Jeramaiya 10:16 - Kriol Baibul

¹⁶ Det God blanga Jeikob im nomo laik detlot. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.”

Jeramaiya 10:16 Iomraidhean Croise

Ola Saam 119:57

YAWEI oni yu na wanbala mi wandim. Mi pramis blanga lisin en duwit langa ol detlot lowa blanga yu.

Ola Saam 135:4

Imbin pikimat Jeikob en ola Isreil pipul blanga im ronselp.

Ola Saam 142:5

Mi jingat langa yu, YAWEI. Yu na det seifwan pleis blanga mi. Ai wandim oni yu wanbala langa main laif.

Ola Saam 33:6

YAWEI bin meigim ebrijing langa hebin garram im wed. Imbin jis tok en det san, mun, en ola sta bin kamat.

Ola Saam 73:26

Maitbi main bodi en main garra jidan wikwan, bat yu na God meigim mi jidan strongbala, en oni yu na mi wandim olagijawan.

Ola Saam 74:2

Yu jinggabat yu pipul olabat weya yubin pikimat blanga yu ronselp longtaim, en wen yubin baiyimbek olabat wen deibin jidan prisana, en yubin meigim olabat jidan yu ronwan traib. Yu jinggabat det hil gulum Saiyan weya yubin jidan bifo.

Eksadas 19:5

En if yumob garra duwit langa im en kipum det strongwan pramis garram im, wal im garra meigim yumob im ronwan speshalwan pipul. Im na bos blanga ebrijing,

Eksadas 34:9

en imbin tok, “If yu gudbinji langa mi brabliwei, wal yu garra kaman garram melabat. Ai sabi ol detlot Isreil pipul dei brabli adbala pipul. Bat yu larramgo melabat fri brom melabat nogudbalawei en brom ola nogudbala ting weya melabat bin dumbat, en yu meigim melabat yu ronwan pipul.”

Prabebs 16:4

Wal YAWEI na meigim ola ebrijing wek hau im wandim, en im na meigim detlot nogudbala pipul abum brabli adtaim.

Aisaiya 19:25

YAWEI det boswan God garra gibit olabat det brabli gudbala wed, en im garra tok, ‘Detlot Ijip pipul, olabat main pipul, en aibin meigim detlot Asiriya pipul olabat jidan main pipul du, en detlot Isreil pipul, olabat jidan main ronwan pipul.’ ”

Aisaiya 45:7

Mi na bin meigim det lait en dakbala, en ai meigim pipul jidan hepiwan en sedwan. Mi na YAWEI dum ol dislot ting.

Aisaiya 47:4

“Mi na YAWEI det boswan God. Tharran na main neim. Mi na det brabli holiwan God blanga ola Isreil pipul en mi na garra seibum olabat.

Aisaiya 47:6

Aibin brabli wail langa main pipul olabat, en aibin panishim olabat wen aibin larram yu abum olabat kantri. Aibin meigim olabat jidan nogudbinji en jidan brabli sheimwan. Yu nomo bin fil sori blanga olabat, bat yubin jidan brabli krulbala langa olabat en langa ol detlot ol pipul du.

Aisaiya 51:15

Ai garra oldei albumbat olabat, dumaji mi na YAWEI det boswan God blanga olabat, en aibin meigim det solwoda blanga jinginatbat adbala.

Aisaiya 54:5

Mi na YAWEI det boswan God, det brabli holiwan God blanga ola Isreil pipul, en oni mi na jidan bos blanga dijan wel. Mi na bin meigim dijan wel, en mi jidan laiga hasbin blanga yu, en ai garra seibum yu.

Jeramaiya 10:12

Wal aibin sing dijan song. “YAWEI na bin meigim dijan wel garram im pawa, dumaji im brabli klebabala. Imbin meigim ebrijing langa skai du.

Jeramaiya 10:6

Wal aibin tok na, “YAWEI, nomo enibodi iya im jidan wulijim yu, najing. Oni yu na brabli haibalawan, en blanga yu neim im brabli strongbala en oni yu na garram detmatj pawa.

Jeramaiya 31:35

Wal YAWEI meigim det san gibitbat lait deitaim, en meigim det mun en sta gibitbat lait naitaim. Im oldei meigim det solwoda brabli haiwan en jingat adbala. Im neim YAWEI det brabli boswan God.

Jeramaiya 32:18

Yubin shoum bigismob yu kipgon laigim olabat detmatj, bat yu panishim ola pipul blanga ola nogudbalawei weya olabat mami en dedi bin dum. Yu brabli haibala God garram detmatj pawa. Yu neim na YAWEI det boswan God.

Jeramaiya 33:2

Imbin YAWEI na hubin meigim dijan wel en bin pudum ebrijing langa im rait pleis, hubin tok langa mi. Im neim YAWEI, en imbin tok,

Jeramaiya 46:18

“Mi na YAWEI det boswan God. Oni mi na jidan king. Mi na det laibalawan God en trubala ai dalim yumob. Wulijim det bigiswan hil gulum Teibowa weya jidan brabli haiwan langa najalot hil, en det bigwan hil gulum Kamul weya jandap brabli haibala gulijap langa solwoda, wal lagijat na det brabli strongbala boswan garra kaman en fait langa yumob.

Jeramaiya 50:34

Bat det wanbala hu garra larramgo olabat, im brabli strongbala. Im neim YAWEI det boswan God. Im na garra seibum en lukaftumbat olabat, en olabat garra jidan gudbinjiwei, nomo garram eni trabul, bat im garra jandim trabul langa Bebalon.

Jeramaiya 51:19

Det God blanga Jeikob im nomo laik olabat. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.

Leminteishans 3:24

YAWEI im ebrijing langa mi, en ai sabi ai gin trastimbat im.

Eimos 4:13

Aibin tok na, “God na bin meigim ola bigwan hil en imbin meigim ola win du. Im na shoum ola pipul wanim im jinggabat. Im tjeinjim deitaim en meigim naitaim. Im pudum im fut ontop langa ola haibala pleis langa dijan graun. Im neim YAWEI det Boswan God.” Lagijat na aibin tok.

Sekaraiya 2:12

Juda weya main pipul olabat garra jidan im garra speshalwan igin blanga YAWEI langa im seikridwan graun, en Jerusalem garra jidan det taun weya im laigim brabliwei.

Dyudaranami 32:9

Bat God bin pikimat det traib blanga Jeikob blanga im ronselp.