Юдэ́нгэ 2:3 - Библия - Пэ Балтитко Романи чиб (Романэс) 2019

³ нэ сыр тэды амэ менинаса ка́ра, ко́ли амэ на приласа илэ́са дасаво баро́ зракхибэ́н, саво́ англэды́р пхэндя́ Дэвэ́л, и допхэндлэ амэ́нгэ одолэ́, кон кокоро́ шундя́ Лэ́стыр;

Biblija - Pe Baltitko Romani čib (Romanes) 2019

³ ne syr tedy ame mieninasa kára, kóli ame na prilasa ilésa dasavo baró zrakhibén, savó angledýr phendiá Devél, i dophendle aménge odolé, kon kokoró šundiá Léstyr;

Юдэ́нгэ 2:3 Iomraidhean Croise

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Isajos 20:6

И пхэнэ́на дро дова́ дывэ́с мануша́, савэ́ одо́й дживэ́нас: “Акэ, савэ́ исын одолэ́, пэ конэ́стэ исыс амари́ наде́я, кэ кон прастандыям пал подрикирибэ́н, соб (кай) тэ зракхаспэ Асирия́кирэ крали́стыр! И сы́рбы амэ зракхасапэ?”

Isajos 51:5

Пашылэды́р исын Миро чачипэ́н; и джа́ла упрэ́ Миро зракхибэ́н и васт Миро сэндякирэ́ла народы. Островы явэ́на тэ рикирэ́н наде́я пэ Ма́ндэ, и явэ́ла наде́я пэ Миро васт.

Isajos 51:8

Пал-дова́ со ёнэ хасёна; кирмо схала лэн, сыр вы́лна (шэрсь), а чачипэ́н Миро явэ́ла ве́чно, зракхибэ́н Миро николи на пириячэ́ла.”

Isajos 62:11

Акэ, Рай Дэвэ́л пхэнэ́ла кэ сари́ пхув: “Пхэнэ́н патывалэ́ чхакэ Сионо́стыр: акэ, джа́ла тыро́ Зракхибнари, Лэ́скири мазу́ри (награда) исын Лэ́са, и отдыибэ́н Лэ́скиро исын анги́л Лэ́стэ.

Езэкилё 17:15

Нэ кодова́ (Юдэя́киро кра́ли) угия лэ́стыр, бичхадя́ пэ́скирэ послэн дро Еги́пто, соб (кай) тэ дэн лэ́скэ бут грэн и бут манушэ́н. Ци явэ́ла лэ́скэ бахт? Выдживэла, хай, кодова́, кон кэрэ́л дава́? Ёв пхагирдя́ доракирибэ́н, зракхэ́лапэ ли ёв?

Езэкилё 17:18

Ёв на зрикирдя совэ́л, соб (кай) тэ роспхагирэл доракирибэ́н. Акэ, ёв дыя́ пэ́скиро васт, кэрдя́ саро́ дава́; ёв на зракхэ́лапэ.”

Матфеё 23:33

Тумэ́ сан сапа, ро́до сапитко, сыр тумэ́нгэ тэ нашэ́н сэндостыр дро лю́но (адо)?

Матфеё 4:17

Далэ́ часостыр Ису́со лыя́ тэ ракирэ́л: “Рискирэ́н пэ́скиро джиибэ́н кэ Дэвэ́л, пал-дова́ со явдя́ пашылэды́р Кралипэ́н дро Болыбна́скиро Раё.”

Marko 1:14

Пало́ дова́, сыр Иа́но сыс закэдыно, явдя́ Ису́со дрэ Галиле́я, роспхэни лав пал Евангелиякиро бахталыпэ́н пал Дэвлэ́стэ,

Luka 1:2

ёнэ уджиндлэ́ манушэ́ндыр, савэ́ пэ́рва дыкхнэ́ дова́ пэ́скирэ якхэ́нца и служындлэ (дынариндлэ́) ваш Дэвлэ́скиро лав, адя́кэ ёнэ пирипхэндлэ амэ́нгэ.

Luka 1:69

Ёв дыя́ амэ́нгэ зоралэ́ Зракхибнарис, саво́ исын Дына́ри Давидо́скирэ родо́стыр,

Luka 24:19

Ёв пхуця́: “Со ж сыс?” И ёнэ пхэндлэ́ Лэ́скэ: “Дова́, со сыс Исусо́са Назаретостыр. Ёв сыс проро́ко, Саво́ кэрдя́ саро́ и ракирдя́ барэ́ зорья́са анги́л Дэвлэ́стэ и манушэ́ндэ;

Joannostir 15:27

Нэ адя́кэ-паць и тумэ́ явэ́на тэ допхэнэн, пал-дова́ со тумэ́ са́нас Ма́нца самонэ англыпна́стыр.

