Hibrus 2:3 - Kriol Baibul

³ Bat imbin gibit det wed langa wi garram det san blanga im, en dei garra panishim wi du if wi nomo teiknodis langa det wed weya im dalim wi hau God garra seibum wi. Wal det Bos blanga wi bin dalimbat im wekinmen olabat det gudnyus basdam, en afta detlot wekinmen bin dalimbat wi det gudnyus.

Hibrus 2:3 Iomraidhean Croise

Aisaiya 12:2

YAWEI main God, mi oldei trastimbat oni langa yu blanga seibum mi. Ai kaan neba bradin. Mi fil brabli strongbala brom det pawa blanga yu. Oni yu na bin seibum mi.

Aisaiya 20:6

Wen dijan garra hepin, detlot Filistain pipul hu jidan langa solwodasaid garra ol tok, ‘Yumob luk wanim bin hepin langa det dubala kantri na. Melabat bin go langa dubala blanga seibum melabat brom det king brom Asiriya, bat melabat kaan ran eniweya, dumaji melabat ol trep na.’ ”

Aisaiya 51:5

Detlot pipul hu jidan deya najasaid langa det solwoda, olabat oldei weidabat blanga mi blanga seibum olabat. Mi brabli strongbalawan en mi jidan redibala. Det taim im gulijap na weya ai garra kaman blanga seibum olabat, en ai garra jidan bos langa ebri kantri.

Aisaiya 51:8

Dei garra binijap jis laik detlot klos weya jidan rabishwan dumaji detlot lilwan badaflai bin dagadagatbat. Bat wanim ai dum blanga main pawa kaan neba binij. Im garra kipgon jidan olagijawan.” Lagijat na YAWEI bin tok.

Aisaiya 62:11

En dijan na YAWEI bin tok wulijim ola pipul langa dijan wel garra lisin, ‘Ai garra kaman dregli blanga seibum yumob pipul langa Saiyan deya langa Jerusalem, en ai garra gibit yumob gudbala ting.

Isikiyel 17:15

Bat det nyuwan king blanga Juda, bambai imbin gibit bekboun langa det king brom Bebalon. Imbin jandim detlot boswan wekinmen langa Ijip blanga gajim ola hosis en solja. Yu reken dijan king im gin win wen im breigim det pramis imbin meigim garram det Bebalon king? Yu reken im garra abum panishmen blanga wanim imbin dum?

Isikiyel 17:18

Det king brom Juda imbin breigim det pramis weya imbin meigim langa det king brom Bebalon wulijim im garra deigim im blanga panishim langa im.

Methyu 23:33

Yumob grengrenfatha olabat bin jis laik ola jigiwan sneik, en yumob jis laik ola jigiwan sneik du! Yumob kaan faindim eniwei blanga gidawei brom det helfaiya.

Methyu 4:17

Wal brom deya Jisas bin stat dalimbat ola pipul det gudnyus, “Yu garra libum det nogudbalawei blanga yu, dumaji det speshalwan Bosmen weya God garra jandim, bin kaman na, en if yu redi blanga im, wal yu garra sabi im.”

Mak Bin Dalim Ola Stori Blanga Jisas 1:14

Bambai na deibin pudum Jon Beptis langa jeil, en afta Jisas bin go langa Gelali, en deya na imbin dalimbat ola pipul det gudnyus blanga God,

Luk Bin Dalim Ola Stori Blanga Jisas Langa Wan Jintail Men 1:2

Sambala pipul bin luk detlot ting hepin brom stat, en deibin spredimat det gudnyus, en afta bigmob pipul bin irrim detlot stori, en deibin raidimdan.

Luk Bin Dalim Ola Stori Blanga Jisas Langa Wan Jintail Men 1:69

God garra jandim det grengrensan blanga King Deibid. Det grengrensan im brabli strongbala, en im na garra seibum wi.

Luk Bin Dalim Ola Stori Blanga Jisas Langa Wan Jintail Men 24:19

Wal Jisas bin tok, “Wanim bin hepin deya?” En dubala bin tok, “Det men neim Jisas brom Nesareth bin speshalwan mesinja blanga God, en ola pipul bin reken imbin oldei tok brabli strongbalawei garram pawa, en imbin dumbat ebrijing garram pawa du, en God bin brabli gudbinji langa im.

Jon Bin Dalim Det Gudnyus Blanga Jisas Det San Blanga God 15:27

En yumob garra dalimbat ola pipul blanga mi, dumaji yumob bin jidan garram mi brom basdam.”

Eks Hau Det Gudnyus Blanga Jisas Krais Bin Spredat Ebriweya 1:22

Wi garra pikimat sambodi blanga joinin garram melabat en dalimbat ola pipul blanga Jisas Krais weya imbin gidap laibala brom dedbala.” Lagijat na Pida bin tok.

Eks Hau Det Gudnyus Blanga Jisas Krais Bin Spredat Ebriweya 2:22

“Wal main kantrimen olabat, yumob irrim mi na. God bin pikimat det men neim Jisas hubin growap langa det taun gulum Nesareth, en imbin shoum yumob imbin pikimat im, dumaji Jisas bin dumbat olkain speshalwan ting garram pawa brom God. En yumob sabi, dumaji imbin hepin iya na langa yumob.

