Hibrus 1:1 - Kriol Baibul

¹ Orait, God bin oldei tok langa wi grengrenfatha olabat. Lodataim imbin tok langa olabat, en imbin yusum olkainwei blanga gibit im wed thru ol detlot speshalwan mesinja blanga im.

Hibrus 1:1 Iomraidhean Croise

Jenasis 3:15

En ai garra meigim yunbala det wuman heidim gija. Det biginini blanga det wuman en det biginini blanga yu garra jidan enami gija. En det biginini blanga im garra smeshimap yu hed, en yu garra baidim im fut.”

Jenasis 6:3

Afta na YAWEI det trubala God bin tok langa imselp, “Ai kaan kipgon larrambat ola pipul jidanbat laibala longtaim, dumaji olabat oni pipul. Wal oni 120 yiya dei garra gajimap. Afta tharran, binij.”

Jowal 2:28

Wal YAWEI bin kipgon tok, “Afta na ai garra gibit main spirit langa ebribodi. En ai garra gibit speshalwan wed langa ola san en doda blanga yumob blanga tok. En ai garra gibit speshalwan drim langa ola yangbala men en langa ola olmen du.

Luk Bin Dalim Ola Stori Blanga Jisas Langa Wan Jintail Men 1:55

Imbin jinggabat det pramis weya imbin meigim langa Eibrahem en langa ola biginini blanga im en langa olabat biginini du. Imbin tok im garra kain langa olabat olagija, en imbin duwit na.” Lagijat na Meri bin tok.

Luk Bin Dalim Ola Stori Blanga Jisas Langa Wan Jintail Men 1:72

en imbin tok im garra jinggabat ola grengrenfatha blanga wi. En im garra kipum det pramis weya imbin meigim garram olabat.

Luk Bin Dalim Ola Stori Blanga Jisas Langa Wan Jintail Men 24:27

Brom deya Jisas bin dalim dubala ebrijing wanim det oltestaman bin tok blanga im brom Jenasis raidap langa Melakai.

Luk Bin Dalim Ola Stori Blanga Jisas Langa Wan Jintail Men 24:44

Afta na imbin dalim olabat, “Blanga dislot ting na aibin oldei dalimbat yumob basdam. Ebrijing weya deibin raidimdan langa det oltestaman blanga mi bin hepin trubala. Ebrijing bin hepin trubala weya Mosis bin raidimdan en weya detlot speshalwan mesinja bin raidimdan en weya King Deibid bin raidimdan langa detlot song du.”

Jon Bin Dalim Det Gudnyus Blanga Jisas Det San Blanga God 16:13

Bat wen det Holi Spirit weya oldei dalim yumob det trubala wed garra kaman, im garra meigim yumob sabi ebrijing. Bat im kaan dalim yumob im ronwan wed. Im garra dalim yumob wanim im irrimbat brom mi, en im garra dalim yumob blanga detlot ting weya garra hepin bambai,

Jon Bin Dalim Det Gudnyus Blanga Jisas Det San Blanga God 9:29

Bat melabat wekinmen blanga Mosis, dumaji melabat sabi God bin tok langa Mosis. Bat melabat nomo sabi brom weya det men hubin meigim yu gudwan bin kaman.”

Eks Hau Det Gudnyus Blanga Jisas Krais Bin Spredat Ebriweya 13:32

“Wal minbala bin kaman iya blanga dalim yumob det gudnyus, en iya na det gudnyus.

