Jeramaiya 10:12 - Kriol Baibul

¹² Wal aibin sing dijan song. “YAWEI na bin meigim dijan wel garram im pawa, dumaji im brabli klebabala. Imbin meigim ebrijing langa skai du.

Jeramaiya 10:12 Iomraidhean Croise

Jenasis 1:1

Orait, longtaim wen God bin stat meigimbat ebrijing, nomo enijing bin jidan. Imbin jis eniwei, nomo garram enijing. Oni strongbala woda bin goran goran ebriwei, en imbin brabli dakbala, en det Spirit blanga God bin mubabat ontop langa det woda.

Jenasis 2:5

Wal longtaim wen YAWEI det trubala God bin meigim ebrijing, dijan wel bin jidan nomo garram tri en nomo garram gras en nomo garram purdiflawa. Det graun bin jidan lagijat dumaji God nomo bin jandim eni rein langa dijan wel, en nobodi bin jidan langa dijan wel blanga wekim ola graun.

Fes Kranakuls 16:26

Detlot drimin brom najalot kantri, olabat oni laiyawan, bat YAWEI imbin meigim hebin.

Job Wotfo Gudbala Pipul Abum Trabul? 26:7

Im na bin pudum det skai deya langa top, en im na bin pudumdan dijan graun iya langa dijan emtiwan pleis.

Job Wotfo Gudbala Pipul Abum Trabul? 37:18

Wal God gin spredimat detlot klaud langa det skai. Yu reken yu gin album im wen im dum lagijat?

Job Wotfo Gudbala Pipul Abum Trabul? 9:8

Oni God na bin meigim ebrijing langa skai, en wok ontop langa det rafwan solwoda.

Ola Saam 104:2

Yu lait jidan raidaran langa yu. Yubin spredimat det skai wulijim tent,

Ola Saam 104:24

YAWEI, yubin meigim loda ting. Garram yu ron sabibalawei yubin meigim olabat brabli gudwei. Dijan wel jidan garram detmatj enimul blanga yu.

Ola Saam 119:90

Det trubalawei blanga yu im kipgon olagijawan. Yubin meigim dijan wel blanga jidan langa im raitwan pleis, en im jidan lagijat olagijawan.

Ola Saam 24:2

Imbin pudum detlot kantri ontopwei, en ola woda andanithwei.

Ola Saam 33:6

YAWEI bin meigim ebrijing langa hebin garram im wed. Imbin jis tok en det san, mun, en ola sta bin kamat.

Ola Saam 65:7

Yu meigim det solwoda jidan kwaitbala. Yu meigim pipul jidan kwaitbala wen dei meigimbat trabul.

Ola Saam 78:69

Deya na imbin bildimap im Serramoni Pleis jis laik im kemp langa hebin. Imbin meigim im brabli strongbalawan jis laik dijan wel igin. Im jidan brabli strongbalawan olataim.

Ola Saam 93:1

YAWEI det trubala God im Boswan. Im jidan brabli haibalawan en brabli strongwan. Dijan wel im jidan langa im rait pleis en nomo enijing kaan mubum im.

Prabebs 3:19

“Wal garram det sabibalawei blanga im, YAWEI bin meigim dijan wel, en imbin sabi hau blanga pudum det skai langa im pleis.

Prabebs 30:4

“Wal enibodi bin gowap langa hebin en kambek igin? Enibodi bin holdim det win langa im bingga? Enibodi bin majurrumap ola woda brom solwoda en makam ola bandri blanga ola graun langa dijan wel? If yu sabi enibodi hubin dum dislot ting wal yu dalim mi. Dalim mi olabat neim en olabat biginini neim.

Aisaiya 37:16

“YAWEI, yu det boswan God en yu God blanga ola Isreil pipul du. Yu jidan deya langa top langa yu speshalwan tjeya en det dubala golwan sheip garram wing jidan tusaid langa det tjeya. Yu na bin meigim det skai en dijan graun, en oni yu na wanbala jidan bos blanga ola kantri langa dijan wel.

