Юдэ́нгэ 8:4 - Библия - Пэ Балтитко Романи чиб (Романэс) 2019

⁴ Ко́ли Христо́со тэ ячэласпэ тэ дживэ́л пэ пхув, Ёв на явэ́лас Раша́са, пал-дова́ со исын ада́й кадасавэ́ рашая́, савэ́ ишчо (инкэ́) янэ́на свэ́нта дыибэна́ пир Мойза́скиро Зако́но;

Biblija - Pe Baltitko Romani čib (Romanes) 2019

⁴ Kóli Xristóso te jačelaspe te dživél pe phuv, Jov na javélas Rašása, pal-dová so isyn adáj kadasavé rašaja, savé iščo (inké) janéna svénta dyibená pir Mojzáskiro Zakóno;

Юдэ́нгэ 8:4 Iomraidhean Croise

Čysly 16:40

соб (кай) тэ рипирэ́н Израилёскирэ чхавэ́, соб (кай) нико́н яви́р ману́ш, саво́ на Аароно́скирэ родо́стыр, тэ на подджа́л тэ янэл гудлэ́ смо́лы (фимиа́мо) тэ хачкирэл анги́л Ра́скирэ-Дэвлэ́скиро муй, и, соб (кай) тэ на явэ́л лэ́са, со Кореёса и лэ́скирэ манушэ́нца, савэ́ сыс лэ́са кхэтанэ́, сыр ракирдя́ лэ́скэ Рай Дэвэ́л пир Мойзастэ.

Čysly 18:5

Адя́кэ дынаринэ́н пэ свэ́нто штэ́то и пашы́л алта́рё, соб (кай) тэ на явэ́л буты́р холы́ пэ Израилёскирэ чхавэ́ндэ;

Юдэ́нгэ 10:11

И кажно (сва́ко) раша́й дывэ́с дро дывэ́с кэрэ́ла Дэвлэ́скири буты́ и янэ́ла бут мо́лы одолэ́-паць свэ́нта дыибэна́, савэ́ ние́кхвар на могинэ́на тэ злэн грэ́хи,

Юдэ́нгэ 11:4

Патяибна́са Авелё яндя́ Дэвлэ́скэ фэдэды́р свэ́нто дыибэ́н, сыр Каино; пир патяибэ́н ёв дорэсця́ допхэныбэ́н Дэвлэ́стыр, со ёв исын чачуно́ ману́ш, ке́ли Дэвэ́л ракирдя́ пал лэ́скиро свэ́нто дыибэ́н и пир Пэ́скиро патяибэ́н, сыр и англэды́р, Авелё ракирэ́ла амэ́нгэ, мэк ёв ужэ мыя́.

Юдэ́нгэ 5:1

Пал-дова́ со кажно англатуно́ раша́й лэ́лапэ манушэ́ндыр и чхувэ́лапэ ваш манушэ́нгэ, соб (кай) тэ дынаринэ́л Дэвлэ́скэ: тэ янэл свэ́нто дыибэ́н и да́ры пэ алта́рё ваш грэхэнгиро отмэкибэн;

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Юдэ́нгэ 8:3

Кажно раша́й исын чхудо ваш дова́, соб (кай) тэ янэл свэ́нто дыибэ́н и да́ро, пал-дова́ со трэиндя́, соб (кай) и кадалэ́ Рашастэ тэ явэ́л вари-со тэ янэл.

Юдэ́нгэ 9:9

кадая́ пэ́рво Свэ́нто Ша́тра исын сы́рбы приме́ро (сыкаибэ́н), со кэрэ́лапэ дро амаро́ часо, дро саво́ янэ́на да́ры, и свэ́нта дыибэна́, савэ́ на могинэ́на тэ кэрэ́н бидошакирэса кодолэ́с, кон мангэлапэ Дэвлэ́скэ, сыр трэй пир Зако́но,