Софония 2:7 - Библия - Пэ Балтитко Романи чиб (Романэс) 2019

⁷ Брэ́го явэ́ла штэ́то манушэ́нгэ, кон ячэ́лапэ Юда́скирэ кхэрэ́стыр; ёнэ явэ́на тэ чаравэн лэ́нгирэ-бакрэ́нгирэ ґурты одо́й, бэльвэленца ёнэ явэ́на тэ пасён дрэ кхэра́ Аскалоноскирэ: пал-дова́ со о Рай Дэвэ́л, лэ́нгиро Дэвэ́л, затэрдёла пал лэ́ндэ, и рискирэ́ла палэ лэ́нгирэ манушэ́н плено́стыр”.

Biblija - Pe Baltitko Romani čib (Romanes) 2019

⁷ Brégo javéla štéto manušénge, kon jačélape Judáskire kheréstyr; jone javéna te čaraven léngire-bakréngire ĥurty odój, bel'velienca jone javéna te pasjon dre kherá Askalonoskire: pal-dová so o Raj Devél, léngiro Devél, zaterdjola pal lénde, i riskiréla pale léngire manušén plienóstyr”.

Софония 2:7 Iomraidhean Croise

Džiibén 50:24

И пхэндя́ Ёза пэ́скирэ пшалэ́нгэ: “Мэ мэра́ва, нэ Дэвэ́л явэ́ла тэ помогинэл, и вылыджала тумэн далэ́ пхувья́тыр пэ пхув, пал сави́ Ёв совлахадя́ Авраамо́скэ, Исаако́скэ и Яково́скэ.”

Psalmy 80:14

Вэшытко баличо подґанавэла ко́рни (рукха́) и фэлдытко мурда́л (зверё) обхала лэс.

Psalmy 85:1

Хоро́скирэ Дирижоро́скэ. Пса́лмо Кареёскирэ-Чхавэ́нгиро.

Vygiiben 4:31

и патяндынэ́ мануша́; и шундлэ́, со Рай Дэвэ́л сыс кэ Израилёскирэ чхавэ́ и дыкхця́ лэ́нгирэ мэ́ньки и тэрдинэ́ ёнэ пэ чанга́ и поклониндлэпэ.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Isajos 11:14

Приурняна пэ Филистимлянэнгирэ псикэ́ кэ западо (кэ пал-панитко риг); обчорэна сарэ́н чхавэ́н вастоко́стыр, протырдэна пэ́скиро васт кэ Едомо кэ Моа́во; Амоноскирэ чхаворэ́ явэ́на лэ́нгирэ бутярнэнца.

Isajos 11:16

Тэ́ньци ваш ячаибэ́н Лэ́скирэ народо́стыр явэ́ла баро́ дром, сыр дава́ сыс ваш Израилё, ко́ли ёв выджа́лас Египто́скирэ пхувья́тыр.

Isajos 14:1

Пашылэды́р исын лэ́скиро часо, на явэ́на тэ тырдэнпэ лэ́скирэ дывэса́, пал-дова́ со потангинэла Рай Дэвэ́л Яково́с, ишчо (инкэ́) явэ́ла пир ило́ Лэ́скэ Израилё, и Ёв дэ́ла, соб (кай) тэ дживэ́н ёнэ пэ Лэ́скири пхув, явэ́на кэ ёнэ явирэ-рига́тыр мануша́, припхандэнапэ кэ кхэр Яково́скиро.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Ереме́ё 23:3

“Нэ Мэ скэда́ва отячибэн (одолэ́н, кон яця́пэ) Мирэ́ ґуртостыр сарэ́ тхэмэндыр, кэ савэ́ Мэ протрадыём лэн, и Мэ яна́ва лэн палэ пэ лэ́нгирэ чаритка пхувья́, и лэ́ндэ явэ́на бут чхаворэ́, и лэн явэ́ла бут.

Ереме́ё 29:10

‘Акэ, со ракирэ́ла Рай Дэвэ́л: ‘Ке́ли кончынэнапэ [проджа́на-р.с.] тумарэ́ эфтадэша́ бэрш дро Вавило́но, тэды Мэ ява́ва кэ тумэ́, и Мэ сполнинава Миро лачхо́ лав ваш тумэ́нгэ, соб (кай) тэ янав палэ тумэн пэ дава́ штэ́то.

