Eksadas 1:12 - Kriol Baibul

¹² Wal nomeda detlot jigibala bos bin meigim detlot Isreil pipul adwek, bat stil detlot Isreil pipul bin kipgon abumbat mowa biginini olabat, en deibin kipgon spredatbat ebriweya langa det kantri, en detlot pipul langa det kantri bin bradin blanga detlot Isreil pipul na.

Eksadas 1:12 Iomraidhean Croise

Jenasis 46:3

En God bin tok, “Mi na God. Mi na det God weya yu dedi bin oldei bulurrum. En yu nomo wandi bradin blanga go langa det kantri gulum Ijip, dumaji ai garra meigim ola biginini blanga yu jidan bigbala traib deya.

Niyamaiya 9:23

Yubin gibit olabat detmatj biginini, en deibin jidan laik ola sta langa skai. Yubin go lida en yubin bringimap olabat langa dijan kantri, det kantri weya yubin pramis olabat grengrenfatha olabat.

Job Wotfo Gudbala Pipul Abum Trabul? 5:2

Job, yu nomo sabi enijing. Maitbi if yu jidan wailwan o jelaswan, tharran na garra kilim yu ded.

Ola Saam 105:24

YAWEI bin gibit langa im pipul olabat detmatj biginini, en imbin meigim olabat mowa strongbala langa ola Ijip pipul.

Ola Saam 107:38

Imbin dum gudwan ting blanga im pipul olabat en olabat bin abumbat detmatj biginini. Imbin meigim olabat buligimob kipgon abumbat detmatj gabigabi du.

Eksadas 1:20

Wal God bin kain langa det dubala olgamen, en imbin meigim dubala abum ron biginini, dumaji dubala bin rispek langa im. En imbin meigim ol detlot Isreil pipul kipgon abumbat mowa en mowa biginini du.

Eksadas 1:7

Bat ola biginini blanga olabat bin abum loda biginini, en deibin gulum miselp Isreil pipul, dumaji deibin ol femili blanga Jeikob, en God bin gibit im det neim Isreil. Wal detlot Isreil pipul bin abum mowa en mowa biginini olabat, en deibin jidan brabli strongbala pipul, en deibin spredat ebriweya langa det kantri Ijip.

Eksadas 1:9

Wal det king bin tok langa im ron kantrimen olabat, “Ol dislot Isreil pipul bigmob, en dei brabli strongbala du.

Prabebs 21:30

Nomeda haumatj yu sabi en nomeda wanim plen yu meigim, yu kaan win if YAWEI nomo album yu.

Prabebs 27:4

Wen enibodi wail im gin dum brabli krulbala ting, bat jelasbala im mowes.

Nambas 22:3

det king en ola pipul blanga im bin brabli nogudbinji en bradin nomo lilbit.

Jon Bin Dalim Det Gudnyus Blanga Jisas Det San Blanga God 12:19

Wal detlot serramonimen gulum Ferasi bin luk detlot pipul, en deibin dalim miselp, “Yu luk! Wibin trai. Bat wi kaan stapam detlot pipul blanga go langa im na.”

Romans 8:28

En wi sabi God oldei wekimat ebrijing gudwei blanga album ol detlot pipul hu laigim im. En God bin jingat langa detlot pipul na blanga dum wanim im wandim olabat blanga dum.

Dyudaranami 26:5

En deya na yumob garra tok dislot wed, ‘Wi grengrenfatha Jeikob bin Eramiyan hubin wokabat ebriweya en nomo bin abum kemp blanga silip, en imbin deigim im femilimob langa Ijip en stap deya oni garram lilbit pipul, bat deibin gro bigismob pipul deya.