Fes Timathi 1:11 - Kriol Baibul

¹¹ Wal yu faindim det trubala wed langa det gudnyus weya God bin shoum langa wi. God im brabli haibala, en ola gudbala ting kaman brom im, en imbin gibit det gudnyus langa mi blanga dalimbat ebribodi.

Fes Timathi 1:11 Iomraidhean Croise

Ola Saam 138:2

Ai weship en preisim yu. Yu filing blanga laigim jidan olagijawan en yu jidan trubalawan. Yu neim en yu wed jidan brabli haibala.

Luk Bin Dalim Ola Stori Blanga Jisas Langa Wan Jintail Men 2:14

“God im nambawan! Oni im na det brabli haibalawan langa hebin. En im na garra meigim yumob jidan gudbalawei, dumaji im laigim yumob. Im garra meigim ol detlot pipul weya im laigim garra jidan gudwei.” Lagijat na detlot einjul bin jingat, en afta deibin ol gobek langa hebin.

Romans 2:16

Yuwai. Det gudnyus weya mi oldei dalimbat, im tok God garra jadjim ebribodi lagijat na langa det laswan dei garram Jisas Krais, en im garra jadjim ol detlot ting weya deibin oldei dumbat insaidwei garram det filing blanga olabat.

Fes Karinthiyans 9:17

Yu si? If aibin dum det wek dumaji aibin wandi dum, wal ai bina meigim yumob gibit mi enijing blanga dumbat det wek. Bat ai kaan askimbat yumob blanga enijing, dumaji God na bin gibit mi det wek blanga dum, en ai garra duwit langa im.

Sekan Karinthiyans 4:4

Detlot pipul na nomo bilib langa det wed, dumaji Seitin det nogudbala bos blanga dijan wel bin meigim olabat blainwan langa olabat main, en dei kaan luk det lait weya det gudnyus meigim shain langa olabat. Yumob sabi? Det gudnyus na dalimbat olabat hu Jisas Krais. En langa Jisas Krais na wi luk God, dumaji im na shoum wi God.

Sekan Karinthiyans 4:6

Wal yumob jinggabat na. Longtaim God bin tok, “Larram lait kamat en shain brom det dakbala.” En lagijat gin imbin meigim det lait blanga im shain insaid langa wi hat, en det lait bin meigim wi sabi God brabliwei, dumaji wen wi sabi Jisas Krais, wi sabi God.

Galeishans 2:7

Bat deibin luk trubala God bin gibit mi det wek blanga dalimbat det gudnyus langa ola Jintail pipul jis laik imbin gibit det wek langa Pida blanga dalimbat det gudnyus langa ola Juwish pipul, dumaji det pawa blanga God bin meigim mi jidan speshalwan mishanri blanga ola Jintail pipul seimwei laik im pawa bin meigim Pida jidan speshalwan mishanri blanga ola Juwish pipul.

Ifishans 1:12

Wal ol wi Juwish pipul hubin bilib basdam langa Jisas Krais garra preisim God, dumaji im brabli gudbala en im mowa haibala langa enibodi.

Ifishans 1:6

Wal wi garra preisim God en gibit im theingks, dumaji imbin abum det brabli kainbala filing blanga wi, en imbin shoum wi det filing blanga im wen imbin gibit wi ola ebrijing friwan thru Jisas Krais det brabliwan San blanga im, dumaji wen Jisas Krais bin weistim im blad, imbin meigim wi fri, en God bin larramgo wi fri brom ol detlot nogudbala ting weya wibin oldei dumbat. Trubala ai dalim yumob. God im brabli kainbala,

Ifishans 2:7

en imbin dum lagijat langa wi blanga shoum ebribodi tudei en bambai det brabliwan filing weya im garram blanga ebribodi, en imbin shoum det filing blanga im wen imbin brabli kainbala langa wi wen imbin joinimap wi garram Jisas Krais.

Ifishans 3:10

Imbin dum lagijat, dumaji imbin wandi yusum det tjetj blanga im blanga shoum ola einjul en olkain spirit im sabi olkain ting.

Kaloshans 1:25

Wal God bin meigim mi jidan wekinmen blanga album im pipul olabat, en imbin dalim mi blanga dalimbat det wed blanga im brabliwei.

Fes Thesaloniyans 2:4

Melabat bin oldei tok wanim God wandim melabat blanga tok, dumaji im na bin pikimat melabat en gibit melabat det Gudnyus blanga dalimbat ebribodi, en melabat nomo dumbat enijing jis blanga meigim pipul gudbinji langa melabat. Melabat oldei dum ebrijing blanga meigim God gudbinji, dumaji im na oldei luk insaid langa melabat hat if melabat jidan trubalawei langa im.

Fes Timathi 2:7

en blanga tharran na God bin pikimat mi blanga jidan speshalwan mishanri en blanga dalimbat det gudnyus langa ola Jintail pipul. Imbin jandim mi blanga titjimbat olabat det trubala wed en blanga lenimbat olabat blanga bilib trubalawei. Trubala dijan mi dalimbat yu. Ai nomo dalimbat laiya.

Fes Timathi 6:15

Wen im det rait taim, God na garra meigim Jisas Krais kambek. Wal nobodi jidan bos. Oni God na jidan Bos. Im na det brabli gudbalawan, en im na det King blanga ola king, en im na det Bos blanga ola bos.

Fes Timathi 6:20

Wal Timathi, yu garra lukaftumbat det trubalawan wed weya aibin gibit langa yu, en yu nomo wandi joinin langa detlot pipul hu oldei toktok nogudbalawei, en yu nomo wandi joinin langa detlot pipul hu oldei agamin gija blanga olkain wed en reken dei toktok blanga det trubalawan wed. Detlot wed weya dei toktok, im nomo det trubalawan wed. Bat sambala pipul bin bilib langa detlot wed, en detlot wed bin meigim olabat tenawei brom det trubalawan wed blanga Jisas Krais. Wal Timathi, ai wandim God garra kain langa ol yumob Kristjan pipul deya. Binij na.

Sekan Timathi 1:11

Wal God bin pikimat mi blanga jidan speshalwan mishanri en blanga dalimbat det gudnyus en blanga titjimbat ola pipul det trubalawan wed blanga Jisas Krais,

Sekan Timathi 1:14

Yu garra kipum ol detlot gudbala wed weya aibin hendimoba langa yu, en yu garra kipum detlot wed garram det pawa blanga det Holi Spirit weya jidan insaid langa yunmi.

Sekan Timathi 2:2

en ol detlot wed weya yubin irrim mi tok lida langa bigismob pipul, wal yu garra dalim detlot wed langa detlot men hu bilib brabliwei en hu sabi hau blanga titjimbat detlot wed langa najalot pipul.

Taidas 1:3

En oni im na gin seibum wi. En wen imbin det rait taim, imbin shoum wi det wei, en imbin gibit det gudnyus langa mi, en imbin dalim mi blanga meigim ola pipul sabi det gudnyus.