Jeramaiya 10:10 - Kriol Baibul

¹⁰ Bat yu, YAWEI, yu na det brabli trubalawan God. Yu na det brabli laibalawan God, en yu na det olagijawan king. Wen yu wail brabliwei yu meigim dijan wel sheiksheik nomo lilbit, en ola pipul hu jidan langa dijan wel oldei bradin wen yu wail.

Jeramaiya 10:10 Iomraidhean Croise

Jenasis 21:33

en imbin growimap wanbala temarisktri, en deya na imbin weship YAWEI det trubala God hu jidanbat laibala olagija.

Fes Kings 18:39

Wen ol detlot pipul bin luk wanim bin hepin deibin ol tjakam miselp lobala langa graun en deibin jingat, “YAWEI im na det trubala God! YAWEI na det trubalawan God!”

Fes Kings 8:60

wulijim pipul langa ebri kantri langa dijan wel garra sabi yu na YAWEI det trubala God en nomo najalot drimin o enibodi jidan wulijim yu.

Fes Kranakuls 29:11

Yu na brabli haibala en yu na garram detmatj pawa. Yu brabli gudwan, en yu na det brabli shainiwan lait, en yu na det king. Ebrijing langa hebin en langa dijan wel blanga yu, en yu jidan det boswan king blanga ebrijing na.

Sekan Kranakuls 15:3

“Fo longtaim na, ola Isreil pipul nomo bin weshipbat langa YAWEI en nomo bin teiknodis langa detlot serramonimen hubin titjimbat olabat blanga God. Dei nomo bin kipum det lowa blanga God.

Job Wotfo Gudbala Pipul Abum Trabul? 9:6

En God gin meigim ola graun sheiksheikbat nomo lilbit,

Ola Saam 10:16

YAWEI det trubala God im jidan bos olagijawan. Detlot hu weship najalot drimin, im garra meigim olabat gowei brom im kantri.

Ola Saam 100:3

Yumob garra sabi dijan brabliwei. YAWEI im God. Imbin meigim wi, en wi na im pipul. Wi blanga im en wi jidan jis laik im ronwan shipmob.

Ola Saam 100:5

YAWEI im gudwan. Im laigim im pipul olabat olagijawan. Im garra oldei dum wanim imbin pramis.

Ola Saam 104:32

Wen im luk langa dijan kantri dijan kantri sheik nomo lilbit. Wen im tatjim ola bigwan hil smok kamat.

Ola Saam 114:7

Sheiksheik graun! YAWEI im kaminap. Sheik lida langa YAWEI det God blanga Jeikob.

Ola Saam 145:13

Det haibala pleis garra jidan olagijawan, en yu garra jidan boswan olagijawan. YAWEI oldei kipum im wed trubalawei. Im dum ebrijing garram kainbalawan filing.

Ola Saam 146:6

YAWEI na bin meigim det skai, graun, woda en ola ebrijing weya jidan langa olabat. Im oldei dum wanim imbin pramis.

Ola Saam 18:7

Wal ola graun bin sheiksheik. Nomo lilbit ola graun ebriweya bin mubmub, dumaji God bin gitwail langa im enami olabat.

Ola Saam 29:10

YAWEI na det King en im na det Boswan blanga det bigwan solwoda, en im garra jidanbat Bos blanga ola pipul olagijawan.

Ola Saam 31:5

YAWEI, langa yu bingga na ai libum main spirit. Yu garra seibum mi, YAWEI. Yu na det brabli trubalawan God.

Ola Saam 42:2

Jis laik mi thesti blanga dringgim woda, mi wandim yu, det laibalawan God. Wotaim ai gin go blanga weship yu weya yu jidan?

Ola Saam 68:11

Bos, yubin gibit wed en loda wuman bin deigim dijan nyus ebriweya,

Ola Saam 68:8

det graun bin sheik en rein bin buldan, dumaji yu na God, det God hubin tok langa Sainai, en yu na det God blanga ola Isreil pipul.

Ola Saam 74:12

Bat God, yubin jidan melabat king brom longtaim. Lodataim yubin oldei seibum yu pipul olabat iya langa melabat kantri.

Ola Saam 76:7

Bat oni langa yu YAWEI, ebribodi bradin. Wen yu gitwail, nobodi kaan jandap langa yu.

Ola Saam 76:8

Brom ontop langa hebin yubin larram pipul sabi blanga yu kotkeis. Ola pipul langa dijan wel bin bradin en deibin jidan kwaitbala.

