Vygiiben 8:9 - Библия - Пэ Балтитко Романи чиб (Романэс) 2019

⁹ Мо́йза пхэндя́ фараоно́скэ: “Упхэн часо ма́нгэ кокоро́, ке́ли тэ мангавпэ пал ту́тэ, пал тырэ́ дынарьендэ и пал тырэ́ манушэ́ндэ, соб (кай) тэ хасён жамбы ту́тыр, тырэ́ кхэрэндыр, и тэ ячэ́нпэ дрэ екх рэка (лэнь).”

Biblija - Pe Baltitko Romani čib (Romanes) 2019

⁹ Mójza phendiá faraonóske: “Uphen časo mánge kokoró, kiéli te mangavpe pal túte, pal tyré dynar'jende i pal tyré manušénde, sob (kaj) te xasjon žamby tútyr, tyré kherendyr, i te jačénpe dre jekh reka (len').”

Vygiiben 8:9 Iomraidhean Croise

Isajos 10:15

Ци шарэлапэ пэ́са товэр анги́л одолэ́стэ, кон чингирэла лэ́са? Ци пхутёла ризил (пила) анги́л одолэ́стэ, кон чхинэла ла́са? Ци ґаздэ́лапэ дэсто́ пэ одолэ́стэ, кон лэс ґаздыя́, ци ґаздэ́лапэ дэсто́ пэ одолэ́стэ, кон исын на кашт?

3 Kralip 18:25

И пхэндя́ Или́я пророкэнгэ ваш Ваало: “Выкэдэн пэ́скэ екхэ гуруво́рэс и янэ́н лэс сыр свэ́нто дыибэ́н анги́л, пал-дова́ со тумэ́ сан бут; и кхарэ́н лав тумарэ́ дэвлорэскиро, нэ на подчхувэн яг тэлэ́.

Сэндарьенгири Лылвари́ 7:2

И пхэндя́ Рай Дэвэ́л Гедеоноскэ: “Манушэ́н ту́са исын древа́н бут, на могина́ва Мэ тэ отдав Мадианитянэн дрэ лэ́нгирэ васта́, соб (кай) тэ на запхутёл анги́л Ма́ндэ Израилё и тэ на пхэнэ́л: ‘Миро васт зракхця́ ман,’

Vygiiben 8:8

И кхардя́ фарао́но Мойза́с и Аароно́с и пхэндя́: “Мангэ́нпэ Ра́скэ-Дэвлэ́скэ, соб (кай) Ёв тэ отлэл жамбэн ма́ндыр и мирэ́ манушэ́ндыр, и мэ отмэка́ва Израилёскирэ манушэ́н тэ янэ́н свэ́нто дыибэ́н (жэ́ртва) Ра́скэ-Дэвлэ́скэ.”

Vygiiben 8:10

Ёв пхэндя́: “Атася́.” Мо́йза отпхэндя́: “Явэ́ла пир тыро́ лав, соб (кай) ту тэ джинэ́с, со нанэ никонэ́с, сыр Рай Дэвэ́л, Дэвэ́л амаро́;

Vygiiben 7:25

И прогинэ́ эфта́ (битринэ́нгиро дэш) дывэса́ пало́ дова́, сыр Рай Дэвэ́л хасякирдя́ рэка (лэнь).

Vygiiben 8:11

и джа́на криг жамбы ту́тыр, тырэ́ кхэрэндыр, и тырэ́ дынарье́ндыр (слугэ́ндыр), и тырэ́ манушэ́ндыр; екх дрэ рэка (лэнь) ёнэ ячэ́напэ.”

Čysly 14:20

И пхэндя́ Рай Дэвэ́л Мойза́скэ: “Отмэкава грэ́хо лэ́нгэ пир тыро́ лав;