Hebakak 1:12 - Kriol Baibul

¹² Wal aibin tok igin, “YAWEI, main haibala God, yu na det brabli strongbalawan laik det seifwan pleis blanga melabat. Yu na det olagijawan, en yubin seibum melabat brom dedbala. Yubin pikimat ola Bebalon solja blanga kaman en panishimbat melabat.

Hebakak 1:12 Iomraidhean Croise

Jenasis 21:33

en imbin growimap wanbala temarisktri, en deya na imbin weship YAWEI det trubala God hu jidanbat laibala olagija.

Sekan Kings 19:25

“ ‘King Senakerib, yu lisin langa mi! Longtaim aibin meigim dijan plen en aibin dum na! Mi na bin gibit yu det pawa blanga binijimap ola strongwan taun.

Ola Saam 102:24

God, nomo deigidawei mi. Mi nomo olbala yet. YAWEI, yu jidan olagijawan.

Ola Saam 118:17

Ai kaan neba dai. Ai garra jidan laibala, en ai garra dalimbat wanim YAWEI bin dum.

Ola Saam 149:2

Ola Isreil pipul jidan gudbinji blanga yumob God hubin meigim ebrijing. Sing song gudbinjiwei ola pipul brom Saiyan blanga yumob king.

Ola Saam 17:13

YAWEI, yu album mi. Yu fait en bidim olabat. Gajim yu bigwan naif en seibum mi brom detlot brabli nogudbala pipul.

Ola Saam 18:1

YAWEI, brabli trubalawei mi laigim yu. Yu na meigim mi strongbala.

Ola Saam 74:12

Bat God, yubin jidan melabat king brom longtaim. Lodataim yubin oldei seibum yu pipul olabat iya langa melabat kantri.

Ola Saam 90:1

YAWEI, brom longtaim yubin oldei jidan laiga seifwan pleis blanga melabat.

Ola Saam 90:2

Bifo yubin meigim ola hil en meigim dijan wel kamat, yu na bin oldei jidan det olagijawan God, en yu garra jidan God olagija.

Ola Saam 93:2

YAWEI, yubin oldei jidan boswan bifo enijing bin jidan.

Aisaiya 31:1

Wal aibin kipgon tok, “Yumob pipul hu oldei askimbat detlot pipul brom Ijip blanga album yumob, wal yumob garra abumbat trabul na. Yumob oldei trastimbat detlot solja garram detlot hosis en bagi en strongbala amimob. Bat yumob nomo jinggabat blanga YAWEI det brabli holiwan God blanga ola Isreil pipul en askim im blanga album yumob.

Aisaiya 37:23

En yu King Senakerib, yubin mokimbat mi, en yubin tok nogudbalawei langa mi, det brabli holiwan God blanga ola Isreil pipul.

Aisaiya 37:26

‘Wal King Senakerib, yu irrim mi na. Mi na YAWEI. Aibin meigim dijan plen blanga ol dislot ting longtaim. En yu nomo sabi mi na, det wanbala hubin meigim dijan plen wulijim yu gin dum ol dislot ting. Aibin larram yu blanga go en meigim detlot strongbala taun jidan rabishwan.

Aisaiya 40:28

Yumob nomo sabi? Yumob nomo bin irrim? YAWEI na det olagijawan God. Im na bin meigim dijan wel. Im nomo wikwan. Im kaan neba nokap. Nomo ebribodi sabi wanim YAWEI jinggabat.

Aisaiya 43:15

Dumaji mi na YAWEI det brabli holiwan God blanga yumob. Aibin meigim ol yumob Isreil pipul, en mi na jidan king blanga yumob.

Aisaiya 49:7

Wal YAWEI bin tok, “Ol yumob Isreil pipul, mi na YAWEI det brabli holiwan God, en oni mi na wanbala hu gin album yumob. Yumob jidan prisana blanga detlot boswan brom najawan kantri, en olabat oldei tridimbat yumob rafwei en dumbat nogudbala ting langa yumob. Wal dijan na main pramis. Detlot king en ola boswan garra shoum rispek langa yumob, en olabat garra nildan lida langa yumob fut. Yumob garra trastim oni langa mi, dumaji oni mi na YAWEI det brabli holiwan God hubin seibum yumob. Aibin pikimat yumob en yumob na main ronwan pipul olabat.”

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Jeramaiya 30:11

Ai garra kaman langa yumob en seibum yumob. Ai garra binijimap ola najalot pipul hubin deigimwei yumob langa ola kantri blanga olabat, bat ai kaan binijimap yumob, najing. Ai garra panishimbat yumob, bat wen ai panishim yumob, ai garra gibit yumob feyago.

Jeramaiya 4:27

Wal YAWEI bin tok holot dijan graun garra jidan brabli rabishwan, bat nomo ebrijing garra binijap.

Jeramaiya 46:28

Ai garra kaman langa yumob en ai garra seibum yumob. Ai garra binijimap ola pipul langa ola kantri weya aibin spredimat yumob, bat ai kaan binijimap yumob. Ai kaan stap panishimbat yumob, bat wen ai garra panishim yumob ai garra gibit yumob feyago.” Lagijat na YAWEI bin tok.