Ola Saam 77:18

Det nois blanga yu thanda bin jidan langa det wiliwili, en det lait brom yu laitining bin laitimap dijan wel. Dijan wel bin sheiksheik nomo lilbit.

Ola Saam 84:2

Mi wandim jidan langa det Serramoni Pleis blanga YAWEI brabliwei! Garram ol main laif mi sing gudbinjiwei langa det laibalawan God.

Ola Saam 9:8

Im det trubalawan bos oba langa ola kantri. Im jadjim pipul langa ola kantri en gibit olabat feyago.

Ola Saam 90:11

Nobodi sabi det brabliwan pawa wen yu gitwail langa det nogudbalawei blanga pipul. Blanga tharran na melabat garra bradin en rispek yu olataim.

Ola Saam 90:2

Bifo yubin meigim ola hil en meigim dijan wel kamat, yu na bin oldei jidan det olagijawan God, en yu garra jidan God olagija.

Ola Saam 93:2

YAWEI, yubin oldei jidan boswan bifo enijing bin jidan.

Ola Saam 97:4

Ola laitining blanga im shainimap dijan wel, en wen ola pipul luk tharran, im meigim olabat sheik nomo lilbit.

Aisaiya 37:17

YAWEI, yubin lisin hau Senakerib bin toktok nogudbalawei blanga yu, det laibalawan God.

Aisaiya 37:4

Aisaiya, yu garra prei blanga wi hu stil jidan laibala. Wal det king brom Asiriya bin jandim det haibala wekinmen blanga mokimbat det laibalawan God. Maitbi YAWEI bin irrim wanim imbin toktokbat, en maitbi im garra irrim yu en ensim yu preya.’

Aisaiya 40:15

Nomo eni kantri langa dijan wel jidan mowa haibala langa YAWEI. Detlot kantri jidan jis laik det bilibong weya im garram lilwan woda. Detlot kantri nomo enijing. If YAWEI holdim ola ailin langa im bingga, im nomo hebiwan. Im jis laik im garram lilbit sengraun langa im bingga.

Aisaiya 40:28

Yumob nomo sabi? Yumob nomo bin irrim? YAWEI na det olagijawan God. Im na bin meigim dijan wel. Im nomo wikwan. Im kaan neba nokap. Nomo ebribodi sabi wanim YAWEI jinggabat.

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Aisaiya 65:16

Mi na God. Yumob gin trastim langa mi. Yumob bin oldei abumbat loda trabul, bat im ol gon na. Ai kaan jinggabat tharran enimo na. Wen yumob oldei prei blanga sambodi blanga gajim ola gudbala ting, en wen yumob meigim eni pramis, yumob garra oldei dum tharran garram main neim, dumaji oni mi na wanbala God, en yumob gin trastim langa mi.”

Jeramaiya 23:36

Wal olabat kaan yusum detlot wed, ‘Ai garram wed brom YAWEI’ enimo. Wen dei tok lagijat dei jis twistimran main wed en meigim im jidan laiyawan. Dei garra jinggabat tharran, dumaji mi na yumob ronwan God. Mi na YAWEI det brabli haibala boswan God.

Jeramaiya 4:2

If yumob meigim pramis garram main neim en bulurrum mi trubalawei en gibit olabat feyago, wal ola najalot pipul garra askim mi blanga album olabat du, en olabat garra preisimbat oni langa mi.

Jeramaiya 4:24

Aibin luk langa detlot bigwan hil. Detlot hil bin sheiksheikbat nomo lilbit, en detlot hil bin mubabat ebriweya.

Jeramaiya 50:46

Pipul garra irrim bigiswan nois wen Bebalon garra binij, en ola graun ebriweya garra sheik. Ola Bebalon pipul garra jingat bradinbalawei, en pipul garra irrim olabat brom ola najalot kantri.” Lagijat na YAWEI bin tok.

Jeramaiya 51:29

Det graun garra sheiksheikbat, dumaji YAWEI dum wanim im plen blanga meigim Bebalon jidan wulijim deset, weya nobodi kaan neba jidan deya.

Denyul 4:3

“God bin dum ola brabli klebabala ting en wibin luk im pawa. Im garram loda pawa blanga dum klebabala ting! God na jidan king, en im na garra jidan bos olagijawan.

