Eks Hau Det Gudnyus Blanga Jisas Krais Bin Spredat Ebriweya 1:7 - Kriol Baibul

⁷ Wal Jisas bin dalim olabat, “Yumob kaan sabi wotaim det ting garra hepin. Oni God im sabi, dumaji im na Bos, en im garra dum wen im wandim dum.

Eks Hau Det Gudnyus Blanga Jisas Krais Bin Spredat Ebriweya 1:7 Iomraidhean Croise

Job Wotfo Gudbala Pipul Abum Trabul? 24:1

Wal Job bin kipgon tok, “Wotfo det boswan God nomo dalim ebribodi wotaim det kotkeis garra stat? Wotfo im pipul olabat nomo sabi weya olabat garra faindim im?

Denyul 2:21

Yu na meigim ebrijing kipgon, en yu na oldei gibit pawa langa ola king, en yu na gin deigidawei det pawa blanga ola king. Yu na oldei gibit gudbala main langa pipul, en yu na meigim olabat sabi.

Methyu 20:23

Wal Jisas bin tok, “Trubala yunbala garra go thru langa trabul jis laik ai garra go thru langa trabul. Bat ai nomo garram det rait blanga dalim yunbala blanga jidan langa main raidensaid en lefthensaid. Oni main Dedi garram det rait blanga pikimat hu garra jidan langa det dubala pleis.”

Methyu 24:36

“Nobodi sabi wotaim ol dislot ting garra hepin. Ola einjul langa hebin nomo sabi, en mi nomo sabi du. Oni main Dedi langa hebin im sabi.

Mak Bin Dalim Ola Stori Blanga Jisas 10:40

Bat ai nomo garram det rait blanga dalim yunbala blanga jidan langa main raidensaid en lefthensaid. Oni God garram det rait blanga pikimat hu garra jidan langa det dubala pleis.”

Mak Bin Dalim Ola Stori Blanga Jisas 13:32

“Nobodi sabi wotaim det dei blanga ol dislot ting garra hepin. Ola einjul langa hebin nomo sabi, en ai nomo sabi du. Oni main Dedi langa hebin im sabi.

Luk Bin Dalim Ola Stori Blanga Jisas Langa Wan Jintail Men 21:24

Ola najalot pipul hu nomo bilib langa God garra binijimap dijan taun Jerusalem. Dei garra kilimbat sambala pipul garram naif, en dei garra deigidawei sambala pipul langa najalot kantri en meigim olabat jidan prisana. Dei garra pudumbut langa dijan taun ebriweya raidap olabat taim garra binij.

Eks Hau Det Gudnyus Blanga Jisas Krais Bin Spredat Ebriweya 17:26

Brom det wanbala men weya imbin meigim basdam, imbin meigim ola najalot pipul kamat, en imbin meigim olabat jidan langa ebri kantri, en im na bin pikimat weya ebribodi garra jidan en haulong dei garra jidan deya.

Ifishans 1:10

Wi sabi wen det rait taim garra kaman, God garra joinimap ebrijing weya imbin meigim langa dijan wel en langa hebin, en Jisas Krais na garra jidan Boswan blanga olabat.

Dyudaranami 29:29

“Wal YAWEI bin kipum sambala ting sigridwan, bat imbin shoumbat detlot lowa blanga im langa wi. En wi en wi bigininimob garra teiknodis en duwit wanim im tok langa detlot lowa.”

Fes Timathi 6:15

Wen im det rait taim, God na garra meigim Jisas Krais kambek. Wal nobodi jidan bos. Oni God na jidan Bos. Im na det brabli gudbalawan, en im na det King blanga ola king, en im na det Bos blanga ola bos.

Sekan Timathi 3:1

Wal Timathi, yu irrim mi na. Bifo det taim garra kaman weya Jisas Krais garra kambek, wi garra abum brabli adtaim, dumaji loda pipul garra laigimbat miselp,