Jeramaiya 5:18

Wal YAWEI bin tok na, “Jeramaiya, ai kaan larram detlot enami kilim ebribodi hu jidan langa Juda. En wen olabat garra askim wotfo dislot ting bin hepin, yu garra dalim olabat, dumaji olabat bin gowei brom mi, en olabat oldei weshipbat drimin langa olabat ronwan kantri. Blanga tharran na olabat garra lafta dum adwek langa najawan kantri nomo blanga olabat.”

Leminteishans 5:19

“Bat YAWEI, yu na det boswan blanga ebrijing. Yu na garra jidan boswan olagijawan.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Hebakak 3:2

“YAWEI, aibin irrim wanim yubin dum. Aibin brabli hatjamp en yubin meigim mi brabli gudbinji detmatj blanga ebrijing yubin dum. Mi wandim yu blanga dum diskain ting igin tudei, detlot gudbala ting yubin oldei dumbat bifo. En ai askimbat yu blanga kain langa melabat nomeda yu gitwail.

Hebakak 3:6

Wen yubin stap wokwokbat dijan wel bin sheik, en wen yubin luk, pipul langa ebri kantri bin jidan brabli bradinwan. En wen yu wokwokbat langa det roud blanga yu weya bin jidan longtaim, ol detlot bigwan hil en lilwan hil buldan.

Melakai 3:5

“Ai garra kaman gulijap langa yumob blanga jadjim yumob en langa det kot ai garra jidan witnis blanga dalim blanga ola nogudbala ting weya aibin luk pipul dumbat. Ai garra jidan witnis blanga ola klebabalamen hu ardimbat pipul, en detlot hu silip garram naja men waif, o naja wuman hasbin, en detlot pipul hu dalim laiya wen olabat bin pramis dei garra tok oni trubala wed. Ai garra jidan witnis blanga detlot pipul hu holdimbek mani en nomo peiyim olabat wekinmen det mani deibin pramisim. Ai garra jidan witnis blanga detlot pipul hu gibit adtaim langa ola widogel en langa ola biginini hu nomo garram femili en blanga detlot streinja pipul wen dei abum trabul. En ai garra jidan witnis blanga detlot pipul hu nomo rispek mi.”

Melakai 3:6

YAWEI bin kipgon tok, “Mi na YAWEI en ai kaan neba tjeinj. Blanga tharran na yumob biginini blanga Jeikob nomo binij, dumaji ai kaan neba tjeinjim main wed.

Eks Hau Det Gudnyus Blanga Jisas Krais Bin Spredat Ebriweya 3:14

Nomeda Jisas bin kaman brom God en imbin brabli gudbala, bat stil yumob bin dalim Pailat blanga kilim im ded en blanga larramgo det medra neim Barebas.

Dyudaranami 32:4

“YAWEI im jis laiga brabli strongwan ston weya kipum yumob seifwan. Im neba dum eni rong ting. Yumob gin oldei trastimbat God. Im brabli gudbala en im oldei gibit feyago.

Dyudaranami 33:27

God bin oldei album yumob, en im oldei holdim yumob garram im bingga. Imbin oldei andimwei ola enami brom yumob, en imbin oldei dalim yumob blanga binijimap ola enami blanga yumob.

Fes Timathi 1:17

Wal wi garra oldei preisim en rispek langa det olagijawan king hu jidan olagija. Im kaan neba dai, en nobodi kaan luk im. Oni im na det trubalawan God, en wi garra preisim im olagija. Trubala dijan mi dalim yu.

Fes Timathi 6:16

Nobodi jidan laibala olagijawan en nomo dai. Oni im na. En im jidan langa det lait weya nobodi kaan luk. Nobodi bin luk God bifo, en nobodi kaan neba luk im. Wal wi garra oldei preisim en rispek langa im olagijawan, en ola pawa garra jidan garram im na olagijawan du. Trubala dijan mi dalim yu.

Hibrus 13:8

en yumob garra bulurrum olabat, dumaji wi sabi Jisas Krais nomo tjeinj. Tudei im seim laik imbin jidan yestadei, en im garra jidan lagijat olagijawan.

Rebaleishan 1:11

“Yu raidimdan langa rolapwan peipa ebrijing weya yu garra luk, en yu garra jandim det peipa langa detlot 7 tjetj deya langa detlot taun gulum Efasas, Semena, Pegamam, Thaiyataira, Sadis, Filadelfiya en Leiyadasiya.” Lagijat na det sambodi bin tok.

Rebaleishan 1:8

Wal God im strongbala, en im brabli haibala. En im na bin tok, “Mi na dei gulum Basdamwan en Binijimapwan. Longtaim aibin jidan, en mi stil jidan tudei, en mi garra stil jidan bambai du.”

Fes Semyul 2:2

“Wal nomo enibodi holiwan. Oni YAWEI im holiwan. En nomo enibodi haibala seimwei laik im, en nobodi kaan lukaftumbat wi seimwei laik im du.