Denyul 4:34

Wal King Nebakanesa bin tok langa olabat, “Wen det 7 yiya bin binij, aibin lukap langa top, en aibin jinggabat gudwei igin. Aibin preisim det Brabli Haibala God. Aibin weship im en lidimap im neim en meigim im mowa haibala, det wanbala God hu jidan olagijawan. Aibin tok, “God na jidan bos olataim. Im na jidan king olagijawan.

Denyul 6:26

Ai dalim yumob, ebribodi langa ola kantri weya ai jidan bos garra rispek brabliwei det God blanga Denyul. “Im na det laibalawan God, en im jidan bos olagijawan. Nobodi kaan bidim im, en im pawa kaan neba binij.

Denyul 6:27

“Im seibum en album ola pipul. Im dum klebabala ting langa top en langa dijan graun, en ebribodi bin teiknodis. Imbin seibum Denyul brom detlot laiyan.” Lagijat na King Daraiyas bin tok langa det leda.

Denyul 7:14

Det wanbala men hubin jidan laibala olagijawan bin meigim im jidan brabli haibala bos garram pawa blanga jidan king, wulijim ola pipul langa ebri kantri en langgus garra jidan wekinmen oni blanga im. Blanga im pawa kaan neba binij, en im kantri garra jidan olagijawan. Wal tharran na det drim weya aibin abum.

Jowal 2:11

Nobodi kaan kaundimbat det ami blanga im, dumaji olabat jidan detmatj. En olabat brabli strongbala du, dumaji olabat lisin en duwit langa im. “Det dei blanga YAWEI im garra jidan brabli nogudwan. Wal hu garra jidan laibala brom det dei?” Lagijat na Jowal bin tok.

Maika 1:4

en wen im pudumbut detlot hil, detlot hil garra meltap jis laik det weks weya meltap langa faiya, en detlot meltapwan hil garra bilimap ola beli jis laik woda weya im randan brom hil.

Neiham 1:5

En wen YAWEI jandap lida langa ola bigwan hil, detlot hil oldei sheiksheik, en ola lilwan hil oldei go fletwan du. En wen YAWEI shoum miselp, det graun im sheiksheikbat en ola pipul langa ebri kantri bradin brabliwei blanga im en sheiksheikbat nomo lilbit.

Neiham 1:6

Wal yumob dalim mi na. Wen YAWEI gitwail, hu gin jidan laibala? Hu gin jidan laibala wen God gitwail? Nobodi kaan jidan laibala, dumaji wen God gitwail brabliwei, im jis laiga bigbala faiya. Ebrijing garra binij, en ola ston garra meigim miselp das.

Hebakak 3:10

Wen detlot bigwan haiwan hil bin luk yu, deibin sheik nomo lilbit, en rein bin buldan brom skai. Det woda bin boilap brom andanith det graun, en det solwoda bin gidap haibala.

Hebakak 3:6

Wen yubin stap wokwokbat dijan wel bin sheik, en wen yubin luk, pipul langa ebri kantri bin jidan brabli bradinwan. En wen yu wokwokbat langa det roud blanga yu weya bin jidan longtaim, ol detlot bigwan hil en lilwan hil buldan.

Melakai 3:2

Bat langa det dei wen im garra kaman, hu gin jidan laibala? Nobodi. Hu gin jandap lida langa im? Nobodi. Yu sabi hau det hotwan faiya binijimap det rabishwan pat langa det silba o gol. Wal wen im kaman bambai im garra binijimap ola nogudwan ting insaid langa im pipul olabat. Yu sabi hau det sop deigidawei det dardiwan pat brom ola klos. Wal lagijat du im garra deigidawei ola nogudwan brom im pipul olabat.

Methyu 16:16

Wal Saiman Pida bin tok, “Yu na det Boswan gulum Masaiya det San blanga det laibalawan God.”

Methyu 26:63

Wal Jisas bin jandap kwaitbala, en im nomo bin gibit im ensa, en det boswan haibala serramonimen bin tok, “Oni wanwei ai gin meigim yu tok hu yu. Ai lafta gulum neim blanga God. Yu dalim melabat hu yu. Yu tharran Masaiya weya dei gulum Krais? Yu San blanga God?”

Jon Bin Dalim Det Gudnyus Blanga Jisas Det San Blanga God 17:3

En if enibodi sabi yunmi mijamet, wal im garram det olagijawan laif, dumaji oni yu na trubalawan God, en mi na Jisas Krais, en yu na bin jandim mi langa dijan wel.

