Ifishans 3:3 - Kriol Baibul

³ en imbin shoum mi det plen blanga im weya nobodi bin sabi bifo. Wal aibin dalim yumob lilbit blanga det plen blanga im iya langa dijan leda,

Ifishans 3:3 Iomraidhean Croise

Eks Hau Det Gudnyus Blanga Jisas Krais Bin Spredat Ebriweya 22:17

“Wal afta aibin kambek iya langa Jerusalem, en aibin go langa det Serramoni Pleis blanga prei, en deya na aibin abum drim,

Eks Hau Det Gudnyus Blanga Jisas Krais Bin Spredat Ebriweya 22:21

Bat det Boswan bin dalim mi. ‘Yu go na, dumaji ai garra jandim yu longwei langa ola Jintail pipul.’ ”

Eks Hau Det Gudnyus Blanga Jisas Krais Bin Spredat Ebriweya 23:9

En deibin ol agamin en jinginatbat brabli adbala na. Bambai na sambala lowamen brom det Ferasimob bin jandap, en deibin tok brabli strongbalawei. Deibin tok, “Melabat kaan faindim eni folt langa dijan men. Maitbi trubala imbin luk einjul o spirit kamat langa im deya langa det roud.”

Romans 11:25

Wal main braja en sista olabat, ai wandim yumob garra sabi det plen blanga God weya imbin holdimbek en nomo oldei shoum langa enibodi. Bat imbin shoum wi det plen na, en yumob garra sabi det plen wulijim yumob kaan reken miselp haibala. Wal iya na det plen blanga God. Imbin meigim detlot Isreil pipul jidan admen. Bat im kaan meigim olabat jidan lagijat olagijawan. Dei garra jidan admen raidap ol detlot Jintail pipul hu garra bilib langa Jisas Krais bin kaman langa im.

Sekan Karinthiyans 12:1

Wal ai garra kipgon toktok praudbalawei langa yumob, dumaji yumob wandim mi blanga tok lagijat. En nomeda det praudbalawei kaan album enibodi, bat stil ai garra dalim yumob blanga sambala speshalwan drim weya Jisas Krais det Bos blanga wi bin shoum.

Galeishans 1:12

Nobodi bin gibit mi det wed, en nobodi bin lenim mi du. Oni Jisas Krais na bin shoum mi det wed.

Ifishans 1:17

Wal God im det brabli haibalawan Dedi weya Jisas Krais det Bos blanga wi bin oldei bulurrum, en mi oldei askimbat im na blanga gibit yumob det Holi Spirit blanga meigim yumob sabi ebrijing en blanga meigim yumob sabi im brabliwei.

Ifishans 3:4

en if yumob ridim wanim aibin raidimdan, wal yumob garra sabi wanim mi sabi blanga det sigridwan plen blanga Jisas Krais.

Ifishans 3:6

Wal God garra dum det plen blanga im garram det gudnyus, en thru det gudnyus na ola Jintail pipul garra gedim ebrijing weya God gibit langa ola Juwish pipul, en God garra joinimap Jintail pipul garram Juwish pipul en meigim olabat wanbala, en det pramis weya God bin meigim langa ola Juwish pipul garra go langa ola Jintail pipul du, dumaji olabat joinap garram Jisas Krais.

Ifishans 3:9

En imbin gibit mi det wek blanga shoum ola pipul hau God garra dum det plen blanga im. Wal God na bin meigim ebrijing, en imbin meigim det plen du. Bat imbin blandim det plen raidap tudei.

Ifishans 6:19

En yumob garra prei blanga mi du, en askim God blanga dalim mi hau blanga tok langa pipul wen mi abum tjens. En yumob garra askim im blanga meigim mi tok strongbalawei en meigim ola pipul sabi brabliwei det gudnyus en det plen blanga God.

Kaloshans 2:2

Mi oldei adwek blanga meigim yumob jidan strongbala en blanga meigim yumob wandi kipgon bulurrumbat det trubala wed. En mi oldei adwek blanga joinimap yumob en meigim yumob laigim gija en jidan wanbala. En mi oldei adwek blanga meigim yumob sabi brabliwei det plen blanga God weya nobodi bin sabi bifo. Det plen na im Jisas Krais. En wen yumob sabi det plen brabliwei, wal yumob garra jidan brabli gudbinjiwei,

Kaloshans 4:3

En yumob garra oldei prei blanga mi en main wekinmen olabat du. Yumob garra askimbat God blanga gibit melabat tjens blanga dalimbat det wed blanga Jisas Krais. Nobodi bin sabi det wed bifo Jisas Krais bin kaman en shoum wi. En tudei mi iya langa dijan jeil dumaji mi oldei dalimbat det wed blanga im.

Hibrus 13:22

Wal main braja en sista olabat, mi askimbat yumob blanga lisin brabliwei langa dijan wed weya aibin raidimdan blanga meigim yumob jidan strongbala, dumaji dijan leda im nomo longwan.

Fes Pida 5:12

Wal ai dalim yumob. Det men neim Sailas im brabliwan Kristjan braja blanga wi, en imbin album mi blanga raidimdan dijan leda langa yumob, en aibin raidimdan dijan shotwan leda langa yumob blanga album yumob. En ai dalim yumob. Ebrijing weya aibin raidimdan langa dijan leda im dalim yumob hau God im brabli kainbala langa wi. Dijan im trubala, en yumob garra jandap strongbala en nomo larram enijing deigidawei yumob.

Sekan Pida 3:15

Yumob garra oldei jinggabat wotfo det Bos blanga wi gibit yumob taim. Im gibit yumob taim dumaji im wandi seibum yumob. Wal nomo oni mi dalimbat yumob dijan. Pol det brabliwan braja blanga wi bin dalim yumob dijan du, dumaji God bin meigim im sabi ebrijing, en imbin raidimdan leda langa yumob.