Eksadas 1:10 - Kriol Baibul

¹⁰ Wal wi garra wotjim olabat gudwei, dumaji dei mait joinin langa ola enami blanga wi en fait langa wi, en afta dei mait gowei brom iya en libum wi nomo garram eni wekinmen. Wal wi garra kipum olabat iya blanga wek blanga wi. Bat wi garra faindim wei blanga stapam olabat blanga abumbat blendibala biginini.” Lagijat na det nyubala king bin tok langa im kantrimen olabat.

Eksadas 1:10 Iomraidhean Croise

Ola Saam 10:2

Ola nogudbala pipul oldei dum nogud ting langa ola powan pipul, dumaji olabat praudbala. Detlot nogudbala pipul oldei meigimbat ola trep en dei oldei gedimbat powan pipul, jis laik wen enimul git trep.

Ola Saam 105:25

Imbin meigim detlot pipul brom Ijip heidim im pipul olabat, en trikibalawei olabat bin meigim nogudwan plen.

Prabebs 1:11

Wal maitbi olabat garra tok langa yu, ‘Yu wandim kaman langa melabat? Wi garra go blanga kilim sambodi ded. Wi kilim enibodi eniwei.

Prabebs 16:25

Samtaim pipul reken olabat dumbat ola rait ting, bat bambai detlot ting garra meigim olabat dai.

Prabebs 21:30

Nomeda haumatj yu sabi en nomeda wanim plen yu meigim, yu kaan win if YAWEI nomo album yu.

Nambas 22:6

Olabat tumeni en melabat oni lilbit pipul. Wal ai wandim yu garra kaman en singim olabat blanga mi, en maitbi wi gin bidim olabat en andimwei olabat brom wi kantri. Ai sabi yu brabli klebabala en yu oldei album pipul, en wen yu tok gudwei dei jidan gudbinji, en wen yu singim olabat dei jidan brabli nogudbala.” Lagijat na deibin gibit det mesij brom King Beilak.

Eks Hau Det Gudnyus Blanga Jisas Krais Bin Spredat Ebriweya 23:12

Neksdei na sambala Juwish pipul bin midap, en deibin meigim plen blanga kilim Pol ded, en deibin pramisim miselp nomo blanga dagat daga en dringgim enijing raidap dei garra kilim im ded.

Eks Hau Det Gudnyus Blanga Jisas Krais Bin Spredat Ebriweya 7:19

Imbin trikim ola Isreil pipul, en imbin oldei tridimbat olabat nogudbalawei, en imbin oldei meigim olabat libum olabat beibi eniwei weya dei garra dai.

Fes Semyul 29:4

Wal detlot boswan solja bin gitwail langa det king, en deibin tok, “Nomo. Im kaan kaman en fait langa detlot Isreil solja garram wi, dumaji im mait tenaran en fait langa wi. Melabat sabi hu im. Blanga im na ola gel bin densdens en jinginatbat en tok, ‘King Sol bin kilim loda Filastain solja ded. Bat Deibid bin kilim bigismob ded.’ Wal yu garra lafta jandimbek im langa det taun weya yubin gibit im, dumaji if im wandim, im gin jis tenaran deya langa det fait en binijimap wi holot blanga meigim det Isreil king gudbinji langa im.” Lagijat na detlot boswan solja bin tok.