Fes Timathi 1:9 - Kriol Baibul

⁹ Bat yu jinggabat dijan na. God nomo bin meigim ola lowa blanga gudbala pipul. Imbin meigim ola lowa blanga nogudbala pipul, hu oldei breigimbat detlot lowa en nomo teiknodis langa detlot lowa, en blanga detlot pipul hu oldei dumbat olkain nogudbala ting en nomo jidan hau God wandim olabat blanga jidan, en blanga detlot pipul hu nomo bilib langa God en nomo rispek langa im, en blanga detlot pipul hu medrim olabat mami en dedi en medrimbat enibodi,

Fes Timathi 1:9 Iomraidhean Croise

Sekan Semyul 16:11

Afta na Deibid bin dalim Ebishai en ola najalot boswan wekinmen blanga im, “Yumob kaan hatjamp langa dis men wen im tok nogudbalawei langa mi. Yumob garra hatjamp langa main ronwan san, dumaji im na wandi kilim mi ded. Dis men nomo brom main ron klen. Im brom det Benjamin klen. En yumob kaan jinggabat im. Yumob garra jis larramgo im, dumaji YAWEI det trubala God bin jandim im blanga tok nogudbalawei langa mi.

Sekan Kings 19:37

En wandei wen imbin weshipbat det drimin blanga im gulum Nisrak deya langa det serramoni pleis blanga im, Edramelek en Sharesa im san dubala bin kilim im ded garram dubala bigwan shapwan naif, en brom deya dubala bin ranawei langa det kantri gulum Eraret. En Esaradan det najawan san blanga im bin jidan det nyuwan king.

Sekan Kranakuls 32:21

Wal YAWEI bin jandim einjul blanga binijimap ol detlot solja en boswan blanga det Asiriya amimob. Wal det king bin gobek langa Asiriya, en imbin brabli sheim miselp. Wandei wen imbin go langa det serramoni pleis blanga im drimin, sambala san blanga im bin kilim im ded garram bigwan naif.

Eksadas 20:13

“Yumob nomo lau blanga medrim enibodi.

Eksadas 21:14

Bat if imbin gitwail, en imbin wandi kilim det men ded, wal im garra dai. Nomeda im ran langa det teibul blanga ofring blanga askim God blanga seibum im, bat stil im garra dai.

Prabebs 20:20

Enibodi hu tok brabli nogudbalawei langa im dedi en mami garra binij jis laik lemp wen im stap barnbarn.

Prabebs 28:17

Nomo album enibodi if deibin medrim sambodi. Larram im ranranbat ebriweya raidap im dai.

Prabebs 28:24

If yu tjidimbat yu dedi o mami en tok, “Im nomo rong tharran,” yu wulijim detlot pipul hu oldei stilimbat ebrijing.

Prabebs 30:11

Sambala pipul askim God blanga meigim trabul langa olabat dedi en mami.

Prabebs 30:17

If yu meigimbat fan blanga yu dedi, en if yu nomo abum rispek blanga yu mami, detlot kro garra deigimat yu dubala ai en detlot igulok garra kaman en dagadagatbat yu bodi.

Jeramaiya 23:11

Wal YAWEI det trubala God bin tok, “Detlot mesinja en serramonimen nomo bulurrum mi. Aibin luk olabat bin dumbat nogudbala ting insaid langa det Serramoni Pleis.

Isikiyel 21:25

“Yu brabli nogudbala king blanga Isreil. Det dei blanga yu im kaminap gulijap na wen ai garra panishim yu.

Labidakas 20:9

“Enibodi hu tok brabli nogudbalawei en sweya langa im dedi en mami en meigim im nogudbinji, yumob garra kilim im ded, dumaji imbin dum nogudbala ting en tharran im ronwan folt. Im garra lafta dai.

Methyu 10:21

“Wen det taim garra kaman, sambala men garra hendimoba olabat ron braja langa ola haibala men blanga kilim olabat dumaji olabat laigim mi, en sambala dediwan garra hendimoba olabat ron biginini langa ola haibala men du blanga kilim olabat dumaji dei laigim mi, en sambala biginini garra dum lagijat du langa olabat ron mami en dedi,

Romans 1:30

en dei dalimbat laiya blanga enibodi, en dei mokimbat enibodi, en dei reken miselp en tok praudbalawei, en dei nomo laigim God, en dei jinggabat olkainwei blanga dum nogudbala ting, en dei nomo lisin langa olabat mami en dedi,

Romans 4:13

Wal Eibrahem im wi dedi, en God bin pramisim Eibrahem en im femili olabat blanga gibit ola kantri langa im. Wal Eibrahem bin bulurrum det lowa blanga God. Bat God nomo bin meigim det pramis langa Eibrahem blanga tharran. Nomo. God bin meigim det pramis langa Eibrahem dumaji Eibrahem bin jidan raitwei langa im. En Eibrahem bin jidan raitwei langa God, dumaji imbin bilib langa im.

