Hebakak 1:4 - Kriol Baibul

⁴ Det lowa im wikwan dumaji pipul nomo teiknodis. Dei nomo panishim ol detlot pipul hu oldei breigimbat detlot lowa blanga yu. Detmob nogudbala men nomo tridimbat detlot gudbala pipul gudwei wen olabat oldei kotimbat langa olabat, en dei oldei tenim detlot lowa najawei.” Lagijat na aibin tok.

Hebakak 1:4 Iomraidhean Croise

Fes Kings 21:13

Afta na det dubala trabulmeika bin dalim laiya blanga Neiboth. Deibin tok Neiboth bin tok nogudwei blanga det king en blanga YAWEI. Wal detlot pipul bin deigim Neiboth deya atsaid langa det taun, en deibin kilim im ded garram ston.

Job Wotfo Gudbala Pipul Abum Trabul? 21:7

“Wotfo nogudbala pipul jidan laibala blanga longtaim en olabat oldei abum detmatj pawa?

Ola Saam 11:3

Wen nogudbala pipul meigim ebrijing rong, wanim ola gudwan pipul gin dum? Najing!

Ola Saam 119:126

YAWEI, im taim blanga yu blanga kaman en panishim ola pipul na, dumaji olabat nomo duwit langa detlot lowa blanga yu.

Ola Saam 22:12

Loda enami jidan raidaran langa mi jis laik ola wailwan bul. Olabat raidaran langa mi, jis laik ola wailwan bul brom det kantri gulum Beishan.

Ola Saam 22:16

Main enami olabat bin kaman brom ebriweya en jadimap mi jis laik ola wailwan dog, en deibin jalk main bingga en fut.

Ola Saam 59:2

Seibum mi brom ol detlot nogudbala pipul. Seibum mi brom detlot hu laigim medrimbat pipul.

Ola Saam 59:4

YAWEI, dei meigimbat miselp redi blanga kilim mi, bat ai nomo bin dum enijing rong!

Ola Saam 94:3

Haulong detlot nogudbala pipul garra jidanabat gudbinjiwei? Haulong mowa YAWEI?

Eksadas 23:2

Nomeda bigmob pipul dalimbat laiya langa kot blanga album det men, bat stil yu kaan bulurrum det wei blanga olabat.

Eksadas 23:6

Wen po pipul go langa kot, yu garra gibit olabat feyago.

Aisaiya 5:20

“Wal yumob garra abum bigbala trabul na! Yumob reken det rongwei im det raitwei, en yumob reken det dakbala im lait, en yumob reken det bitawan teist switwan.

Aisaiya 59:12

“Haumeni taim melabat bin dum nogudbala ting en gibit bekboun langa yu, YAWEI? Blanga melabat nogudbalawei, im meigim melabat jidan giltiwan. Melabat bin oldei dumbat rong ting.

Jeramaiya 12:1

Wal aibin tok na, “YAWEI det trubala God, if ai deigim yu langa kothaus, yu garra win. Wal ai wandim yu blanga dalim mi. Wotfo nogudbala pipul meigim miselp brabli ritjwan? Wotfo tufeis pipul oldei gedim ebrijing?

Jeramaiya 12:6

Blanga yu ronwan rileishanmob, en blanga yu ronwan femili, bin trikim yu en gibit yu bekboun na. Olabat bin joinin blanga kilim yu. Yu kaan trastimbat olabat, nomeda olabat tok switbalawei langa yu.”

Jeramaiya 26:8

en wen aibin binij toktokbat ol detlot wed weya YAWEI bin dalim mi blanga tok, wal olabat bin grebum mi en olabat bin jingat adbala. Olabat bin tok langa mi, “Yu bina gitkil blanga dijan.

Jeramaiya 8:7

Wal detlot jebaru sabi det taim blanga kambek, en det dab en det najawan lilwan bard sabi du det taim blanga mub brom det pleis. Bat yumob main ronwan pipul. Yumob nomo sabi det lowa weya aibin gibit langa yumob.

Isikiyel 9:9

Wal God bin ensim mi na. Imbin tok, “Detlot pipul langa Isreil en Juda, olabat brabli giltiwan brom olabat nogudbalawei. Deibin medrimbat loda pipul ebriweya langa dijan kantri, en olabat bin dum loda nogudbala ting langa Jerusalem. En olabat tok, ‘YAWEI kaan luk langa melabat. Imbin fogedabat dijan kantri.’

Hoseiya 10:4

en deibin oldei breigimbat olabat pramis, en deibin oldei meigimbat olkain nogudwan pramis du, en deibin oldei kotim enibodi nogudbalawei, en deibin go mowa nogudbala jis laik det nogudwan gras weya gro langa gadin en weya kaan larram det gudwan daga kamat.

Eimos 5:12

“Ai sabi yumob oldei dumbat ola nogudbala ting, en ai sabi yumob oldei stilimbat enijing brom pipul en ardimbat pipul brabli nogudwei langa fait. Yumob oldei meigim ola gudbala pipul brabli nogudbinji. En yumob oldei gajimbat mani brom enibodi blanga dum enijing yumob wandim blanga dum, en yumob nomo oldei gibit ola po pipul feyago langa kot.

Eimos 5:7

Im nogud lagijat blanga yumob weya yumob garra barnap yumob pipul weya meigim ad blanga najalot pipul en yumob nomo bulurrum det raitwei, en yumob hu oldei tjeinjim det gudbalawei en dumbat nogudbalawei.

Mak Bin Dalim Ola Stori Blanga Jisas 7:9

Yumob bin faindim klebabalawei blanga libum det lowa blanga God wulijim yumob gin bulurrum yumob ron lowa.

Eks Hau Det Gudnyus Blanga Jisas Krais Bin Spredat Ebriweya 7:52

En nobodi kaan faindim eni speshalwan mesinja brom God tudei, dumaji yumob grengrenfatha olabat bin oldei kilimbat ol detlot speshalwan mesinja hubin dalim olabat blanga det brabli haibala wekinmen blanga God. Det wekinmen na im Jisas. En yumob na bin hendimoba im en kilim im ded.

Eks Hau Det Gudnyus Blanga Jisas Krais Bin Spredat Ebriweya 7:59

en deibin joinin langa detlot najalot men, en deibin kipgon stonimbat Stibin. Wal Stibin bin jingat langa Jisas, “Jisas! Bos! Yu gajim main spirit!”

Romans 3:31

Wal wanim yumob reken? Wen enibodi bilib langa Jisas Krais, im tjakidawei det olbala lowa? Nomo. Im shoum wi wotfo God bin gibit wi det lowa.

Dyudaranami 16:19

Dei garra kotimbat ola pipul raitwei. En dei kaan larram enibodi gibit olabat mani snikinwei blanga bekimap im, dumaji detkain na gin meigim det klebabala en trubala men tok laiyawan wed.