Eks Hau Det Gudnyus Blanga Jisas Krais Bin Spredat Ebriweya 2:2 - Kriol Baibul

² Bambai na deibin lisin nois bin kamdan brom det skai. Det nois bin jis laiga brabli strongwan win, en det win bin gowin langa det haus weya deibin majurrap.

Eks Hau Det Gudnyus Blanga Jisas Krais Bin Spredat Ebriweya 2:2 Iomraidhean Croise

Fes Kings 19:11

Wal YAWEI bin dalim Ilaija, “Yu go en jandap lida langa mi deya ontop langa det bigwan hil.” Brom deya YAWEI bin gopas en imbin jandim brabli strongwan win weya bin breigimap det hil en imbin breigimap ol detlot bigiswan rok, bat YAWEI nomo bin deya langa det win. Afta na det graun bin sheik ebriweya, bat YAWEI nomo bin deya.

Ola Saam 18:10

Kwikbala imbin kaman jis laik imbin flai garram det speshalwan einjul blanga im, en imbin trebul langa det win jis laik imbin abum wing.

Brabli Gudwan Song 4:16

Win brom nowathwei, yu gidap na! Win brom sauthwei, yu gidap du! Blo langa dijan gadin, en meigim ola ebrijing langa dijan gadin smel gudwan. Main olmen, yu garra kaman iya langa main gadin, en dagat ola gudwan frut weya yu wandim dagat.

Aisaiya 65:24

Ai garra oldei ensim olabat preya bifo olabat binij preipreibat.

Melakai 3:1

YAWEI det boswan God bin tok, “Yumob irrim mi. Ai garra jandim main mesinja lida langa mi blanga meigim det roud redi blanga mi. Det bos yumob lukabat garra kaman kwikbala langa im Serramoni Pleis. Det mesinja weya aibin pramis langa main pipul en tharran weya yumob wandimbat, trubala im garra kaman.

Luk Bin Dalim Ola Stori Blanga Jisas Langa Wan Jintail Men 2:13

Wal streidawei bigmob einjul bin jandap deya wansaid langa det wanbala einjul, en ol detlot einjul bin gibit theingks langa God, en deibin jinginat,

Jon Bin Dalim Det Gudnyus Blanga Jisas Det San Blanga God 3:8

“Wal yu jinggabat det win weya im go eniwei. Yu nomo sabi brom weya im kaman en weya im go. Bat yu sabi im deya, dumaji yu irrim det nois. En im lagijat du langa detlot pipul hu bon garram det Holi Spirit. Nobodi nomo sabi hau det Holi Spirit wek langa olabat laif. Bat wi sabi im wek.” Lagijat na Jisas bin tok.

Eks Hau Det Gudnyus Blanga Jisas Krais Bin Spredat Ebriweya 2:3

Afta na deibin luk samting deya, en imbin luk jis laiga loda lilwan faiya, en detlot faiya bin go ebriweya en jidan ontop langa olabat hed,

Eks Hau Det Gudnyus Blanga Jisas Krais Bin Spredat Ebriweya 2:6

en wen deibin irrim det nois langa det haus weya detlot bilibamob bin jidanbat, deibin ol go langa det haus, en deibin gida shok, dumaji deibin lisin detlot bilibamob bin toktok garram ola difrindifrin langgus blanga olabat.

Eks Hau Det Gudnyus Blanga Jisas Krais Bin Spredat Ebriweya 4:31

Wal wen deibin binij prei, det haus weya deibin abum det miting bin sheiksheik, en det Holi Spirit bin gowin insaid langa olabat, en imbin meigim olabat strongbala, en deibin dalimbat ebribodi det wed blanga God streidat.

Fes Pida 1:12

Wal wen detlot speshalwan mesinja bin tok ol detlot wed, God bin shoum olabat dei nomo bin tok detlot wed blanga ola pipul hubin jidan langa olabat taim. Deibin tok ol detlot wed blanga ola pipul hu jidan langa yumob taim. Wal ola einjul bin wandim sabi hau God garra seibum ol im pipul olabat en wotaim im garra seibum olabat jis laik detlot speshalwan mesinja bin wandim sabi. Bat nobodi nomo bin sabi raidap Jisas Krais bin kaman. Bat yumob sabi na, dumaji yumob bin irrim detlot wed wen sambodi bin dalimbat yumob det gudnyus, en imbin dalim yumob det gudnyus garram pawa brom det Holi Spirit weya God bin jandim brom hebin.