Eks Hau Det Gudnyus Blanga Jisas Krais Bin Spredat Ebriweya 1:6 - Kriol Baibul

⁶ Wal naja taim wen detlot speshalwan mishanri bin ol midap garram Jisas, deibin askim im, “Bos, tudei na yu garra meigim wi jidan bos blanga wi ron kantri Isreil, indit?”

Eks Hau Det Gudnyus Blanga Jisas Krais Bin Spredat Ebriweya 1:6 Iomraidhean Croise

Jenasis 49:10

Yu garra jidan bigbala bos, en ola biginini blanga yu garra jidan bigbala bos biyain langa yu du. En ola najalot pipul garra lukbek langa yu, en dei garra lisin langa yu du.

Aisaiya 1:26

Yumob pipul langa Jerusalem, ai garra pikimat sambala men blanga jidan bos langa det kothaus, en sambala men garra albumbat yumob wulijim yumob garra jidan raitwei jis laik detlot pipul hubin jidan basdam. Jerusalem garra abum nyuwan neim gulum Trubalawan en Feyagowan Taun.

Jeramaiya 33:26

En lagijat na aibin dum, en ai garra kipum main strongbala pramis langa Jeikob bigininimob, en langa main wekinmen Deibid. Ai garra olweis pikimat wanbala brom Deibid femili blanga jidan king oba langa detlot bigininimob blanga Eibrahem, Aisik en Jeikob. Ai garra kain langa main pipul olabat, en ai garra meigim olabat jidan brabli gudbalawei igin.” Lagijat na YAWEI bin tok.

Denyul 7:27

En det Brabli Haibala God garra gibit im pipul olabat det pawa blanga jidan bos langa ebri kantri ebriweya. Det pawa blanga olabat kaan neba binij en ola boswan langa ebri kantri garra jidan wekinmen blanga olabat en dei garra duwit langa olabat.” Lagijat na det men bin tok.

Hoseiya 3:4

Wal lagijat du, ola Isreil pipul garra jidan longtaim nomo garram eni king en bos en nomo garram eni serramoni en serramoni pleis en nomo garram detlot speshalwan klos en drimin sheip du.

Eimos 9:11

YAWEI bin tok langa im pipul Isreil. Imbin tok, “Bambai det dei garra kaman wen ai garra album yumob dumaji wen yumob garra abum bigwan fait yumob garra jidan wulijim det haus weya yumob enamimob garra nokamdan. En nomeda ola enamimob garra bidim yumob, bat stil ai garra meigim yumob jidan brabli strongbala pipul igin wulijim longtaim wen Deibid bin jidan king, ola Isreil pipul bin jidan brabli strongbala pipul.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Sekaraiya 9:9

YAWEI bin kipgon tok, “Yumob pipul blanga Jerusalem! Jingat brabli gudbinjiwei yumob pipul blanga Saiyan! Luk yumob king im kaminap langa yumob. Im strongbala en imbin bidim ol im enami olabat. Im kaman langa yumob raidimbat dongki, ontop langa yangwan dongki, nomo praudbalawei.

Methyu 17:11

Wal Jisas bin tok, “Trubala det mesinja garra kaman lida en meigim ebrijing redi.

Methyu 20:21

en Jisas bin tok, “Wanim yu wandim?” Wal det olgamen bin tok, “Yu garra meigim pramis langa mi. Bambai wen yu jidan king, yu garra larram main san dubala jidan bos garram yu, en yu garra larram wanbala jidan raidensaid langa yu en wanbala lefthensaid langa yu.”

Methyu 24:3

Brom deya deibin go langa det hil gulum Olib, en deibin jidan deya, en deibin lukinatbat det Serramoni Pleis na, en detlot wekinmen bin kaman miselp langa Jisas, en deibin askimbat im blanga detlot ston, “Yu dalim melabat wotaim dijan ting garra hepin, en hau melabat garra sabi im det rait taim.”

Mak Bin Dalim Ola Stori Blanga Jisas 9:12

Wal Jisas bin tok, “Trubala det mesinja garra kaman lida en meigim ebrijing redi, en im tok langa oltestaman ai garra abum trabul, en dei garra tjakidawei mi.

Luk Bin Dalim Ola Stori Blanga Jisas Langa Wan Jintail Men 17:20

Wal sambala serramonimen gulum Ferasi bin askim Jisas, “Wotaim God garra jandim det boswan hu garra jidan king blanga wi?” Wal Jisas bin tok, “Yumob kaan luk wen det boswan garra kaman en jidan.

Luk Bin Dalim Ola Stori Blanga Jisas Langa Wan Jintail Men 19:11

Wal detlot pipul bin irrim Jisas wen imbin tok lagijat langa det shotwan men, en deibin reken God garra meigim im jidan king dregli, dumaji imbin gulijap langa Jerusalem. Wal Jisas bin dalim olabat dijan stori.

Luk Bin Dalim Ola Stori Blanga Jisas Langa Wan Jintail Men 22:29

En ai garra meigim yumob jidan bos jis laik main Dedi bin meigim mi jidan bos.

Jon Bin Dalim Det Gudnyus Blanga Jisas Det San Blanga God 21:21

Wal wen Pida bin luk det wekinmen, imbin askim Jisas, “Bos, wotabat im?”