Eks Hau Det Gudnyus Blanga Jisas Krais Bin Spredat Ebriweya 14:15

Dubala bin tok, “Wotfo yumob wandi dum det ting? Minbala nomo drimin! Minbala men seim laik yumob! Minbala bin kaman iya blanga dalimbat yumob det gudnyus en blanga meigim yumob libum diskain nogudbala ting en go langa det laibalawan God. Im na bin meigim skai en graun en solwoda en ebrijing weya jidan langa dijan wel.

Dyudaranami 32:4

“YAWEI im jis laiga brabli strongwan ston weya kipum yumob seifwan. Im neba dum eni rong ting. Yumob gin oldei trastimbat God. Im brabli gudbala en im oldei gibit feyago.

Dyudaranami 5:26

Wen det laibalawan God im tok langa enibodi brom faiya, im gin kipgon jidan laibalawan? Nomo.

Fes Thesaloniyans 1:9

Ebriweya melabat oldei go, ola pipul oldei dalimbat melabat wanim bin hepin langa yumob wen melabat bin deya garram yumob. Dei oldei dalimbat melabat hau yumob bin tenim miselp brom ol detlot drimin blanga yumob en hau yumob bin gibit miselp langa det trubala God. En dei oldei dalimbat melabat hau yumob bulurrum det brabliwan God trubalawei.

Fes Timathi 1:17

Wal wi garra oldei preisim en rispek langa det olagijawan king hu jidan olagija. Im kaan neba dai, en nobodi kaan luk im. Oni im na det trubalawan God, en wi garra preisim im olagija. Trubala dijan mi dalim yu.

Fes Timathi 6:17

Wal Timathi, yu garra tok langa ola ritjwan Kristjan pipul hu garram loda enijing, en yu garra dalim olabat nomo blanga laigim miselp dumaji deibin hipimap bigmob enijing iya langa dijan kantri. Dei kaan trastim detlot enijing blanga album olabat, dumaji dei nomo sabi wotaim detlot ting garra binij. Dei garra trastim God blanga lukaftumbat olabat, dumaji im na oldei gibit wi ola enijing blanga meigim wi jidan gudbinjiwei.

Hibrus 10:31

Trubala ai dalim yumob. Im brabli nogud if det laibalawan God garra panishim yu.

Joshuwa 3:10

Yumob garra ol sabi God im jidan garram yumob, en yumob garra sabi im laibala. Im nomo dedbala. En yumob garra sabi im bos blanga ebrijing, dumaji det Seikridwan Boks blanga im garra go lida langa yumob langa det Jodan Riba, en wen wi go langa det kantri, God garra andimwei ol detlot traib hu jidanbat deya gulum Keinanait, Hitait, Hibait, Perasait, Gegashait, Emarait en Jebusait.

Fes Jon 5:20

En wi sabi det San blanga God bin kaman, en imbin meigim wi sabi wulijim wi garra sabi det trubala God. En wi jidan joinap garram det trubala God. Yumob sabi na? Wi jidan joinap garram Jisas Krais det San blanga God. Im na det trubala God. En im det olagijawan laif du.

Rebaleishan 20:11

Brom deya aibin luk bigbala waitwan tjeya, en aibin luk det sambodi hubin jidan langa det tjeya, en ola graun en skai bin ranawei na, binij olagija.

Jadjis 5:4

Longtaim wen imbin gowei brom det hil kantri gulum Siyiya, en wen imbin kaman iya basdam brom det kantri gulum Idam, ola graun langa dijan kantri bin sheik, en bigiswan rein bin buldan brom ola klaud ebriweya.

Fes Semyul 17:26

Wal Deibid bin askim detlot men deya gulijap langa im, “Det Filastain men im bringimap bigbala sheim langa ola Isreil pipul. Wal wanim det king garra gibit langa det men hu garra kilim det Filastain men ded en deigidawei dis bigbala sheim? Det Filastain men im nomo enijing. Nobodi bin meigim im men. Im kaan tok nogudbalawei lagijat langa ola solja blanga det trubala God.” Lagijat na Deibid bin tok,

Fes Semyul 17:36

Loda taim aibin kilim laiyan en beya ded, en ai garra kilim det Filastain men ded lagijat du, dumaji im oldei tok nogudbalawei langa ola solja blanga det trubala God.