Eks Hau Det Gudnyus Blanga Jisas Krais Bin Spredat Ebriweya 1:11 - Kriol Baibul

¹¹ en dubala bin tok, “Ei! Ol yumob men brom Gelali! Wotfo yumob jandapbat iya lukinatbat langa top? Det seim Jisas weya yumob bin luk im gowap langa hebin, im garra kambek lagijat seimwei igin.”

Eks Hau Det Gudnyus Blanga Jisas Krais Bin Spredat Ebriweya 1:11 Iomraidhean Croise

Methyu 16:27

Mi na det Speshalwan Men, en nomo longtaim na ai garra kambek garram det shainiwan lait main garram ola einjul garram detmatj pawa brom main Dedi, en ai garra peiyimbek ebribodi blanga ebrijing weya deibin dumbat.

Methyu 16:28

Mi na det Speshalwan Men en ai dalim yumob trubala dijan. Sambala yumob iya, bifo yumob dai yumob garra luk mi kambek blanga jidan Bos brabli.” Lagijat na Jisas bin tok.

Methyu 24:30

Det taim na ebribodi garra luk det speshalwan mak blanga mi. Mi na det Speshalwan Men weya God bin jandim, en ebribodi garra luk main mak deya langa skai, en ola pipul langa ebri kantri garra sori miselp, en dei garra luk mi kambek garram klaud brom hebin, en ai garra shain detmatj garram main pawa.

Methyu 25:31

Wal Jisas bin kipgon tok langa im wekinmen olabat, “Yumob sabi na? Det stori im dalim yumob hau ai garra gibit det prais langa ola pipul wen ai garra kambek. En wen ai garra kambek blanga jidan bos, ai garra kambek garram det shainiwan lait main garram main einjul olabat, en ai garra jidan langa det speshalwan tjeya weya oni king lau jidan,

Mak Bin Dalim Ola Stori Blanga Jisas 13:26

en det taim na ai garra kamdan garram klaud. Mi na det Speshalwan Men, en ai garra shain detmatj garram main pawa.

Mak Bin Dalim Ola Stori Blanga Jisas 14:70

Wal Pida bin dalim laiya igin. Bambai na detlot pipul deya bin dalim Pida, “Trubala yu wekinmen blanga Jisas, dumaji yu kaman brom Gelali.”

Mak Bin Dalim Ola Stori Blanga Jisas 16:19

Wal wen Jisas bin binij toktok langa im wekinmen olabat, God bin deigidawei im langa hebin, en deya na im jidan raidensaid langa God.

Luk Bin Dalim Ola Stori Blanga Jisas Langa Wan Jintail Men 21:27

“Wal det taim na ai garra kamdan garram klaud. Mi na det Speshalwan Men, en ai garra shain detmatj garram main pawa.

Luk Bin Dalim Ola Stori Blanga Jisas Langa Wan Jintail Men 24:5

en detlot gel bin brabli bradin, en wen det dubala einjul bin tok langa olabat, deibin baudan garram olabat feis langa graun. Wal det dubala einjul bin tok, “Wotfo yumob lukabat det laibalawan weya ola dedbala oldei jidan?

Jon Bin Dalim Det Gudnyus Blanga Jisas Det San Blanga God 14:3

Ai garra go en meigim det pleis redi blanga yumob, en afta ai garra kambek en gajim yumob miselp en deigim yumob blanga jidan weya ai garra jidan.

Eks Hau Det Gudnyus Blanga Jisas Krais Bin Spredat Ebriweya 1:2

Wal bifo Jisas bin dai, imbin pikimat twelbala speshalwan mishanri blanga jidan mishanri blanga im, en afta wen imbin gidap brom dedbala, imbin shoum miselp 40 deis langa detlot lebenbala speshalwan mishanri, en olabat ol witnis trubala im laibala, dumaji deibin luk im lodataim bifo imbin gowap langa hebin. Wal wen deibin oldei luk langa im, imbin oldei dalimbat olabat blanga God en hau im garra jidan Bos blanga olabat. Garram det pawa blanga det Holi Spirit imbin oldei titjimbat olabat.

Eks Hau Det Gudnyus Blanga Jisas Krais Bin Spredat Ebriweya 1:22

Wi garra pikimat sambodi blanga joinin garram melabat en dalimbat ola pipul blanga Jisas Krais weya imbin gidap laibala brom dedbala.” Lagijat na Pida bin tok.

Eks Hau Det Gudnyus Blanga Jisas Krais Bin Spredat Ebriweya 1:9

Wal streidawei wen Jisas bin binij toktok langa olabat, deibin luk imbin gowap langa top. God bin deigidawei im, en garram olabat ron ai deibin luk imbin gowap, raidap klaud bin gaburrumap im.

Eks Hau Det Gudnyus Blanga Jisas Krais Bin Spredat Ebriweya 13:31

en lodataim imbin kamat langa detlot pipul hubin bulurrum im brom Gelali raidap langa Jerusalem, en detlot pipul na oldei dalimbat det gudnyus langa ola Juwish pipul.

Eks Hau Det Gudnyus Blanga Jisas Krais Bin Spredat Ebriweya 2:7

Wal detlot Juwish pipul bin hatjamp brabliwei, en deibin ol tok, “Dislot pipul iya olabat bin kaman brom det kantri gulum Gelali, indit?

Eks Hau Det Gudnyus Blanga Jisas Krais Bin Spredat Ebriweya 3:12

en wen Pida bin luk detlot pipul bin hipap, imbin tok langa olabat, “Main kantrimen olabat, wotfo yumob hatjamp? En wotfo yumob lukinat langa minbala? Minbala nomo bin meigim dijan leimbala men wok garram minbala pawa. Minbala bulurrum God. Bat minbala nomo bin meigim im gudwan.

Eks Hau Det Gudnyus Blanga Jisas Krais Bin Spredat Ebriweya 3:21

Bat im garra jidan ontop deya langa hebin raidap det rait taim garra kaman wen God garra meigim ebrijing nyubala. “Longtaim God bin dalim ol detlot speshalwan mesinja blanga dijan ting im garra hepin lagijat,

Fes Thesaloniyans 1:10

En dei oldei dalimbat melabat hau yumob oldei weidabat blanga det San blanga God blanga kambek brom hebin. Wal wi sabi det san im neim Jisas. God bin meigim im gidap laibala brom dedbala, en im na tharran hu meigim wi fri wulijim God kaan panishim wi wen im garra gitwail en panishim ol detlot pipul hu nomo bilib langa im San.

Fes Thesaloniyans 4:16

Lagijat na im garra hepin. Sambodi garra jingat adbala, en det brabli haibala einjul garra jingat, en det wisul blanga God garra jingat adbala du, en afta det Bos blanga wi garra kamdan brom hebin, en detlot bilibamob hubin dai garra gidap laibala brom dedbala basdam,

Hibrus 9:28

En lagijat gin Jisas bin dai wantaim blanga deigidawei ola nogudbala ting blanga ola pipul, en wen im garra kambek det sekantaim, im kaan kaman blanga deigidawei ola nogudbala ting. Im garra kambek blanga seibum ol detlot pipul hu weidabat blanga im.

Rebaleishan 1:7

Yu luk! Im kamdan garram ola klaud, en ebribodi garra luk im garram olabat ron ai. Detlot pipul hubin jalk im garra luk im garram olabat ron ai du. En pipul langa ebri kantri garra krai blanga im brabli. Im trubala dijan stori.