Aisaiya 40:22

God na im bos blanga ol dislot kantri langa dijan wel, en ebribodi hu jidan langa dislot kantri olabat jis laik detlot lilwan insek. Im na bin spredimat det skai wulijim kaliko.

Aisaiya 42:5

“Wal mi na YAWEI bin meigim ebrijing langa top, jis laiga tent. Mi na bin meigim dijan graun en ebrijing weya gro langa dijan graun. En mi na gibitbat laif langa ebrijing weya jidan langa dijan graun. Wal yu lafta lisin wanim ai garra tok na.

Aisaiya 44:24

Wal YAWEI bin tok, “Ol yumob Isreil pipul, mi na YAWEI det trubala God blanga yumob. Mi na gibitbat yumob laif, en aibin seibum yumob du. En mi na bin meigim ebrijing langa top, en langa dijan graun.

Aisaiya 45:12

Aibin meigim dijan wel, en aibin meigim ola pipul blanga jidan langa dijan wel. Aibin spredimat det skai, en aibin pudum loda sta deya.

Aisaiya 45:18

Trubala, YAWEI na det trubala God. Imbin meigim skai en imbin meigim dijan wel blanga pipul na blanga jidan. Im nomo bin meigim rabishwan kantri weya pipul kaan jidan. Oni YAWEI na im God, en nomo enijing jidan haibala laik im.

Aisaiya 48:13

Garram main ronwan pawa aibin meigim dijan wel, en aibin spredimat det skai. En ebrijing langa dijan wel en skai oldei teiknodis langa main wed.”

Aisaiya 49:8

Wal YAWEI bin kipgon tok na, “Ai garra ensim yumob preya, dumaji aibin meigim det pramis blanga albumbat yumob, en mi kaminap blanga seibum yumob na. Aibin pikimat yumob blanga deigim main gudwan pramis langa najalot pipul. Yumob garra kambek en jidan deya en bildimap igin det kantri weya imbin jidan rabishwan.

Jeramaiya 10:13

Wen im tok det thanda jingat adbala langa skai, en im bringimap ol detlot klaud. Im meigim det laitining laitlait langa det rein, en im jandim win brom im stowa rum.

Jeramaiya 10:16

Det God blanga Jeikob im nomo laik detlot. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.”

Jeramaiya 14:22

Nomo eni drimin sheip langa eni kantri garram pawa blanga jandim rein. Det skai kaan meigim rein buldan. Dumaji oni yu na, YAWEI, gin jandim rein wulijim melabat trastimbat yu blanga melabat God.” Lagijat na detlot Juda pipul bin tok.

Jeramaiya 27:5

“Garram ol main strongbala pawa aibin meigim dijan wel, en ola pipul, en ola enimul weya jidan langa dijan graun, en ai garra gibit langa enibodi weya aibin pikimat.

Jeramaiya 32:17

“YAWEI det boswan God, yu na bin meigim dijan graun en det skai garram yu haibala pawa. Nomo enijing im adwan blanga yu.

Sekaraiya 12:1

Dijan na det wed brom YAWEI det trubala God hubin meigim det skai en dijan graun en hubin gibit laif langa pipul. Dijan na det wed blanga YAWEI langa ola Isreil pipul. Imbin tok,

Jon Bin Dalim Det Gudnyus Blanga Jisas Det San Blanga God 1:3

en God bin meigim ebrijing garram det Wed. Im nomo bin meigim enijing nomo garram det Wed,

Kaloshans 1:16

Imbin meigim ebrijing weya wi gin luk en ebrijing weya wi kaan luk, en imbin meigim ola einjul en olkain spirit en olkain pawa en ola bos ebriweya langa graun en langa hebin. God bin meigim ebrijing thru Jisas Krais, en imbin meigim ebrijing blanga Jisas Krais du.