Hebakak 3:6 - Kriol Baibul

⁶ Wen yubin stap wokwokbat dijan wel bin sheik, en wen yubin luk, pipul langa ebri kantri bin jidan brabli bradinwan. En wen yu wokwokbat langa det roud blanga yu weya bin jidan longtaim, ol detlot bigwan hil en lilwan hil buldan.

Hebakak 3:6 Iomraidhean Croise

Job Wotfo Gudbala Pipul Abum Trabul? 21:18

Haumeni taim imbin hitimbat langa olabat jis laik det bigbala win weya oldei kaman en spredimat detlot gras?

Job Wotfo Gudbala Pipul Abum Trabul? 9:5

Wen God jidan brabli wail, im gin mubumwei bigwan hil bifo wi gin sabi.

Ola Saam 103:17

Bat wen YAWEI laigim im pipul, im laigim olabat olagijawan. Im kipgon laigimbat olagijawan, detlot pipul hu oldei rispek im, en hu oldei teiknodis langa im strongwan pramis weya imbin meigim. Im dum rait ting blanga olabat biginini, en blanga olabat biginini weya garra kaman bambai.

Ola Saam 104:32

Wen im luk langa dijan kantri dijan kantri sheik nomo lilbit. Wen im tatjim ola bigwan hil smok kamat.

Ola Saam 35:5

Meigim det einjul blanga YAWEI tjeisimap olabat wulijim win blowim draiwan lif.

Ola Saam 68:16

Beishan, wotfo yu jidan jelas langa det hil gulum Saiyan weya God bin pikimat blanga jidan? YAWEI det trubala God garra jidan deya olagijawan na.

Ola Saam 90:2

Bifo yubin meigim ola hil en meigim dijan wel kamat, yu na bin oldei jidan det olagijawan God, en yu garra jidan God olagija.

Ola Saam 97:5

Ola hil meltap lida langa YAWEI. Im det boswan blanga ebrijing langa dijan graun tudei.

Eksadas 15:14

Wen ola najalot pipul garra irrim dis stori, dei garra bradin brabliwei. Wen ola Filastain pipul garra irrim dis stori, dei garra bradin brabliwei.

Eksadas 15:15

En ola bosmen langa det kantri gulum Idam, dei garra bradin du. En ola strongbala men langa det kantri gulum Moweb, dei garra bradin du. En ola pipul langa det kantri gulum Keinan, dei garra bradin du, en dei garra ranawei.

Eksadas 15:17

Wal yu garra deigim melabat langa det kantri, en yu garra pudum melabat langa det hil blanga yu. YAWEI, melabat garra jidan langa det pleis weya yubin pikimat blanga yu kemp. Bos, melabat garra jidan langa det Serramoni Pleis weya yubin meigim garram yu ronwan bingga.

Eksadas 19:18

Wal bigmob smok bin gaburrumap det hil, dumaji YAWEI bin kamdan langa det hil garram faiya. Detmatj smok bin gidap jis laik brom bigbala faiya, en det hil bin sheik, en ola pipul bin bradin brabliwei,

Eksadas 21:31

Det lowa im lagijat du if det buligi kilim lilboi o lilgel ded.

Aisaiya 51:6

Yumob luk gudwei langa det skai. En yumob luk langa det graun gudwei du. Det skai garra binijap jis laik det smok, en dijan wel garra binijap jis laik detlot olwan klos weya binijap. Ebribodi langa dijan wel garra dai jis laik detlot flai. Bat wanim ai dum kaan neba binij. Im garra kipgon jidan lagijat olagijawan.

Aisaiya 51:8

Dei garra binijap jis laik detlot klos weya jidan rabishwan dumaji detlot lilwan badaflai bin dagadagatbat. Bat wanim ai dum blanga main pawa kaan neba binij. Im garra kipgon jidan olagijawan.” Lagijat na YAWEI bin tok.

Maika 5:8

“Wal seimtaim afta det fait detlot Isreil pipul hu jidan laibala garra jidan langa ola najalot pipul jis laiga laiyan weya im go en lukabat daga. Det laiyan im go langa bush kantri o langa pedik, en wen im luk ola ship, im jamp langa olabat, en im terrimap olabat. Nobodi kaan seibum detlot ship brom det laiyan.

Neiham 1:5

En wen YAWEI jandap lida langa ola bigwan hil, detlot hil oldei sheiksheik, en ola lilwan hil oldei go fletwan du. En wen YAWEI shoum miselp, det graun im sheiksheikbat en ola pipul langa ebri kantri bradin brabliwei blanga im en sheiksheikbat nomo lilbit.

Hebakak 1:12

Wal aibin tok igin, “YAWEI, main haibala God, yu na det brabli strongbalawan laik det seifwan pleis blanga melabat. Yu na det olagijawan, en yubin seibum melabat brom dedbala. Yubin pikimat ola Bebalon solja blanga kaman en panishimbat melabat.

Hebakak 3:10

Wen detlot bigwan haiwan hil bin luk yu, deibin sheik nomo lilbit, en rein bin buldan brom skai. Det woda bin boilap brom andanith det graun, en det solwoda bin gidap haibala.

Methyu 24:35

Trubala ai dalim yumob. Hebin en dijan graun garra tjeinj. Bat main wed kaan neba tjeinj.

Luk Bin Dalim Ola Stori Blanga Jisas Langa Wan Jintail Men 1:50

en im brabli kainbala langa ol detlot pipul brom ebri jinareishan hu rispek im.

Eks Hau Det Gudnyus Blanga Jisas Krais Bin Spredat Ebriweya 17:26

Brom det wanbala men weya imbin meigim basdam, imbin meigim ola najalot pipul kamat, en imbin meigim olabat jidan langa ebri kantri, en im na bin pikimat weya ebribodi garra jidan en haulong dei garra jidan deya.

Dyudaranami 32:8

Det brabli haibala God bin gibit pipul miselpmiselp detlot kantri weya olabat jidan. Imbin faindim kantri blanga pipul blanga jidan. Imbin gibit ebri traib speshalwan einjul.

Dyudaranami 33:15

Im garra meigim ola hil kantri abum loda brabli gudwan frut daga.

Hibrus 13:8

en yumob garra bulurrum olabat, dumaji wi sabi Jisas Krais nomo tjeinj. Tudei im seim laik imbin jidan yestadei, en im garra jidan lagijat olagijawan.

Joshuwa 10:42

en deibin bidim ola king blanga ol detlot kantri, dumaji YAWEI det trubala God blanga ola Isreil pipul bin album olabat.

Jadjis 5:5

YAWEI det trubala God blanga ola Isreil pipul bin kaman iya. YAWEI det bos blanga det hil gulum Sainai bin kaman iya, en ola najalot hil bin sheik wen imbin kaman.