Romans 5:20

Wal yumob jinggabat na. Longtaim pipul bin oldei sabi wanim rait en wanim rong. Bat dei nomo bin abum eni lowa blanga dalim olabat wanim rait en wanim rong. En blanga tharran na God bin gibit det lowa langa Mosis blanga pipul garra sabi brabliwei dei dumbat nogudbala ting. En nomeda pipul bin oldei dumbat nogudbala ting detmatj, bat stil God bin brabli kainbala langa pipul detmatj du.

Romans 6:14

Yumob sabi? Ola nogudbala ting kaan jidan bos blanga wi, dumaji wi nomo trastim det lowa blanga seibum wi. Wi trastim God weya imbin kain langa wi.

Galeishans 3:19

Wal wotfo God bin gibit det lowa afta imbin gibit det pramis langa Eibrahem? Imbin gibit det lowa blanga meigim ol detlot pipul sabi wanim rait en wanim rong. En imbin wandim det lowa garra kipgon raidap Jisas Krais bin kaman, dumaji blanga Jisas Krais na God bin meigim det pramis. Wal wen God bin gibit det lowa, imbin gibit det lowa langa Mosis garram ola einjul, en Mosis bin gibit det lowa langa ola pipul.

Galeishans 5:18

Bat if det Holi Spirit jidan Bos blanga wi, wal det lowa kaan jidan bos blanga wi.

Galeishans 5:21

Pipul git drangk en go sili. Ol detkain ting na pipul dumbat. Wal ai dalim yumob jis laik aibin dalim yumob basdam. Detlot pipul hu oldei jidan lagijat kaan go langa God deya langa hebin.

Galeishans 5:23

en im meigim wi nomo reken miselp langa enibodi, en im meigim wi jidan bos blanga wi bodi. Yu si? Yumob kaan faindim eni lowa weya im tok yumob kaan dum detkain gudbala ting.

Dyudaranami 27:16

“ ‘Wal YAWEI garra panishim enibodi hu nomo rispek en teiknodis langa im dedi o mami.’ “En ola pipul garra tok, ‘Yuwai! Trubala dijan im tok!’

Sekan Thesaloniyans 2:8

Bambai wen God garra deigidawei det sambodi, det taim na det brabli wikitwan men garra kamat, en im garra kaman garram pawa brom Seitin, en im garra dumbat olkain klebabala ting, en im garra yusumbat olkain laiyawan stori en ekshan blanga meigim ola pipul bulurrum im. Bat wen Jisas Krais det Boswan garra kaman, im garra jis bluwin garram im mawus, en kilim ded det brabli wikitwan men, en det brabli shainiwan lait blanga Jisas Krais garra binijimap det wikitwan men brabliwei. En ol detlot pipul hubin bulurrumbat det wikitwan men garra dai du, dumaji dei nomo bin bulurrum det trubala wed.

Fes Timathi 4:7

en yu garra fogedabat ol detlot stori en silibala wed weya nomo dalimbat wi enijing blanga God, en yu garra lenimbat miselp blanga jidan gudbalawei hau God wandim yu blanga jidan.

Fes Timathi 6:20

Wal Timathi, yu garra lukaftumbat det trubalawan wed weya aibin gibit langa yu, en yu nomo wandi joinin langa detlot pipul hu oldei toktok nogudbalawei, en yu nomo wandi joinin langa detlot pipul hu oldei agamin gija blanga olkain wed en reken dei toktok blanga det trubalawan wed. Detlot wed weya dei toktok, im nomo det trubalawan wed. Bat sambala pipul bin bilib langa detlot wed, en detlot wed bin meigim olabat tenawei brom det trubalawan wed blanga Jisas Krais. Wal Timathi, ai wandim God garra kain langa ol yumob Kristjan pipul deya. Binij na.

Sekan Timathi 2:16

en yu kaan joinin langa detlot pipul hu oldei toktok en agamin gija blanga olkain wed, dumaji detkain tok na oldei meigim detlot pipul hu tok lagijat blanga gowei longwei brom God.

Sekan Timathi 3:2

en dei garra jidan gridibala, en dei garra reken miselp haibala langa enibodi, en dei garra tok praudbalawei, en dei garra tok olkain nogudbala wed langa enibodi, en dei kaan teiknodis langa olabat mami en dedi, en dei kaan tok theingkyu langa enibodi, en dei kaan jinggabat God,

Taidas 1:10

Wal yu garra pikimat detkain men na, dumaji loda Kristjan pipul deya langa det kantri nomo duwit langa enibodi. Loda Kristjan pipul tok eniwei, en dei trai en meigim najalot pipul bilib langa olabat wei, en dei nomo lisin langa enibodi. En loda Kristjan pipul brom detlot Juwish pipul jidan lagijat du.

