Fes Timathi 2:2 - Kriol Baibul

² en yu garra prei blanga ola king en ola najalot bos blanga wi wulijim wi garra jidan gudbalawei langa dijan kantri nomo garram eni trabul. En yu garra prei blanga olabat wulijim dei garra larram wi kipgon bulurrumbat God en jidan hau im wandim wi blanga jidan.

Fes Timathi 2:2 Iomraidhean Croise

Sekan Semyul 20:19

Wal Jowab bin tok, “Nomo. Ai kaan rudimat dijan taun blanga yu.

Esra 6:10

Lagijat na yumob garra dum wulijim dei gin gibit ofring langa God langa hebin en meigim im gudbinji en dei garra prei langa im blanga lukaftumbat mi en main san olabat brabliwei.

Niyamaiya 1:11

Irrim main preya en irrim detlot preya blanga ol yu najalot wekinmen olabat hu wandi weship yu gudbinjiwei. En album mi tudei wulijim det king garra irrim mi wen mi dalim im blanga main pipul, en im garra kain langa mi en im garra larram mi album olabat.” Lagijat na aibin prei. Wal langa det taim na aibin jidan det men hubin oldei gibit det wain langa det king.

Ola Saam 72:1

God, yu album det king blanga kotim pipul raitwei. Yu album im blanga gibit pipul feyago laik yu oldei dum,

Prabebs 24:21

Main biginini olabat, yumob garra abum rispek blanga YAWEI en det king brabliwei, en yumob kaan meigim fren garram detlot pipul hu gibit bekboun langa YAWEI en det king.

Jeramaiya 29:7

Blanga detlot taun weya aibin jandim yumob blanga jidan prisana yumob garra wek brabli adbala en meigim detlot taun jidan gudwei. Yumob garra prei langa mi blanga olabat, dumaji if olabat jidan gudbalawei, wal yumob garra jidan gudbalawei du.

Luk Bin Dalim Ola Stori Blanga Jisas Langa Wan Jintail Men 1:6

Dubala bin jidan brabli gudbala langa Godwei, en dubala bin kipum ol detlot lowa blanga God brabliwei.

Luk Bin Dalim Ola Stori Blanga Jisas Langa Wan Jintail Men 2:25

Wal seimtaim wen dubala bin deigim det lilboi langa det Serramoni Pleis, wan olmen neim Simiyan bin jidan deya langa det taun. Imbin gudbala olmen, en imbin oldei weidabat blanga det rait taim wen God garra larramgo fri ol detlot pipul blanga im langa Isreil. Wal det Holi Spirit bin jidan garram det olmen,

Eks Hau Det Gudnyus Blanga Jisas Krais Bin Spredat Ebriweya 10:22

Wal detlot thribala men bin tok, “Det bos blanga melabat neim Koniliyas bin jandim melabat. Im gudbala men, en im bulurrum det wei blanga God du, en ola Juwish pipul rispek im brabliwei. Wal wan einjul brom God bin dalim im blanga askim yu blanga kaman langa im haus, dumaji dei garra irrim det wed weya yu garra tok langa olabat.”

Eks Hau Det Gudnyus Blanga Jisas Krais Bin Spredat Ebriweya 24:16

En blanga tharran na mi oldei meiksho mi kliya insaid en nomo dum enijing rong langa God o langa enibodi.

Romans 12:18

En yumob garra dum ebrijing yumob gin dum blanga jidan gudbalawei garram ebribodi.

Falipiyans 4:8

Wal main braja en sista olabat, wanmo ting ai garra dalim yumob. Yumob garra oldei jinggabat ola gudbala ting weya meigim pipul gudbinji. Yumob garra oldei jinggabat ol detlot ting weya jidan trubala, en ol detlot ting weya pipul rispek, en ol detlot ting weya rait, en ol detlot ting weya nomo garram enijing rong, en ol detlot ting weya jidan brabli gudbala, en ol detlot ting weya meigim pipul gudbinji.

Fes Thesaloniyans 4:11

Wal main braja en sista olabat, yumob garra trai en jidan gudbalawei en nomo meigim eni trabul, en yumob kaan go en pudum miselp langa enibodi bisnis. En yumob garra wek blanga yumob ron daga en enijing, dumaji yumob nomo wandi fosim enibodi blanga lukaftumbat yumob.

Hibrus 12:14

En yumob garra trai en jidan gudbalawei garram ebribodi. Yumob kaan jidan eniwei. Oni blanga God yumob garra jidan, dumaji nobodi kaan luk God if dei nomo jidan lagijat.