Fes Timathi 1:7 - Kriol Baibul

⁷ en dei reken dei titjimbat det lowa blanga God gudwei langa ola pipul. Bat dei nomo sabi brabli wanim dei toktok. Nomeda dei nomo garram sheim blanga tok, bat stil dei nomo sabi brabliwei.

Fes Timathi 1:7 Iomraidhean Croise

Romans 1:22

Dei reken dei sabi ebrijing. Bat olabat brabli granggibala,

Sekan Pida 2:12

Bat detlot laiyawan titja oldei tok nogudbalawei blanga olkain ting weya dei nomo sabi, dumaji olabat jis laiga wailwan enimul weya men oldei lukabat en kilimbat. Dei dumbat enijing weya det filing blanga olabat wandim. Bat ai dalim yumob. God garra gajim olabat en binijimap olabat jis laik det hanta weya im gajim det wailwan enimul en kilim im ded, dumaji God garra peiyimbek olabat en gibit olabat trabul blanga detlot trabul weya dei oldei gibit enibodi.

Galeishans 3:5

God bin gibit yumob det Spirit blanga im, en im oldei dumbat olkain klebabala ting blanga yumob. En wotfo im oldei dum lagijat? Im oldei dum lagijat dumaji yumob bin bulurrum det lowa? Nomo. Im oldei dum lagijat dumaji yumob bin bilib langa det gudnyus weya yumob bin irrim.

Sekan Timathi 3:7

Detkain gel oldei lenim miselp olkain ting. Bat dei nomo len det trubalawan wed blanga God.

Galeishans 3:2

Wal yumob dalim mi na. Blanga wanim God bin gibit yumob det Spirit blanga im? Imbin gibit yumob det Spirit dumaji yumob bin bulurrum det lowa? Nomo. Imbin gibit yumob det Spirit dumaji yumob bin irrim det gudnyus en yumob bin bilib langa Jisas Krais.

Galeishans 4:21

Wal yumob pipul hu wandi bulurrum det lowa en meigim det lowa jidan bos blanga yumob, yumob dalim mi na. Yumob sabi wanim det lowa im tok?

Methyu 15:14

Wal yumob kaan jinggabat detlot serramonimen. Yumob garra libum olabat, dumaji olabat jis laiga blainwan bos blanga blainwan pipul, en wen blainwan men trai en lidim najawan blainwan men, dubala mijamet garra buldan langa hol.” Lagijat na Jisas bin tok.

Eks Hau Det Gudnyus Blanga Jisas Krais Bin Spredat Ebriweya 15:1

Bambai na sambala men bin kaman langa det taun gulum Entiyak brom det kantri gulum Judiya, en deibin dalimbat ola bilibamob, “If yumob nomo sekamsais jis laik im tok langa det lowa weya Mosis bin gibit wi, wal God kaan seibum yumob.”

Methyu 21:27

Wal detlot serramonimen en lowamen bin lafta dalim Jisas lagijat, “Melabat nomo sabi hubin gibit Jon Beptis det rait blanga beptaisimbat ola pipul.” Wal Jisas bin dalim olabat, “Wal ai kaan dalim yumob du hubin gibit mi det rait blanga dumbat dislot ting weya mi dumbat.”

Luk Bin Dalim Ola Stori Blanga Jisas Langa Wan Jintail Men 2:46

Neksdei na dubala bin faindim det yangboi langa det Serramoni Pleis. Deya na Jisas bin jidan rait langa midul langa ol detlot lowamen, en imbin lisinbat langa olabat, en imbin askimbat olabat kwestjan du,

Jeims 3:1

Wal main braja en sista olabat, yumob jinggabat detlot titja hu oldei titjimbat God wed langa ola pipul. God garra jadjim detlot titja brabli strongbalawei, en blanga tharran na oni sambala pipul garra jidan titja. Ebribodi oldei meigim misteik. If wi nomo tok eni nogudbala ting wi gin hendulum miselp brabli gudbalawei.