Ifishans 4:3 - Kriol Baibul

³ Det Holi Spirit bin meigim wi wanbala pipul wen imbin joinimap wi en meigim wi jidan gudbalawei, en yumob garra adwek blanga meigim miselp jidan wanbala.

Ifishans 4:3 Iomraidhean Croise

Fes Kings 16:21

Wal detlot Isreil pipul bin kadimat miselp na. Sambala pipul bin wandim meigim Taibni det san blanga Ginath jidan king, en detlot najalot pipul bin wandim Omri blanga jidan king.

Eksadas 28:32

Dei garra meigim hol blanga im hed, en dei garra mindimap det hol weya im kaan breik,

Aklisiyestis 4:12

En if yu jidan wanbala, sambodi mait fait en bidim langa yu, bat if dubala jidan mijamet dei gin bidim det wanbala. Dubala jis laik fetwan roup weya mowa strongwan langa skiniwan roup.

Mak Bin Dalim Ola Stori Blanga Jisas 3:24

Najing. Im kaan lagijat. Yumob sabi? If ola pipul langa wanbala traib kadimat miselp en faitfait gija, wal detlot pipul blanga det wanbala traib garra binijimap olabat ronwan traib gin.

Jon Bin Dalim Det Gudnyus Blanga Jisas Det San Blanga God 13:34

Bat ai gibit yumob nyuwan lowa blanga bulurrum. En iya na det lowa. Yumob garra laigim gija. “Yumob sabi? Aibin laigim yumob, en yumob garra laigim gija seimwei du jis laik aibin laigim yumob.

Fes Karinthiyans 1:10

Wal main braja en sista olabat, yumob irrim mi na. Jisas Krais det Bos blanga wi bin gibit mi det rait blanga tok blanga im, en ai dalim yumob. Yumob garra jidan garram wanbala main en tok wanwei, en yumob kaan kadimat miselp en meigimbat miselp difrin.

Sekan Karinthiyans 13:11

Wal main braja en sista olabat, ai garra tok gudbai langa yumob na. Bat yumob garra trai en jidan nomo garram enijing rong, en yumob garra lisin langa det wed weya aibin dalim yumob, en yumob garra jidan mijamet garram seimwan main, en yumob garra jidan gudbalawei garram yumob braja en sista olabat. En God hu oldei laigim wi en hu oldei meigim wi jidan gudbalawei garra jidan garram yumob.

Ifishans 4:13

en im garra kipgon meigim wi strongbala lagijat raidap wi ol garra bilib wanwei en sabi det San blanga God trubalawei du. En wen wi ol jidan wanwei lagijat, wal wi garra jidan strongbala en wi garra jidan jis laik Jisas Krais bin jidan.

Ifishans 4:4

Wal wi ol jidan wanbala pipul, dumaji oni wanbala Holi Spirit im jidan langa wi, en God bin pikimat wi blanga go langa wanbala pleis,

Fes Thesaloniyans 5:13

en yumob garra shoum olabat yumob rispek olabat, en yumob garra laigim olabat brabliwei du, dumaji dei dumbat det wek na, en yumob garra ol jidan brabli gudbalawei mijamet.

Hibrus 12:14

En yumob garra trai en jidan gudbalawei garram ebribodi. Yumob kaan jidan eniwei. Oni blanga God yumob garra jidan, dumaji nobodi kaan luk God if dei nomo jidan lagijat.