Taidas 1:16

Olabat reken dei sabi God. Bat najing. Dei nomo sabi im, dumaji olabat oldei dumbat nogudbala ting, en dei nomo lisin langa God wed en dum, en dei kaan dum enijing gudwan.

Taidas 1:6

Wal yu jinggabat na wanim aibin dalim yu basdam, dumaji detlot men garra jidan lida blanga ola tjetj blanga God. Yu garra faindim detkain men weya nobodi oldei tokabat. Im garra abum oni wanbala waif, en im biginini olabat garra bilib langa Jisas Krais. If im biginini olabat nomo garram irriwol, en if dei oldei wokaran ebriweya dumbat nogudbala ting, wal yu kaan pikimat detkain men. Yu garra pikimat detkain men weya nobodi kaan faindim im dumbat rong ting. Im kaan jinggabat en laigim miselp, en im kaan oldei gitwail streidawei, en im kaan jidan drangginmen, en im kaan faidabat langa pipul, en im kaan gridi blanga enijing.

Taidas 3:3

Wal basdam wi nomo bin sabi, en wi nomo bin lisin langa God wed. Wibin oldei go najawei, en wibin wandim olkain nogudbala ting blanga meigim wi sedisfaid. En wibin lafta duwit. Wibin oldei laigim ola ting blanga najalot pipul, en wibin oldei wandi ardim olabat, dumaji wi nomo bin laigim najalot pipul, en dei nomo bin laigim wi du.

Hibrus 11:31

En dumaji det nogudbala gel neim Reiheb bin bilib, wal imbin album det dubala Isreil men hubin kaman langa det taun snikinwei basdam, en im nomo bin dai garram ol detlot najalot pipul langa det taun wen det wol bin buldan.

Hibrus 12:16

Wal yumob garra meiksho yumob nomo silipsilipbat garram enibodi en dumbat ol detkain nogudbala ting. Yumob garra oldei jinggabat God. Yumob kaan jidan seimwei laik det men neim Isau. Im nomo bin jinggabat God. Oni fo daga imbin jinggabat, en imbin gibit im lilwan braja det pleis blanga im weya im bina teikoba ola enijing brom dubala dedi.

Fes Pida 2:7

Yumob sabi? Jisas Krais na det ston, en im brabli gudbala langa ol yumob pipul hu bilib langa im, en im garra album yumob. Bat langa ol detlot pipul hu nomo bilib langa im, det ston im nogud, dumaji langa oltestaman im tok, “Sambala kapinta bin tjakidawei det wanbala ston, dumaji deibin reken imbin nogudwan. Bat det ston bin det meinwan.”

Fes Pida 3:20

Detlot spirit na nomo bin teiknodis langa God longtaim wen det men neim Nowa bin bildimap det bout, en det taim na God bin gibit taim langa ol detlot nogudbala pipul. Bat oni 8 pipul bin gowin langa det bout, en God bin seibum olabat brom det fladwoda.

Fes Pida 4:18

Wi sabi tharran, dumaji langa oltestaman im tok, “If ola gudbala pipul garra abum adtaim iya langa dijan wel bifo God garra seibum olabat bambai, wal ol detlot nogudbala pipul hu nomo bulurrum God garra abum brabli adtaim.”

Jud Det Leda Blanga Gibit Woning Blanga Laiyawan Titja 1:15

en wen im kambek garram olabat, im garra kadimat ola gudwan pipul en ola nogudwan pipul, en im garra panishim ola nogudwan pipul blanga ola nogudbala ting weya deibin oldei dumbat nogudbalawei, en im garra panishim olabat blanga ola nogudbala wed weya deibin oldei tok nogudbalawei blanga im.” Lagijat na det grensan blanga Edam bin tok.

Rebaleishan 21:8

Ola najalot pipul garra jidan langa det bigbala faiya. Ol detlot pipul hu jidan bradinbala en ol detlot pipul hu nomo bilib langa mi en ol detlot pipul hu jidan nogudbala en ol detlot medra en ol detlot pipul hu oldei silipsilip garram enibodi en ol detlot laiyinbala en ol detlot pipul hu oldei dumbat olkain klebabala ting en ol detlot pipul hu oldei weshipbat enikain sheip, wal ol detlot pipul na garra jidan langa det bigbala faiya. Deya na dei garra dai sekantaim.” Lagijat God bin tok.

Rebaleishan 22:15

Ola nogudbala pipul garra jidanbat atsaid. Ol detlot pipul hubin oldei dumbat olkain klebabala ting en silip garram enibodi en medrim pipul en bulurrumbat enikain drimin en dalimbat laiya en meigimap olkain trik, wal ol detkain pipul na garra jidanbat atsaid langa det taun.