Jeramaiya 10:11 - Kriol Baibul

¹¹ “Wal yumob pipul garra lafta dalim olabat blanga detlot drimin. Dei nomo bin meigim dijan graun en det skai, en dei garra binijap dregli. Dei kaan jidan langa dijan wel enimo.” Lagijat na aibin tok.

Jeramaiya 10:11 Iomraidhean Croise

Ola Saam 96:5

Detlot drimin blanga najalot kantri olabat laiyawan, weya pipul bin meigimbat, bat YAWEI det trubala God bin meigim ebrijing langa skai.

Aisaiya 57:12

“Yumob reken miselp brabli gudbala, bat ai garra shoum yumob wanim trubala.

Jeramaiya 10:15

Olabat najing, en bambai YAWEI garra binijimap olabat.

Jeramaiya 43:12

Ai garra jandim faiya langa detlot serramoni pleis blanga detlot drimin sheip brom Ijip, en det king brom Bebalon garra barnimap detlot drimin sheip, o deigimwei olabat. Jis laik detlot pipul hu oldei pikimat detlot laus brom olabat heya, wal lagijat na, det king brom Bebalon garra kaman en deigimwei ebrijing brom detlot Ijip pipul, en im garra gobek langa im kantri brabli gudbinjiwei.

Jeramaiya 43:13

King Nebakanesa garra bitsimap detlot seikridwan ston blanga Heliyapalas langa Ijip, en ai garra barnimap detlot serramoni pleis garram detlot drimin sheip blanga detlot Ijip pipul.” Wal lagijat na YAWEI bin dalim mi.

Jeramaiya 50:2

Imbin tok, “Yu garra dalim det nyus langa ebri kantri. Yu gibit det sain en dalim det nyus. Yu nomo kipum sigridwan. Detlot enami garra teikoba Bebalon. En blanga im drimin neim Maduk, im garra sheim en brabli bradin, En detlot enami garra bitsimap detlot brabli nogudbala drimin sheip.

Jeramaiya 51:18

Olabat najing, en bambai YAWEI garra binijimap olabat.

Leminteishans 3:66

Yu andimwei olabat en yu binijimap olabat.” Lagijat na det speshalwan mesinja bin tok.

Isikiyel 30:13

“Wal YAWEI det boswan God bin kipgon tok langa detlot Ijip pipul, ‘Yumob oldei weshipbat detlot drimin sheip langa det taun gulum Mimfas. Wal ai garra bitsimap ol detlot drimin sheip. Nomo enibodi garra jidan bos deya langa yumob kantri, en yumob garra bradin nomo lilbit.

Sefanaiya 2:11

Bambai ola pipul garra bradin blanga YAWEI detmatj wen im garra binijimap ola drimin blanga olabat langa ola kantri. Im garra binijimap detlot drimin, en detlot pipul garra nildan langa olabat ni en weship im. Ola pipul langa olabat ronwan kantri, gulijapwan en longweiwan kantri garra dum lagijat na.”

Sekaraiya 13:2

Langa det dei ai garra tjakidawei ola drimin sheip brom det kantri wulijim pipul garra fogedabat olabat neim. En ai garra deigidawei ola laiyawan mesinja en ola nogudwan spirit weya tenimran pipul blanga bulurrum detlot nogudwanwei.

Rebaleishan 20:2

Wal det einjul bin grebum det dregan na, det olwan sneik, det dibuldibul gulum Seitin. Det einjul bin grebum im, en imbin taiyimap im brabli longtaim, blanga 1,000 yiya.

Fes Semyul 5:4

Neksdei igin detlot pipul bin luk det drimin blanga olabat bin buldan feis langa graun lida langa det Seikridwan Boks, en distaim wen imbin buldan, im hed en im bingga dubala bin kamat brom det bodipat, en deibin rol rait langa det dowawei blanga det haus.