Vygiiben 26:1 - Библия - Пэ Балтитко Романи чиб (Романэс) 2019

¹ Ша́тра (ски́ния) кэр дэшэ цэргэндыр (покрывалэндыр) крэнцэнонэ висоно́стыр, и голубовонатыр, пурпуровонатыр и чэрвлёнонэ вылна́тыр, и кэр херувимы пэ лэ́ндэ высудэ бутяса;

Biblija - Pe Baltitko Romani čib (Romanes) 2019

¹ Šátra (skínija) ker deše cergendyr (pokryvalendyr) krencenone visonóstyr, i golubovonatyr, purpurovonatyr i červljonone vylnátyr, i ker xieruvimy pe lénde vysude butiasa;

Vygiiben 26:1 Iomraidhean Croise

2 Kralip 7:2

тэды пхэндя́ кра́ли пророкоскэ Нафаноскэ: “Ѓа́да, мэ джива́ва дро кедрытко кхэр, а Ра́скирэ-Дэвлэ́скиро ковчэго исын тэл ша́тра.”

3 Kralip 6:29

И пэ сарэ́ ва́нты Кхангирья́кирэ трусця́л кэрдя́ ёв кажна вычхиндлэ́ муя́ херувимэнгирэ, и пальмитка вэша́, и розмэкнэ лулудя́ (цвэты), андрэ́ и яврестыр.

1 Паралипоменоно 17:1

Ке́ли Дави́до дживдя́ дро пэ́скиро кхэр, то тэды пхэндя́ Дави́до Нафаноскэ пророкоскэ: Ѓа́да, мэ джива́ва дро кедрытко кхэр, а Дэвлэ́скирэ-завето́скиро ковчэго исын тэл ша́тра.”

1 Паралипоменоно 21:29

Ра́скирэ-Дэвлэ́скири ски́ния, сави́ кэрдя́ Мо́йза пэ чхучи́ пхув (пустыня), и алта́рё цэлонэ́-схачкирибнаскиро сыс дрэ дова́ часо пэ вучипэ́н дро Гавао́но.

Vygiiben 25:18

и кэр сувнака́стыр дуе́н херувимэн: чеканонэ бутя́тыр кэр лэн пэ дуй заучхакирибнытка яго́ры (концы);

Vygiiben 25:4

и ґолубово вы́лна (шэрсь), пурпурно и чэрвлено, и висоно, и бузненгири вы́лна,

Vygiiben 25:8

И кэрэ́на ёнэ Ма́нгэ свэ́нто штэ́то, и Мэ ява́ва тэ джива́в машки́р лэ́ндэ;

Vygiiben 26:2

длэнгипэ́н кажнонэ́-цэргакирэ тэ явэ́л биш тэ охто́ (бидуе́нгиро дэш) куня́ (локти), а буглыпэн кажнонэ́-цэргкиро ядякэ-паць тэ явэ́л штар куня́: тэ явэ́л екх барипэ́н сарэ́ цэргэнгэ.

Vygiiben 26:31

И кэр полого (завеса) голубовонэ́, пурпуронэ и чэрвлёнонэ вылна́тыр и крэнцонэ висоно́стыр; узорэнца спецоскирэ бутя́тыр трэй тэ явэ́н кэрдэ́ пэ ла́тэ херувимы;

Vygiiben 26:36

И кэр шы́рма тэ учхакирэс загиибэ́н дрэ ша́тра голубовонэ́ и пурпуронэ и чэрвлёнонэ вылна́тыр и крэнцононэ висоно́стыр высудэ бутя́тыр пир узоро;

Vygiiben 31:7

ша́тра скэдыибна́скири и ковчэго досыкаибна́са (откровенияса) и дэнко (крышка) пэ лэ́стэ, и саро́, со трэй ваш ша́тра,

Vygiiben 35:11

ша́тра и ла́киро учхакирибэн и ла́киро упратуно учхакирибэн, ла́кирэ нанглорэ и бруски, ла́кирэ баландиня́ (шосты), ла́кирэ сты́лбы и ла́кирэ прэдкицы тэл ґэра́,

Vygiiben 35:35

Ёв, Рай Дэвэ́л, пхэрдякирдя́ лэ́нгиро ило́ годя́са, соб (кай) тэ кэрэ́л кажно буты́, сави́ кэрэ́ла вычхиныбнари (резчыко) и сави́ кэрэ́ла одаримо кхувибнари (ткачо) и высуибнари (вышывальшчыко) пир голубово, пурпурно, чэрвлёно и висонытко паркалё (тхан), и кхувибнари, саво́ кэрэ́ла кажно буты́ и чхувэ́ла санэ-бутякирэ паркали (тхана).

