

Aisaiya 12:6

Singim song yumob brom Saiyan, en preisim YAWEI det brabli holiwan God blanga Isreil pipul. God im jidan iya blanga album im pipul olabat.”

Aisaiya 40:18

Yumob sabi enibodi hu jidan haibala jis laik God? Yumob gin faindim enijing blanga album yumob sabi wotkain God?

Aisaiya 40:25

Det brabli holiwan God tok, “Hu yu reken jidan wulijim mi? Enibodi iya jidan lebul langa mi?”

Aisaiya 46:5

“Yumob sabi enibodi jidan laik mi? Enibodi jidan lebul langa mi?

Aisaiya 46:9

Wal YAWEI bin kipgon tok, “Mi na wanbala God. Nomo eni drimin en nomo enibodi jidan wulijim mi. Jinggabat wanim bin hepin longtaim.

Jeramaiya 10:16

Det God blanga Jeikob im nomo laik detlot. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.”

Jeramaiya 32:18

Yubin shoum bigismob yu kipgon laigim olabat detmatj, bat yu panishim ola pipul blanga ola nogudbalawei weya olabat mami en dedi bin dum. Yu brabli haibala God garram detmatj pawa. Yu neim na YAWEI det boswan God.

Denyul 4:3

“God bin dum ola brabli klebabala ting en wibin luk im pawa. Im garram loda pawa blanga dum klebabala ting! God na jidan king, en im na garra jidan bos olagijawan.

Denyul 4:34

Wal King Nebakanesa bin tok langa olabat, “Wen det 7 yiya bin binij, aibin lukap langa top, en aibin jinggabat gudwei igin. Aibin preisim det Brabli Haibala God. Aibin weship im en lidimap im neim en meigim im mowa haibala, det wanbala God hu jidan olagijawan. Aibin tok, “God na jidan bos olataim. Im na jidan king olagijawan.

Melakai 1:11

Detlot pipul langa ola najalot kantri brom sanrais raidap sangodan olabat rispek mi. Langa ol detlot kantri na dei bringimap gudsmelwan medisin blanga barnim en dei gibit gudwan sekrifais ofring en mi gudbinji blanga tharran. Detlot pipul na rispek mi.

Fes Karinthiyans 8:6

Im na det trubalawan Dedi God hubin meigim ebrijing. En blanga im na wi jidanbat iya. En seimwei gin oni wanbala Brabliwan Bos im jidan, en det Bos na im Jisas Krais. Thru im na God bin meigim ebrijing, en im na meigim wi jidan garram det olagijawan laif.

Dyudaranami 32:31

Detlot enami sabi detlot drimin blanga olabat dei wikwan. Olabat nomo strongbala laik det God blanga ola Isreil pipul.

Dyudaranami 33:26

Wal Mosis bin kipgon tok, “Yumob Isreil pipul, nomo eni drimin laik yumob God. Im oldei wotjimbat yumob brom top, en im oldei kamdan brom top en album yumob.