Failiman 1:7 - Kriol Baibul

⁷ Wal main braja Failiman, ai sabi yu laigim ola pipul blanga God brabliwei, en tharran na meigim mi brabli gudbinji, en im meigim mi strongbala blanga kipgon wek blanga God. Nomo oni mi, bat ol detlot najalot pipul du hu bilib langa Jisas. Yubin meigim melabat holot brabli gudbinji blanga God.

Failiman 1:7 Iomraidhean Croise

Fes Karinthiyans 16:18

en deibin meigim mi brabli gudbinji jis laik deibin meigim yumob gudbinji. Wal yumob garra teiknodis langa detkain pipul na.

Sekan Karinthiyans 7:13

En yumob bin meigim mi brabli gudbinji, dumaji yumob bin shoum ebribodi yumob rispek mi brabliwei. Wal basdam wen aibin jandim Taidas langa yumob, aibin tok brabli gudbinjiwei blanga yumob, en aibin dalim im yumob garra album im. En yumob nomo bin meigim mi sheim, dumaji yumob bin album im gudbalawei. En wen imbin kambek langa mi, aibin luk imbin gudbinji. En imbin meigim mi gudbinji, dumaji yumob bin meigim im gudbinji. Yu si? Aibin oldei tok trubalawei langa yumob, en seimwei det wed weya aibin tok langa Taidas blanga yumob bin trubala.

Sekan Karinthiyans 7:4

Wal ai trastim yumob brabliwei, en mi oldei tok gudbinjiwei blanga yumob. En nomeda mi abumbat loda trabul, bat stil yumob oldei meigim mi strongbala, en mi brabli gudbinji.

Fes Thesaloniyans 1:3

en blanga det wek weya yumob oldei dumbat, dumaji yumob bilib langa im. En melabat oldei gibit im theingks dumaji yumob laigim im brabliwei en yumob oldei wek adbalawei. En melabat oldei gibit im theingks dumaji yumob sabi Jisas Krais en yumob oldei jandap strongbalawei blanga im.

Fes Thesaloniyans 2:13

Praise Wal main braja en sista olabat, melabat oldei gibit theingks langa God blanga yumob, dumaji wen melabat bin dalimbat yumob det Gudnyus, yumob bin irrim det wed en yumob bin bilib langa det wed, en yumob bin sabi nobodi nomo bin meigimap det wed, dumaji det wed na im brom God, en God im wek langa yumob laif thru im wed.

Fes Thesaloniyans 2:19

Wal melabat bin wandim kambek en luk yumob, dumaji yumob bulurrum det gudnyus trubalawei, en tharran na meigim melabat sabi det gudnyus im trubala en yumob meigim melabat brabli gudbinji. En wen Jisas Krais det Bos blanga wi garra kambek, melabat garra tok gudbinjiwei langa im blanga yumob, dumaji yumob bin pudum det olbalawei biyain.

Fes Thesaloniyans 3:9

Wal melabat garra gibit theingks langa God blanga yumob, dumaji yumob oldei bulurrumbat im San brabliwei, en melabat gibit im theingks, dumaji yumob bin meigim melabat brabli gudbinji du,

Sekan Timathi 1:16

Bat nomo det men neim Onesafras. Im nomo bin sheim weya aibin jidan langa jeil iya langa dijan taun gulum Rom, en wen imbin kamat iya, streidawei imbin lukabat mi raidap imbin faindim mi, en imbin oldei kaman en meigim mi gudbinji. Wal God garra kain langa Onesafras en im femili. En yu sabi du wen aibin deya langa det taun gulum Efasas weya yu jidan, Onesafras bin oldei albumbat mi. En wen det rait taim garra kaman weya God garra jadjim ebribodi, wal det Bos blanga wi garra kain langa Onesafras.

Failiman 1:20

Wal main braja, wotabat yu duwit langa mi weya aibin askim yu blanga deigimbek yu wekinmen. If yu deigimbek im gudwei, wal yu garra meigim mi brabli gudbinji blanga Jisas Krais.

Sekan Jon 1:4

Wal det Dedi blanga wi bin dalim wi blanga bulurrum det trubalawan wed blanga im. En mi brabli gudbinji, dumaji aibin irrim sambala pipul brom yumob bin kipgon bulurrumbat det trubalawan wed.