Apostolengiri Butý 1:22

гины Ианоскирэ болдэипнастыр кэ/жы́ко дова́ дывэ́с, ке́ли Ису́со сыс ґаздыно́ амэ́ндыр, адалэ́ манушэ́скэ трэиндя́ тэ явэ́л кхэтанэ́ амэ́нца сыр якхи́тко пал Исусо́скиро отджидыибэн мэрибна́стыр,

Apostolengiri Butý 2:22

Мануша́лэ Израилёскирэ! Шунэ́н адалэ́ лава́: Исусо́скирэ Назареёскирэ, Манушэ́с, Савэс Дэвэ́л выкэдыя́ ваш тумэ́нгэ, и допхэндя тумэ́нгэ барэ́ Лэ́скирэ рэндэ́нца (делэнца), ґертыкэ́нца машки́р тумэ́ндэ, савэ́ тумэ́ кокорэ́ джинэ́на, и дава́ сыс анги́л тумарэ́ якха́.

Apostolengiri Butý 4:12

И нанэ буты́р ни дрэ конэ́стэ явирэ́стэ зракхибэ́н, нанэ тэл болыбэ́н яви́р лав, саво́ дыно́ манушэ́нгэ, савэ́са амэ могинасас тэ зракхаспэ.”

Римлянэнгэ 11:14

ци на ґазда́ва мэ зэвлыныпэ́н дрэ мирэ́ пшалэ́ндэ, савэ́ исын ма́нгэ пир рат, соб (кай) тэ зракхав вари-савэ́ лэ́ндыр?

Римлянэнгэ 2:3

Ману́ш, ту со думинэса, со обджала Дэвлэ́скиро сэ́ндо, ке́ли ту сэндинэса манушэ́н, савэ́ кэрэ́на дасавэ́ рэ́нды и кокоро́ дова́-паць кэрэ́са?

1 Коринфянэнгэ 1:21

Палдава́ Дэвэ́л пир Пэ́скиро годыпэ́н кэрдя́ адя́кэ, соб (кай) мануша́ тэ на ґалён Дэвлэ́с пэ́скирэ годя́са би патяибнаскиро; Дэвлэ́скэ сыс лачхо́ тэ зракхэ́л одолэ́н, савэ́ патя́на, пир пхэныбнытко лав, саво́ исын сы́рбы дылныпэ́н.

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

1 Ximaske 1:15

Кадава́ лав исын патяибны́тко, со Ису́со Христо́со явдя́ дро свэ́то тэ зракхэ́л грехитконэ́н, савэ́ндыр мэ сом най фуеды́р.

Titoske 2:11

Пал-дова́ со явдя́ Дэвлэ́скиро бахталыпэ́н, саво́ зракхэ́ла сарэ́ манушэ́н;

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

Юдэ́нгэ 1:14

Ци ёнэ исын на сарэ́ ду́хи, кадалэ́ Янго́лы, савэ́ дынаринэна (служынэна) одолэ́нгэ, кон дорэсэ́ла пэ́скири паш дро зракхибэ́н.

Юдэ́нгэ 1:2

а дрэ далэ́ палатунэ́ (последня) дывэса́ Ёв ракирдя́ амэ́нгэ пир Пэ́скирэ Чхавэ́стэ, Савэс чхудя́ хула́са тэ прилэл Лэ́стыр саро́, и пир Савэ́стэ Ёв создыя́ свэ́то (лот):

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр:

Юдэ́нгэ 4:1

Палдава́, пака пхэндло́ лав амэ́нгэ тэ заджа́н пэ доя́ пхув тэ откхинён Лэ́са, на хасия́, тэды ява́са тэ ракхаспэ, соб (кай) тэ на явэ́л адя́кэ, со вари-кон явдя́ древа́н кори́г (по́знэс).

Юдэ́нгэ 4:11

И палдава́ ява́са амэ тэ причхувас зор тэ кэра́с буты́р, соб (кай) амэ́нгэ тэ заджас тэ откхинёвас Лэ́са, соб (кай) пир дова́-паць приме́ро (сыкаибэ́н) амэ тэ на пэрас, сыр одолэ́ мануша́, савэ́ на кандынэ́.

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

1 Ian 1:1

Пал дова́, со сыс англыпна́стыр, пал дова́, со амэ шундя́м, со дыкхцям пэ́скирэ якхэ́нца, со амэ роздыкхасас, и со чилавэнас амарэ́ васта́, дова́ и амэ пхэнасас пал Джиибна́скиро лав, –

Juda 1:17

Нэ тумэ́, дро́га мирэ́, рипирэ́н лава́, савэ́ ґарэдыр ракирдэ́ Апо́столы амарэ́ Ра́скирэ – Дэвлэ́скирэ, Исусо́скирэ Христосо́скирэ,

Sykadyipén 7:10

И ёнэ дэ́нас го́дла зоралэ́ заня́са и пхэнэнас: “Зракхибэ́н явэ́ла амарэ́ Дэвлэ́стыр, Саво́ исын бэшто́ пэ троно и Свэнтонэ́ Бакрорэстыр.”