Jeramaiya 10:23 - Kriol Baibul

²³ YAWEI, ai sabi nomo enibodi jidan bos blanga wanim garra hepin langa im ronselp, en nomo enibodi im bos blanga im ronwan laif.

Jeramaiya 10:23 Iomraidhean Croise

Ola Saam 17:5

Aibin pudum main fut ontop langa yu trek en aibin bulurrum yu olawei. Ai nomo bin tenawei.

Ola Saam 37:23

If yumob bulurrum det wei blanga YAWEI, wal im garra brabli gudbinji langa yumob en albumbat yumob.

Prabebs 16:1

Wi gin meigim plen blanga dum samting, bat oni YAWEI det trubala God na garram det rait blanga meigim det plen hepin.

Prabebs 16:9

Yu garra jinggabat wanim plen yu garra meigim, bat YAWEI meigim det plen hepin.

Prabebs 20:24

YAWEI na oldei meigim det plen blanga wi laif. Hau wi gin sabi wotkain laif wi garra abum?

Prabebs 3:6

Yu jinggabat langa YAWEI blanga ebrijing weya yu dum en im garra shoum yu det raitwei.

Aisaiya 26:7

“YAWEI, yu oldei gibit feyago langa detlot pipul hu oldei bulurrumbat en trastimbat yu. Yu na meigim det roud brabli gudwan, en nomo rafwan.

Denyul 5:23

Yubin dum nogudbala ting langa God det bos langa top. Yubin yusum detlot kap en boul brom det Serramoni Pleis blanga im langa Jerusalem. Yu na en ola haibala bosmen en ola waif blanga yu, bin dringgimbat wain brom detlot kap, en yumob bin preisimbat yumob ronwan drimin sheip weya yumob bin meigim brom gol, silba, kopa, aiyan, wud en ston. Wal detlot drimin sheip kaan luk en olabat nomo garram irriwol en olabat kaan dum enijing. Bat yu nomo bin rispek brabliwei det God hu gin meigim yu jidan laibala o dedbala, en gin meigim yu dum enijing im wandim yu blanga dum.