Eks Hau Det Gudnyus Blanga Jisas Krais Bin Spredat Ebriweya 2:30

“Yu si? Deibid bin speshalwan mesinja, en imbin sabi wanim God bin pramis langa im. God bin dalim im wanbala king garra kamat brom im femili lain,

Eks Hau Det Gudnyus Blanga Jisas Krais Bin Spredat Ebriweya 28:23

Afta na deibin dalim Pol wotaim dei garra irrim im tok, en wen det taim bin kaman, loda pipul bin kaman deya langa det haus weya Pol bin jidan, en imbin dalimbat olabat blanga det nyubalawei blanga God. Brom ailibala raidap sangodan imbin trai en meigim olabat sabi det gudnyus blanga Jisas Krais, en imbin dalimbat olabat ebrijing blanga Jisas brom ola lowa blanga Mosis en brom ola wed weya detlot speshal mesinja blanga God bin raidimdan.

Eks Hau Det Gudnyus Blanga Jisas Krais Bin Spredat Ebriweya 3:21

Bat im garra jidan ontop deya langa hebin raidap det rait taim garra kaman wen God garra meigim ebrijing nyubala. “Longtaim God bin dalim ol detlot speshalwan mesinja blanga dijan ting im garra hepin lagijat,

Hibrus 11:18

Basdam God bin meigim pramis langa Eibrahem. Imbin tok, “Ola grensan blanga yu garra kamat brom yu san Aisik.”

Hibrus 11:2

Dumaji wi bilib, wal wi sabi God bin meigim ebrijing garram im wed wen imbin tok, en ebrijing wi luk imbin meigim brom najing. En dumaji ol detlot grengrenfatha blanga wi bin bilib lagijat, wal God bin gudbinji blanga olabat.

Hibrus 12:25

Wal yumob garra meiksho yumob nomo jadimap miselp irriwol langa God wen im tok langa yumob. Longtaim wen imbin gibit ol detlot Isreil pipul woning iya langa dijan kantri, imbin oldei panishim olabat wen deibin oldei jadimap miselp irriwol langa im. En if imbin lagijat langa olabat, wal wanim garra hepin langa wi if wi tenim miselp brom im wen imbin gibit wi woning brom hebin?

Hibrus 2:2

Wal det wed weya God bin gibit langa wi grengrenfatha olabat bin trubalawan, en deibin oldei panishim enibodi hu nomo bin teiknodis langa det wed en duwit. God bin gibit det wed langa olabat garram detlot einjul blanga im.

Hibrus 2:3

Bat imbin gibit det wed langa wi garram det san blanga im, en dei garra panishim wi du if wi nomo teiknodis langa det wed weya im dalim wi hau God garra seibum wi. Wal det Bos blanga wi bin dalimbat im wekinmen olabat det gudnyus basdam, en afta detlot wekinmen bin dalimbat wi det gudnyus.

Hibrus 3:5

Wal ola pipul blanga God, olabat jis laiga haus blanga God, en Mosis bin jidan wekinmen blanga det haus blanga God, en imbin duwit langa God brabliwei,

Hibrus 4:8

Wal sambala pipul maitbi reken Joshuwa bin gibit detlot pipul det gudbala kantri weya God bin pramisim olabat. Bat im nomo bin gibit olabat det gudbala kantri, dumaji God bin toktok blanga najawan kantri. Wi sabi tharran, dumaji if Joshuwa bina gibit olabat det gudbala kantri, wal God nomo bina gibit enibodi tjens tudei blanga gowin langa det gudbala kantri.

Hibrus 5:5

En im lagijat gin garram Jisas Krais. Im nomo bin meigim miselp haibala, en im nomo bin meigim miselp jidan boswan serramonimen. God bin pikimat im en meigim im jidan haibala serramonimen. Wi sabi tharran, dumaji God bin dalim Jisas, “Yu na main San, en tudei na ai garra jidan Dedi blanga yu.”

Hibrus 9:19

Longtaim wen Mosis bin dalimbat ol detlot lowa langa detlot pipul, imbin gajim sambala blad brom gabigabi, en imbin miksimap det blad garram woda, en imbin deigim sambala redwan wul en bushis gulum hisap, en imbin sokum langa det blad, en afta imbin sheikim det bushis garram blad ontop langa det buk garram ola lowa en ontop langa ola pipul,