Eksadas 1:8 - Kriol Baibul

⁸ Bambai na nyuwan king bin jidan bos langa Ijip, en im nomo bin jinggabat Josef en ola enijing weya imbin dum deya langa det kantri basdam, en im nomo bin laigim ol detlot Isreil pipul du.

Eksadas 1:8 Iomraidhean Croise

Ola Saam 105:25

Imbin meigim detlot pipul brom Ijip heidim im pipul olabat, en trikibalawei olabat bin meigim nogudwan plen.

Eksadas 3:16

“Wal yu go na en majurrumap ola boswan blanga detlot Isreil pipul, en yu dalim olabat mi na YAWEI det God blanga olabat grengrenfathamob, Eibrahem en Aisik en Jeikob, en yu dalim olabat aibin shoum miselp langa yu. Yu dalim olabat aibin luk wanim detlot Ijip pipul oldei dumbat langa olabat,

Eksadas 3:7

en God bin kipgon tok langa im, “Aibin luk main pipul olabat abumbat adtaim langa Ijip, en aibin irrim olabat jinginat langa mi blanga album olabat en deigidawei olabat brom detlot jigibala bos hu oldei meigimbat olabat dumbat ola adwek. “Wal aibin jinggabat main pipul olabat,

Eksadas 3:9

Trubala aibin irrim main pipul jinginat, en aibin luk hau detlot Ijip pipul oldei meigimbat olabat nogudbinji.

Aklisiyestis 9:15

Bat wan powan men bin jidan deya langa det lilwan taun hubin brabli klebabalawan, en imbin seibum detlot pipul langa det taun dumaji imbin klebabala. Bat afta, ebribodi bin fogedabat im.

Eks Hau Det Gudnyus Blanga Jisas Krais Bin Spredat Ebriweya 7:18

Bambai na deibin abum nyuwan king langa det kantri, en det king nomo bin jinggabat Josef.

Eks Hau Det Gudnyus Blanga Jisas Krais Bin Spredat Ebriweya 7:19

Imbin trikim ola Isreil pipul, en imbin oldei tridimbat olabat nogudbalawei, en imbin oldei meigim olabat libum olabat beibi eniwei weya dei garra dai.

Dyudaranami 26:6

Detlot Ijip pipul bin graul langa olabat en meigim olabat wekinmen en wekingel jis laiga prisana, en deibin meigim olabat wek adbala.

Jadjis 2:10

Bat afta wen detlot boswan en det nekswan jinareishan bin ol dai, ola biginini blanga detlot nyuwan jinareishan nomo bin jinggabat wanim YAWEI bin dumbat blanga olabat longtaim.