Vygiiben 35:6

вы́лна голубовонэ́, пурпуронэ и чэрвлёнонэ цвятоса (мастиняса), и висоно, и бузнякири (козакири) вы́лна,

Vygiiben 36:35

И кэрдя́ шы́рма голубовонэ́, пурпуронэ и чэрвлёнонэ вылна́тыр и крэнцонэ висоно́стыр, и высудэ санэ бутяса кэрдя́ ёв пэ ла́тэ херувимы;

Vygiiben 39:3

и розмардэ ёнэ сувнака́й пэ листы и росчхиндлэ пэ тхава, соб (кай) лэн тэ чхувэ́с машкира́л голубова, пурпурна, чэрвлёна и висонытка тхава, вучэ́-класоскирэ бутя́тыр.

Vygiiben 40:2

“Дрэ англатуно́ (пэ́рво) чхон, пэ англатуно́ дывэ́с чхонэ́скиро, чхув упрэ́ скэдыибна́скири ша́тра,

Čysly 3:25

Гирсоноскирэ чхавэ́нгэ допатялапэ скэдыибна́скири ша́тра тэ ракхэ́н, и ла́киро учхакирибэн (полого), и скэдыибна́скири шы́рма пэ загибэн, дрэ ша́тра,

Čysly 4:25

ёнэ исын бангэ́ тэ лыджа́н шатракиро учхакирибэн и скэдыибна́скири ша́тра, и учхакирибэн ла́киро, и учхакирибэн синэ-цыпитко, саво́ упралэстыр, и скэдыибнаскирэ-шатракири шы́рма пашы́л загиибэ́н,

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Joannostir 2:21

Ису́со ж ракирдя́ на пал баруны Кхангири́, а Лэ́стэ пэ годы́ сыс Лэ́скирэ маса́, Савэ исын Кхангири́.

Юдэ́нгэ 8:2

Ёв исын Раша́й пэ Свэ́нто Штэ́то, сави́ исын чачуны́ ша́тра тэ мангэ́нпэ Дэвлэ́скэ, сави́ счхудя кхэтанэ́ Дэвэ́л, а на мануша́.

Юдэ́нгэ 9:2

Сыс чхуды́ Свэ́нто Ша́тра: дрэ пэ́рво паш сыс момолы́тко (свети́льнико) и сками́нд свэнцононэ́ марэ́са, дава́ штэ́то кхардяпэ Свэ́нто Штэ́то.

Юдэ́нгэ 9:9

кадая́ пэ́рво Свэ́нто Ша́тра исын сы́рбы приме́ро (сыкаибэ́н), со кэрэ́лапэ дро амаро́ часо, дро саво́ янэ́на да́ры, и свэ́нта дыибэна́, савэ́ на могинэ́на тэ кэрэ́н бидошакирэса кодолэ́с, кон мангэлапэ Дэвлэ́скэ, сыр трэй пир Зако́но,

Sykadyipén 19:8

Ла́кэ сыс дыно́ ярко, жужо́ висонытко тхан тэ урьел: “пал-дова́ со висонытко тхан сыкавэ́ла свэнтонэ́-Дэвлэ́скирэ манушэ́нгиро чачипэ́н.”

Sykadyipén 21:3

И мэ шундём зоралы́ зан троностыр, со пхэндя́: “Акэ, исын Дэвлэ́скири ша́тра кхэтанэ́ манушэ́нца! Ёв явэ́ла тэ дживэ́л лэ́нца, и ёнэ явэ́на Лэ́скирэ мануша́. Кокоро́ Дэвэ́л явэ́ла лэ́нца и Ёв явэ́ла лэ́нгиро Дэвэ́л.