Hebakak 1:2 - Kriol Baibul

² Wal aibin tok langa YAWEI, “YAWEI, yu na det trubala God. Haulong ai garra weidabat blanga yu? Wotaim yu garra irrim mi? En haulong bifo yu garra seibum melabat brom dijan trabul?

Hebakak 1:2 Iomraidhean Croise

Job Wotfo Gudbala Pipul Abum Trabul? 19:7

“Nomeda mi oldei prei langa im en askimbat im blanga album mi brom dislot trabul, im nomo ensim main preya en im nomo gibit mi feyago.

Ola Saam 22:3

Bat yu na det holiwan God, en yu jidan det brabliwan Bos, en yu pipul langa Isreil oldei preisimbat yu.

Ola Saam 94:3

Haulong detlot nogudbala pipul garra jidanabat gudbinjiwei? Haulong mowa YAWEI?

Jeramaiya 14:9

Wotfo yu jidan jis laik sambodi hu gedim shok, en jis laik det solja hu nomo garram eni pawa blanga album? Trubala YAWEI, yu iya garram melabat. Melabat na blanga yu ronwan pipul olabat, wal yu nomo libum melabat.’ ”

Leminteishans 3:8

Mi oldei jingat adbalawei langa God blanga album mi, bat im nomo oldei irrim mi, najing.

Sekaraiya 1:12

Afta det einjul blanga YAWEI bin tok, “YAWEI yu na det boswan God, en blanga 70 yiya na yubin brabli wail langa Jerusalem en Juda. Wal haulong dei garra weit langa yu blanga kain langa olabat?”

Rebaleishan 6:10

Wal detlot pipul hubin dai blanga det gudnyus bin ol jingat adbala na, “God, yu Brabli Haibala Bos. Yu brabli gudbala, en yu trubalawan du. Longtaim melabat bin weidabat yu blanga bringimap detlot pipul brom ola kantri hubin binijimap melabat. Wal wotaim yu garra jadjim olabat en panishim olabat blanga dijan weya deibin kilim melabat ded?”