Ереме́ё 29:14

и Тумэ́ латхэ́на Ман’, – ракирэ́ла Рай Дэвэ́л, – и Мэ яна́ва палэ тумэн тумарэ́ плено́стыр: и Мэ скэда́ва тумэн сарэ́ Наюдытконэ́ нацые́ндыр и сарэ́ штэтэ́ндыр, кэ савэ́ Мэ традыём тумэн’, – ракирэ́ла Рай Дэвэ́л, – ‘и Мэ яна́ва тумэн палэ пэ штэ́то’, савэ́стыр Мэ тумэн лыджиём дро пле́но.

Ереме́ё 3:18

Дрэ долэ́ дывэса́ мануша́ Юдэя́кирэ кхэрэ́стыр явэ́на кэ Израилёскиро кхэр, и ёнэ явэ́на кхэтанэ́ тэ джа́н пхувья́тыр, со исын пэ паш-рати́тко (шылалы) риг кэ пхув, со Мэ дыём тумарэ́ дадэ́нгэ сыр мэкно́ миштыпэ́н.

Ереме́ё 30:3

Акэ явэ́на дывэса́’, – ракирэ́ла Рай Дэвэ́л, – ‘Ке́ли Мэ яна́ва палэ плено́стыр Мирэ́ манушэ́н Израилёстыр и Юдэя́тыр’, – ракирэ́ла Рай Дэвэ́л. ‘И Мэ кэра́ва адя́кэ, соб (кай) ёнэ тэ рисён пэ пхув, сави́ Мэ дыём лэ́нгирэ дадэ́нгэ, соб (кай) ёнэ тэ явэ́н хулая́ пэ ла́тэ.’”

Ереме́ё 31:7

Акэ, со, Рай Дэвэ́л ракирэ́ла: – “Бага́н зоралэ́с, радыма́са Яково́скэ и дэн го́дла англатунэ́ (пэрвонэ́) шэралэскэ пир на́цыи. Пхэнэ́н зоралэ́с сарэ́нгэ, шарэ́н и ракирэ́н: “О Раё Дэ́вла! Зра́кх Тырэ́ манушэ́н, савэ́ ячнэ́пэ, Израилёстыр!”

Ереме́ё 32:44

Э мануша́ явэ́на тэ кинэн фэ́лды пал ловэ́ (руп), и тэ подчхинэн лыла́ (брифы), и тэ чхувэ́н чэргэн пэ лэ́ндэ, и тэ лэн якхитконэн пэ пхув Веньяминоскири, и пэ штэ́ты, и со исын пашы́л Ерусалимо, и дрэ фо́рья Юдэя́кирэ, и дрэ фо́рья пэ бэ́рги, и дрэ фо́рья пэ тэлатунэ́ штэ́ты, и дрэ фо́рья паш-дывэсытка (южна), пал-дова́ со Мэ рискира́ва лэн плено́стыр”, – ракирэ́ла Рай Дэвэ́л.

Ереме́ё 33:12

Акэ, со ракирэ́ла Рай Дэвэ́л, болыбна́скирэ-янголэ́нгиро: “Пэ дава́ штэ́то, саво́ исын чхучо́, и пэ саво́ нанэ ни мануша́, ни кхэри́тка мурдала́, – дрэ сарэ́ далэ́ – штэтоскирэ фо́рья, явэ́ла нэвэ́стыр (нэвэ́с) джиибнытко штэ́то чхупнарьенгэ (пастыре́нгэ), пир савэ́ ёнэ явэ́на тэ ракхэ́н пэ́скирэ ґурты.

Ереме́ё 33:7

И Мэ кэра́ва адя́кэ, со рисёна палэ эмануша дро пле́но Юдэя́тыр и Израилёстыр, и Мэ пирикэрава долэ́ штэ́ты, сыр ёнэ сыс ґарэдыр (ґара́).

Ереме́ё 47:5

Газа ячэ́ла бибалэнгири, Аскалоно [Ашкелоно-ю.о.] хасёла, – дова́, со ячэ́лапэ лэ́нгирэ долостыр? Сыр ґара́ ту явэ́са тэ чхинэс пэс дрэ ту́га?

