Юдэ́нгэ 1:3 - Библия - Пэ Балтитко Романи чиб (Романэс) 2019

³ а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Biblija - Pe Baltitko Romani čib (Romanes) 2019

³ a Čhavó, Savó ziainela Dadéskire slavása, sykavéla Pésa čačipén pal Devléste, i rikiréla Péskire zoralé lavésa saró svéto, i kiéli Jov vyžužakirdiá saré amaré gréhi, tedy besciá pir čačí rig Devléskire Baripnastyr dro Bolybnáskiro Rajo.

Юдэ́нгэ 1:3 Iomraidhean Croise

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

Ióvo 37:22

Дэвэ́л явэ́ла паш-ратякирэ рига́тыр сы́рбы сувнакуно́ шукарипэ́н кэ дар.

Psalmy 110:1

Давидо́скиро Пса́лмо. Рай Дэвэ́л пхэндя́ мирэ́ Ра́скэ-Дэвлэ́скэ: “Бэш пашы́л ма́ндэ чачэ́ рига́тыр, пака мэ чхува́ва тэлэ́ Тырэ́ вэргэ́н тэл ґэра́.”

Psalmy 75:3

“Ке́ли Мэ выкэдава лачхо́ часо – ракирэ́ла Дэвэ́л, Мэ ява́ва тэ сэндякирав пир чачипэ́н.

Ekliesiastos 8:4

пал-дова́ со крали́скиро лав исын зорало́, и кон сашты́ тэ пхэнэ́л лэ́скэ: “Со ту кэрэ́са?”

Левито 15:15

и янэ́ла раша́й далэ́ чириклендыр екха далэ́ чириклендыр дро свэ́нто дыибэ́н пал грэ́хо, а явирья дро цэ́ло схачкирибэ́н, и жужакирэла лэс раша́й анги́л Растэ-Дэвлэ́стэ лэ́скирэ тхадыпнастыр.

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Матфеё 22:24

ракири́: “Сыклякирибна́скиро! Мо́йза (Моисеё) пхэндя́: ‘Ко́ли ману́ш мэрэ́ла, и на сыс лэ́стэ чхаворэ́н, мэк лэ́скиро пшал тэ лэл лэ́скирэ ромня́ палоро́м, соб (кай) тэ рискирэ́л палэ мулэ́-пшалэскиро ро́до.’

Marko 16:19

И ке́ли Рай Дэвэ́л Ису́со пхэндя́ лэ́нгэ саро́, тэды Ёв сыс ґаздыно́ пэ болыбэ́н и бэсця́ пэ чачо́ васт Дэвлэ́стэ Дадэ́стэ.

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Joannostir 1:29

Пэ яви́р дывэ́с Иа́но дыкхэ́ла Исусо́с, Саво́ джа́ла кэ ёв и ракирэ́ла: “Ѓа́да, исын Дэвлэ́скиро Свэ́нто Бакроро́, Саво́ лэ́ла пэ Пэ́стэ свэтоскиро грэ́хо.

Joannostir 1:4

Дрэ Лэ́стэ сыс джиибэ́н и дава́ джиибэ́н сыс Дуд (Свэ́то) ваш манушэ́нгэ.

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Apostolengiri Butý 7:56

И пхэндя́ ёв: “Дыкхэ́н! Мэ дыкха́ва отчхакирдо болыбэ́н и Манушэ́скирэ Чхавэ́с, Саво́ сыс тэрдо́ пир чачи́ риг Дэвлэ́стыр.”

Римлянэнгэ 1:16

Мэ на ладжава тэ роспхэнав бахталы́ зан (звесь), пал-дова́ со ёй исын Дэвлэ́скири зор ваш зракхибэ́н кажнонэ́скэ дэвлытконэскэ: англэды́р Юдэ́нгэ, нэ коригэды́р (тэ́ньчи) Элинэ́нгэ (Грекэ́нгэ/Баламэ́нгэ):

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

Колосянэнгэ 3:1

И адя́кэ, ко́ли тумэ́ отджидынэ мулэ́ндыр Христосо́са, тэды причхувэ́н зор тэ дживэ́н пир чачипэ́н, саво́ исын дро Болыбна́скиро Раё, кай Христо́со исын бэшто́ пир чачо́ (право) васт Дэвлэ́стыр Дадэ́стыр.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Юдэ́нгэ 1:13

Ке́ли конэ́скэ Янголэндыр Дэвэ́л пхэндя́: “Бэш пэ чачо́ васт Ма́ндыр, пака Мэ чхува́ва вэргэ́н тырэ́н тэл ґэра́ тырэ́.”

Юдэ́нгэ 10:12

а Ёв, Христо́со, отдыя́ Пэс е́кхвар дро свэ́нто дыибэ́н пал грэ́хи и бэсця́ пэ саро́ часо пир чачи́ (право) риг Дэвлэ́стыр,

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Юдэ́нгэ 4:14

Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Юдэ́нгэ 8:1

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр;

Юдэ́нгэ 9:16

Ко́ли исын завето, саво́ ману́ш ячкирэ́ла явирэ́нгэ пало́ (после) пэ́скиро мэрибэ́н, трэй тэ допхэнэн, со кодова́ ману́ш мыя́.

Юдэ́нгэ 9:26

тэды Христосо́скэ трэиндя́ тэ мэнчынэлпэ кажно мо́ло, сыр свэ́то сыс создыно́. Нэ какана́, е́кхвар пэ векоскиро ко́нцо (яго́ро), Ёв сыкадя́ Пэс и отдыя́ Пэс сыр свэ́нто дыибэ́н, соб (кай) тэ отпарувэл грэ́хи.

1 Petr 1:21

пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

2 Petr 1:16

Амэ роспхэнасас тумэ́нгэ джиныбэ́н пал зор, и со сыг явэ́ла амаро́ Рай Дэвэ́л, Ису́со Христо́со на парамысенца, со мануша́ счхудэ годэс, нэ амэ кокорэ́ сам якхи́тка пал Лэ́скиро баро́ райканыпэн.

2 Petr 1:17

Пал-дова́ со Ёв прилыя́ Дэвлэ́стыр Дадэ́стыр паты́в и сла́ва, ке́ли догия́ кэ Ёв райканэ славатыр зан: “Дава́ исын Миро Чхаво́, Саво́ Ма́нгэ яця́ Дро́го, дрэ Савэ́стэ исын Мири́ ра́дыма”,

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

1 Ian 3:5

И тумэ́ джинэ́на, со Ёв явдя́ ваш дова́, соб (кай) тэ лэл амарэ́ грэ́хи, и со нанэ грэ́хо дрэ Лэ́стэ.

Juda 1:25

Екхэ́скэ Дэвлэ́скэ, амарэ́ Зракхибнарискэ пир Христосо́стэ, амарэ́ Ра́скэ-Дэвлэ́скэ тэ явэ́л сла́ва, барипэ́н, зоралыпэ́н и право ададывэ́с и пэ сарэ́ ве́ки. Ами́нь.

Sykadyipén 3:21

Одолэ́с, кон лэ́ла упралыпэ́н, Мэ бэшлякирава лэс тэ бэшэ́л Ма́нца пэ троно, сыр и Мэ, ке́ли Мэ лыём упралыпэ́н и бэсцём Мирэ́ Дадэ́са пэ Лэ́скиро троно.

Sykadyipén 4:11

“Амаро́ Рай Дэвэ́л и Дэвэ́л! Ту сан мол тэ прилэс сла́ва, паты́в и зор, пал-дова́ со Ту создыян саро́ и пир Тыри́ во́ля саро́ сыс создыно́ и дживэ́ла.”