Jeramaiya 1:11 - Kriol Baibul

¹¹ Wal YAWEI bin askim mi na, “Jeramaiya, wanim yu lukinatbat?” En aibin tok langa im, “Detlot bushis blanga det tri gulum amantri.”

Jeramaiya 1:11 Iomraidhean Croise

Jenasis 30:37

en Jeikob bin gajim sambala grinwan stik brom thribala tri gulum paplatri, amantri en pleintri, en afta imbin deigimat sambala bak brom detlot stik, en detlot stik bin abum detlot mak garram straipstraip,

Aisaiya 55:11

Lagijat du detlot wed blanga main. Detlot wed garra dum ebrijing ai wandim olabat blanga dum.’ ”

Jeramaiya 24:3

Afta na YAWEI bin tok langa mi, “Jeramaiya, wanim yu gin luk?” Aibin ensim im, “Ai gin luk det fig daga. Detlot gudwan frut daga im brabli gudwan, en detlot nogudwan frut daga im brabli nogud blanga dagat.”

Isikiyel 12:25

Dumaji mi na YAWEI det boswan God. Ai garra gibitbat olabat main wed, en wanim mi oldei toktokbat garra hepin en im garra hepin kwikbala. Ol yumob pipul hubin gibit mi bekboun garra luk dijan. Aibin gibit yumob woning en tudei na ai garra dum. Mi na YAWEI det boswan God meigim dijan pramis.

Isikiyel 12:28

Wal yu garra dalim olabat mi na YAWEI det boswan God bin tok main wed garra kaman trubala streidawei, jis laik det woning aibin gibit olabat.” Lagijat na YAWEI bin tok.

Isikiyel 7:10

“Wal det brabli nogudbala taim im kaminap na blanga yumob, dumaji yumob nomo gibit feyago langa najalot pipul en yumob laigim miselp brabliwei.

Eimos 7:8

Brom deya God bin askim mi. Imbin tok. ‘Eimos, wanim yu gin luk?’ “En aibin tok, ‘Ai gin luk detkain lain weya gin streitinimap enijing.’ ” “En God bin tok, ‘Mi yusumbat dijan lain blanga shoum main pipul olabat weya dei nomo jidan streitbalawei. Ai kaan album miselp blanga holdimbek miselp na, ai garra panishim olabat.

Eimos 8:2

En YAWEI bin askim mi, ‘Eimos, wanim yu gin luk?’ ” En aibin tok, “Mi luk bigmob kukwan frut daga langa baskit.” “En YAWEI bin tok, ‘Wal ai gin luk main pipul Isreil. Olabat jis laik det frut langa det baskit weya redi blanga sambodi blanga binijimap. Wal lagijat du ai garra binijimap main pipul olabat. En ai kaan album miselp blanga holdimbek miselp enimo. Ai garra panishim olabat.

Sekaraiya 4:2

En imbin tok langa mi, “Wanim yu gin luk?” Aibin ensim im, “Ai gin luk golwan lempsten en deya ontop im garram det boul garram oil. En ontop langa det lempsten sebenbala lemp, en insaid langa ebri lemp detlot pleis blanga laidim sebenbala lait.

Sekaraiya 5:2

Det einjul bin askim mi, “Wanim yu gin luk?” Aibin ensim im, “Ai gin luk rolapwan peipa garram wed flaiflai ontop. Imbin 10 mita longwei en 5 mita kroswei.”

Nambas 17:8

Neksdei na, wen Mosis bin go insaid langa det Seikridwan Tent imbin luk blanga Eran wokinstik bin abum nyuwan lif na en purdiflawa en daga gulum aman.