Fes Timathi 1:8 - Kriol Baibul

⁸ Wal wi sabi wen yu yusum det lowa raitwei, det lowa im gudwan.

Fes Timathi 1:8 Iomraidhean Croise

Niyamaiya 9:13

Langa det bigwan hil gulum Sainai yubin kamdan brom hebin blanga tok langa yu pipul olabat. Yubin titjim olabat det raitwei. Yubin gibit olabat trubala wed en ola gudwan lowa.

Romans 12:2

Wal yumob kaan larram miselp kipgon bulurrumbat det wei blanga dijan wel. Nomo. Yumob garra tjeinjim yumob main en larram God tenimran yumob, en wen im tenimran yumob, im gibit yumob det pawa blanga sabi wanim im wandim yumob blanga dum. Yu si? Wen yumob tjeinjim yumob main en larram God tenimran yumob, yumob sabi ol detlot ting weya gudbala en meigim God gudbinji en nomo garram enijing rong.

Romans 7:16

En if mi dum ola nogudbala ting weya ai nomo wandim dum, wal ai reken im shoum mi det lowa im tok raitwei.

Romans 7:18

Wal ai sabi ai nomo garram det pawa insaid langa mi blanga dum gudbala ting. Ai nomo garram main ronwan pawa, dumaji nomeda ai wandim dum ola gudbala ting, bat stil ai kaan dum ol detlot gudbala ting.

Romans 7:22

Yu si? Insaid langa main hat en main, ai abum gudbala filing blanga det lowa blanga God.

Galeishans 3:21

Wal wanim yumob reken? Det lowa im meigim det pramis blanga God nogud? Nomo. Det lowa nomo meigim det pramis nogud, dumaji det lowa nomo garram eni pawa blanga gibit wi laif. If det lowa bin abum pawa blanga gibit laif, wal im bina meigim ol detlot pipul hubin bulurrum det lowa jidan raitwei langa God.

Sekan Timathi 2:5

Wal yu jinggabat ola spotmen na weya dei ran langa reis. If dei nomo bulurrum det lowa blanga det reis brabliwei, wal dei kaan win det prais langa det reis. Yu sabi? Nomeda yu abum trabul, bat stil yu garra dum det wek brabliwei.