Eks Hau Det Gudnyus Blanga Jisas Krais Bin Spredat Ebriweya 7:3 - Kriol Baibul

³ en imbin dalim im, ‘Yu garra libum yu kantri en yu kantrimen olabat, en yu garra go langa det kantri weya ai garra shoum yu.’

Eks Hau Det Gudnyus Blanga Jisas Krais Bin Spredat Ebriweya 7:3 Iomraidhean Croise

Jenasis 12:1

Wal wandei YAWEI det trubala God bin tok langa Eibram, “Yu garra libum yu kantri en yu kantrimen olabat, en yu garra gowei brom yu dedi kemp, en yu garra go langa wan longweiwan kantri weya ai garra shoum yu.

Jenasis 15:7

Wal YAWEI bin tok langa Eibram igin, “Wal mi na YAWEI, en mi na bin deigimat yu brom det taun gulum Yura deya langa det kantri gulum Bebalon. Aibin deigimat yu blanga gibit yu dijan kantri na blanga yu ronselp.”

Jenasis 20:13

En wen God bin dalim mi blanga libum main dedi kemp en go langa streinja kantri, aibin dalim dijan gel, ‘Wen yunmi kamat langa eni kantri, yu garra dalim ola pipul yu main ronwan sista. If yu tok lagijat, wal yu shoum mi yu brabli laigim mi en rispek mi.’ ” Lagijat na Eibrahem bin tok.

Niyamaiya 9:8

Yubin luk imbin oldei bulurrum yu brabliwei, en yubin meigim brabli strongbala pramis langa im. Yubin pramis blanga gibit im det kantri blanga detlot traib gulum Keinanait, Hitait, Emarait, Perasait, Jebusait en Gegashait. En det kantri garra jidan blanga im biginini olabat. Yubin kipum yu pramis dumaji yu na jidan trubalawan.

Methyu 10:37

“Wen enibodi kaman langa mi, en im wandi jidan wekinmen blanga mi, wal im garra laigim mi mowa langa im mami en dedi. If im laigim im san en doda mowa langa mi, wal im nomo rait blanga jidan wekinmen blanga mi.

Luk Bin Dalim Ola Stori Blanga Jisas Langa Wan Jintail Men 14:33

Wal Jisas bin kipgon tok, “Wal im seimwei du lagijat gin. Yumob garra jinggabat wanim im garra kos blanga bulurrum mi, dumaji nobodi kaan jidan main wekinmen if im nomo libum ebrijing biyain blanga bulurrum mi.

Eks Hau Det Gudnyus Blanga Jisas Krais Bin Spredat Ebriweya 7:4

En imbin duwit langa God. Imbin libum im kantri, en imbin go langa det taun gulum Heran, en deya na imbin jidan en afta wen im dedi bin dai, God bin dalim im blanga kaman en jidan iya langa dijan kantri weya wi jidan tudei.

Sekan Karinthiyans 6:17

En blanga tharran na God det Bos blanga wi bin tok wi garra gowei brom detlot pipul hu nomo blanga im pipul. Wi garra kadimat miselp brom olabat, en wi kaan joinin langa enijing weya nomo gudwan. En God bin tok im garra gudbinji langa wi,

Hibrus 11:8

Dumaji Eibrahem bin bilib, wal wen God bin dalim im blanga go langa det kantri weya im garra gibit im, imbin duwit langa im, en imbin gowei brom im ron kantri langa najawan kantri weya im nomo bin sabi.

Joshuwa 24:3

en aibin deigidawei Eibrahem brom det kantri, en aibin shoumbat im ol dislot kantri iya langa Keinan, en aibin gibit im loda femili, en aibin gibit im wanbala san neim Aisik,