Eksadas 3:4 - Kriol Baibul

⁴ Wal wen God bin luk Mosis bin kaman gulijap blanga luk detlot bushis, imbin jingat langa im, “Mosis! Mosis!” En Mosis bin tok, “Mi iya!”

Eksadas 3:4 Iomraidhean Croise

Jenasis 22:1

Bambai na God bin testim Eibrahem. Imbin jingat langa im, “Eibrahem!” En Eibrahem bin ensim, “Wanim? Mi iya.”

Jenasis 22:11

Wal wen Eibrahem bin deigimat im naif, streidawei det einjul blanga YAWEI det trubala God bin jingat brom hebin, “Eibrahem! Eibrahem!” En Eibrahem bin ensim, “Wanim? Mi iya.”

Jenasis 28:16

Afta na wen Jeikob bin gidap brom silip, imbin jinggabat, en imbin tok, “YAWEI im iya orait. Im rait iya langa dijan pleis na. Bat ai nomo bin sabi.”

Jenasis 46:2

Wal wen imbin naitaim, God bin tok langa Jeikob garram drim. Imbin jingat, “Jeikob! Jeikob!” En Jeikob bin tok, “Yuwai! Mi iya.”

Ola Saam 62:11

Dubala meinwan ting aibin lisin blanga God. Im na det brabli strongbalawan God garram detmatj pawa,

Eksadas 19:3

Afta na Mosis bin gowap langa det hil blanga tok langa God, en YAWEI det trubala God bin jingat langa im brom det hil, en imbin dalim im wanim im garra dalim ola Isreil pipul. God bin tok, “Dijan na yu garra dalim ola femili blanga Jeikob.

Eksadas 3:2

en deya na det einjul blanga God bin kamat langa Mosis jis laiga faiya langa lilwan tri, en Mosis bin luk det faiya bin deya langa detlot bushis. Bat detlot bushis nomo bin barn.

Eksadas 33:12

Brom deya Mosis bin tok langa YAWEI na, “Yubin dalim mi blanga deigim dislot pipul langa det kantri. Bat yu nomo bin dalim mi hu yu garra jandim blanga album mi. Yubin dalim mi yu sabi mi brabli, en yu gudbinji langa mi.

Eksadas 4:5

Afta na YAWEI bin dalim Mosis, “Wen yu dalim detlot Isreil pipul aibin shoum miselp langa yu, wal yu garra tjakamdan det wokinstik lagijat na blanga meigim olabat bilib langa yu.”

Labidakas 1:1

Wal YAWEI det trubala God bin tok langa Mosis brom det Seikridwan Tent blanga im en bin gibit im ol dislot lowa na blanga detlot Isreil pipul blanga dum en bulurrum wen dei gibitbat detlot sekrifais ofring. Imbin tok, “Wal wen enibodi gibit enimul blanga sekrifais ofring, maitbi im garra gibit wanbala buligi, o wanbala ship, o wanbala nenigout langa mi.

Eks Hau Det Gudnyus Blanga Jisas Krais Bin Spredat Ebriweya 10:13

en Pida bin irrim sambodi bin jingat langa im, en det sambodi bin tok, “Pida, yu gidap en kilim en dagat dislot.”

Eks Hau Det Gudnyus Blanga Jisas Krais Bin Spredat Ebriweya 10:3

Wal wandei Koniliyas bin abum drim aftanuntaim, en langa det drim imbin luk wan einjul blanga God bin kaman langa im, en det einjul bin jingat, “Koniliyas!”

Eks Hau Det Gudnyus Blanga Jisas Krais Bin Spredat Ebriweya 9:4

en imbin buldan langa graun, en imbin irrim sambodi bin jingat langa im. Imbin tok, “Sol, Sol, wotfo yu ardimbat mi?”

Dyudaranami 33:16

Im garra meigim det kantri abum loda gudwan ebrijing. Im garra meigim ebrijing jidan brabli gudwan. Im na bin tok brom det faiya langa lilwan tri weya nomo bin barn. YAWEI, yu meigim det klen blanga Josef brabli gudbinji, dumaji Josef im na bin lida blanga im braja olabat.

Fes Semyul 3:10

Bambai na YAWEI bin kaman en jandap deya langa det pleis, en imbin jingat langa det yangboi seimwei laik imbin jingat langa im basdam, “Semyul! Semyul!” En Semyul bin tok, “Ai sabi hu yu na, dumaji mi wekinboi blanga yu, en mi irrim yu na.”

Fes Semyul 3:4

en wen YAWEI bin jingat langa det yangboi, det yangboi nomo bin sabi tharran God bin jingat langa im, dumaji God nomo bin oldei tok langa im bifo. Det yangboi bin reken det olmen bin jingat langa im, en imbin tok, “Wanim, bos?”

Fes Semyul 3:6

Bambai na YAWEI bin jingat langa det yangboi igin, en det yangboi bin gidap, en imbin ran langa det olmen, en imbin askim im, “Yubin jingat langa mi? Wal mi iya na.” Bat det olmen bin tok, “Main boi, ai nomo bin jingat langa yu. Yu gobek silip.” En det yangboi bin gobek silip igin.

Fes Semyul 3:8

Wanmo taim YAWEI bin jingat langa det yangboi, en det yangboi bin gidap, en imbin ran langa det olmen, en imbin askim im, “Yubin jingat langa mi? Wal mi iya na.” Wal det olmen bin jinggabat na maitbi YAWEI bin jingat langa det yangboi,