Eks Hau Det Gudnyus Blanga Jisas Krais Bin Spredat Ebriweya 4:12

Wal nobodi kaan seibum enibodi. Oni im na, dumaji God nomo bin pikimat enibodi langa eni kantri blanga seibum yumob. Oni Jisas Krais na imbin pikimat blanga seibum wi.”

Romans 11:14

dumaji ai wandi trai en meigim main ron pipul olabat jinggabat en wandi kambek langa God wulijim im garra seibum olabat.

Romans 2:3

Yu si, main fren olabat. Wen yumob jadjim enibodi blanga det nogudbala ting weya im dumbat, afta yumob go en dumbat det seim ting du. Wal wotfo yumob jadjimbat pipul en go en dum det seim ting? Maitbi yumob reken God kaan panishim yumob blanga det nogudbala ting weya yumob dumbat.

Fes Karinthiyans 1:21

God im sabi ebrijing, en im na nomo larram enibodi sabi im thru langa olabat ronwan wed. Yu si? God bin meigim im ronwan plen blanga seibum pipul thru langa det wed weya loda pipul reken im siliwan. Det wed na det gudnyus weya wi oldei dalimbat pipul, en God im gudbinji blanga seibum detlot pipul hu bilib langa det wed na.

Fes Thesaloniyans 5:3

Ola pipul hu nomo bilib langa Jisas Krais garra jinggabat lagijat na, “Ebrijing rait. Nomo enijing rong.” Bat det trabul garra kamat langa olabat jis laik det pein weya kaman langa det wuman weya im garra abum beibi. Nobodi kaan sabi wotaim det trabul garra kaman, en nobodi kaan ranawei brom det trabul du.

Fes Timathi 1:15

Wal yu irrim mi na, en yu jinggabat en teiknodis langa dijan brabli trubalawan wed. Jisas Krais bin kaman langa dijan kantri blanga seibum ola nogudbala pipul, en mi du aibin jidan brabli nogudbala men. Ola pipul bin nogudbala. Bat aibin brabli nogudbala.

Taidas 2:11

Wal ola Kristjan pipul garra jidan gudbalawei lagijat na, dumaji God bin shoum im brabli kainbala filing langa wi, en imbin shoum wi im wandi seibum ebribodi.

Hibrus 1:1

Orait, God bin oldei tok langa wi grengrenfatha olabat. Lodataim imbin tok langa olabat, en imbin yusum olkainwei blanga gibit im wed thru ol detlot speshalwan mesinja blanga im.

Hibrus 1:14

Bat God nomo bin tok lagijat langa eni einjul, dumaji ola einjul olabat wekinmen blanga im. Olabat gudbala spirit, en im oldei jandim olabat blanga album detlot pipul weya imbin pikimat blanga seibum olabat.

Hibrus 1:2

Bat tudei im tok langa wi thru det san blanga im. Garram im na God bin meigim ebrijing, en imbin pikimat im blanga jidan Bos blanga ebrijing.

Hibrus 12:25

Wal yumob garra meiksho yumob nomo jadimap miselp irriwol langa God wen im tok langa yumob. Longtaim wen imbin gibit ol detlot Isreil pipul woning iya langa dijan kantri, imbin oldei panishim olabat wen deibin oldei jadimap miselp irriwol langa im. En if imbin lagijat langa olabat, wal wanim garra hepin langa wi if wi tenim miselp brom im wen imbin gibit wi woning brom hebin?

Hibrus 4:1

Bat det gudbala kantri weya God bin pramis nomo bin binij. Det kantri im stil opin blanga detlot pipul hu bilib langa God brabliwei, en wi garra wotjim miselp brabliwei en meiksho wi nomo misat blanga go langa det gudbala kantri, dumaji wibin irrim det gudnyus jis laik detlot pipul bin irrim.

Hibrus 4:11

Wal wi garra meiksho wi garra wek brabli adbala blanga go langa det gudbala pleis. Wi nomo wandi bulurrum detlot pipul hu nomo bin bilib brabliwei, dumaji dei nomo bin go langa det gudbala pleis.

Hibrus 5:9

en afta wen imbin sabi det wei thru det trabul, God bin meigim im jidan det wei weya im garra seibum ol detlot pipul hu duwit langa im.

Hibrus 9:28

En lagijat gin Jisas bin dai wantaim blanga deigidawei ola nogudbala ting blanga ola pipul, en wen im garra kambek det sekantaim, im kaan kaman blanga deigidawei ola nogudbala ting. Im garra kambek blanga seibum ol detlot pipul hu weidabat blanga im.

Fes Jon 1:1

Orait, mi raidimdan dijan leda langa yumob blanga dalim yumob blanga det Wed weya gibit laif. Det Wed bin jidan longtaim bifo enijing bin jidan. En melabat bin irrim det Wed, en melabat bin luk det Wed garram melabat ron ai. Im trubala melabat bin luk det Wed, en melabat bin tatjim det Wed garram melabat ron bingga du.

Jud Det Leda Blanga Gibit Woning Blanga Laiyawan Titja 1:17

Wal main fren olabat, yumob nomo wandi fogedabat det wed weya detlot speshalwan mishanri blanga wi Bos Jisas Krais bin tok basdam.

Rebaleishan 7:10

en deibin ol jingat adbala na, “Det sambodi weya im jidan langa det speshalwan tjeya, im na det God blanga wi. En det yangwan ship, wal dubala na bin seibum wi.”