Eksadas 27:3 - Kriol Baibul

³ Yu garra meigim ola kopawan dish blanga gajim ola eshis weya dei barnim det fet brom det bif, en yu garra meigim ola kopawan shabul en pleit blanga klinim det faiyapleis, en yu garra meigim ola kopawan huk en dish blanga det bif en blad,

Eksadas 27:3 Iomraidhean Croise

Fes Kings 7:40

Wal Huram bin meigim ola sospen, shabul, en ola dish du. Imbin binijim ola wek blanga King Salaman blanga det Serramoni Pleis blanga YAWEI det trubala God. Wal Huram bin meigim det dubala bigwan kopawan pos garram det dubala woda lili sheip ontopwei, en ola purdiwan pitja en sheip blanga tjein, en 400 frut daga sheip gulum pamagrenit raidaran langa top. En imbin meigim det tenbala bagi en tenbala dish, en det bigwan teingk en detlot 12 buligi weya bin holdimap det teingk, en detlot sospen, shabul en dish du. Ol detlot ting na blanga King Salaman, Huram bin meigim garram brabli shainiwan kopa blanga det Serramoni Pleis.

Sekan Kings 25:14

Deibin deigimwei ola shabul en ola dish blanga eshis weya deibin oldei yusum blanga klinimbat det teibul blanga ofring, en detlot tul blanga klinimbat ola lemp, en ola boul weya detlot blad bin buldan wen deibin oldei kilim det enimul sekrifais, en detlot dish weya deibin yusum blanga barnimap ola gudsmelwan medisin, en ola najalot kopawan ting weya deibin yusum blanga weshipbat insaid langa det Serramoni Pleis.

Sekan Kings 25:15

Olabat bin deigimwei ebrijing weya deibin meigim garram gol en silba en detlot lilwan dish en detlot sospen weya olabat bin yusum blanga garrimap hotwan tjakol.

Fes Kranakuls 28:17

En imbin gibit im oda blanga haumatj brabli gudwan gol blanga meigim ola fok, boul en jag, en haumatj silba en gol blanga meigim ola dish.

Sekan Kranakuls 4:11

Det wekinmen neim Huram bin meigim loda pot, shabul en boul du. Imbin dum ebrijing weya imbin pramis King Salaman im garra dum blanga det Serramoni Pleis. Imbin meigim dubala kopawan pol, en dubala boul weya jidan ontopwei langa det dubala pol, en det pitja garram tjein langa det dubala boul ontop langa det dubala pol, en detlot 400 kopawan pamagrenit weya jidan dubala lain langa det dubala boul ontop langa det dubala pol. En imbin meigim detlot tenbala bagi, en detlot tenbala boul, en det bigwan boul, en detlot 12 buligi weya holdimap det bigwan boul, en detlot pot, shabul en fok. Huram det boswan bin meigim ol dislot ting brom shainiwan kopa blanga yusum langa det Serramoni Pleis blanga YAWEI, jis laik King Salaman bin dalim im.

Eksadas 24:6

en Mosis bin gajim sambala blad brom detlot buligi, en imbin pudum det blad langa dish, en imbin tjakam detlot najalot blad langa det teibul blanga ofring.

Eksadas 27:19

en ola tul en ola peig blanga ringimap det Tent garra jidan kopawan du.

Eksadas 27:2

Yu garra meigim fobala ampat ontop langa ola kona blanga det teibul, en yu garra gaburrumap det teibul en detlot ampat garram kopa.

Eksadas 27:4

en yu garra meigim kopawan pleit garram loda gep weya det faiya garra jidan ontop, en yu garra meigim fobala kopawan ring, en yu garra pudum detlot ring ontop langa det fobala kona blanga det teibul.

Eksadas 38:3

Imbin meigim ola kopawan dish blanga gajim ola eshis weya dei barnim det fet brom det bif, en imbin meigim ola kopawan shabul en pleit blanga klinim det faiyapleis, en imbin meigim ola kopawan huk en dish blanga det bif en blad,

Labidakas 16:12

im garra bringimap garram dish det laibalawan hotwan eshis brom det faiya pleis langa det teibul blanga ofring, en garram im dubala bingga ful garram gudsmelwan medisin, en im garra bringimap detlot deya langa det Brabli Seikridwan Rum.

Nambas 4:14

Dei garra pudum ola ebrijing ontop langa det reig weya dei oldei yusumbat langa det teibul blanga ofring, ola kopawan dish blanga det faiya en kopawan shabul en huk. Afta dei garra gaburrumap garram sofwan letha, en dei garra pudum det dubala pol langa detlot fobala ring blanga garrimap detlot ebrijing.