Езэкилё 39:25

Палдава́ адя́кэ ракирэ́ла Рай-Дэвэ́л, Дэвэ́л: ‘Акана́ рискира́ва Мэ Яково́с плено́стыр, и потангинава (пожалинава) саро́ Израилёскиро кхэр, Мэ ява́ва тэ зэвлынав пир Миро свэ́нто лав.

Osija 6:11

Адя́кэ-паць, ваш ту́кэ, Юдэ, сыкадо дывэ́с ваш гивэнгиро счхиныбэн, ке́ли Мэ рискира́ва Мирэ́ – манушэ́нгирэ пленонэн.

Авдиёс 1:19

И мануша́ паш-дывэсытконэ́ (южнонэ) рига́тыр лэ́на пэ́скэ бэ́рги Исаво́скирэ, и мануша́ пэ до́ло лэ́на пэ́скэ Филистимия, и фэ́лды Ефраимоскирэ и Самариякирэ. Э мануша́ Веньяминоскирэ лэ́на пэ́скэ Галаа́до.

Mihiejo 2:12

Нэ Мэ, чачэс, кэдава кхэтанэ́ сарэ́н тумэн, о Яково, Мэ чачипна́са скэда́ва ячкирдэ́ манушэ́н Израилёскирэн; Мэ чхува́ва кхэтанэ́ (кхэтанякирава) лэн сыр бакрэ́н дрэ Восора (Боцра) сы́рбы стада машки́р лэ́нгирэ чарьитка фэ́лды: ёнэ явэ́на зоралэ́с тэ дэн го́дла, пал-дова́ со лэн ада́кицы бут мануша́ исын.”

Mihiejo 4:10

Ячпэ дрэ дукха́, и крэнцынпэ пхарипнастыр, сы́рбы джувлы́, сави́ сыг биянэ́ла, чхай Сионо́скири, пал-дова́ со акана́ ту́кэ трэй тэ джас криг форо́стыр, и ту ячэсапэ тэ дживэ́с пэ фэ́лда, и ту доджаса кэ Вавило́но. Одо́й зракхэна тут, одо́й Рай Дэвэ́л выракхэла тут вастэ́стыр тырэ́-вэргэнгирэндыр.

Mihiejo 4:7

И Мэ кэра́ва лангалэндыр Миро отячибэн, и Мэ кэра́ва одолэ́ндыр, савэ́н традынэ дур, зоралы́ нацыя.’ И явэ́ла Рай Дэвэ́л тэ раинэл пэ бэ́рга Сио́но, ададывэсатунэ дывэсэ́стыр и пэ сарэ́ ве́ки.”

Софония 2:9

Палдава́ “Тэ джива́в Мэ”, – ракирэ́ла янголэ́нгирэ-болыбна́скиро, Рай Дэвэ́л, Дэвэ́л Израилёскиро, – “Моавостыр ячэ́лапэ дова́, со сыс Содомаса, мануша́ Амоностыр явэ́на сыр Гомо́ра, – сыр пхув, сави́ забария цукнуда́са (стрекаваса) и ґанбине́нца (ямэнца) ваш лонд, и сави́ явэ́ла ўса́ды (сак) чхучи́: Мирэ́ мануша́, кон яця́пэ джидо́, росчорэна ла, и Мирэ́ мануша́, савэ́ ячнэ́пэ пэ штэ́то, лэн дая́ пхув сыр пэ́скиро мэкно́ миштыпэ́н.

Софония 3:13

Мануша́, кон яця́пэ Израилёстыр, на явэ́на тэ кэрэ́н начачипэ́н и тэ ракирэ́н хохаибэ́н, и на латхэлапэ хоханы чиб дро лэ́нгиро муй. Ёнэ явэ́на тэ чаравэнпэ и тэ пасён, и ние́кх на явэ́ла тэ трашавэл лэн.

Софония 3:20

Дро дава́ часо Мэ яна́ва тумэн палэ, и адя́кэ-паць Мэ скэда́ва тумэн. Мэ да́ва паты́в тумэ́нгэ и ґазда́ва тумэн машки́р сарэ́ манушэ́ндэ пэ пхув, ке́ли Мэ яна́ва палэ тумарэ́ пленонэн анги́л тумарэ́ якха́”, – пхэндя́ Рай Дэвэ́л.

Agiejo 1:12

Тэ́ньци о Зоровавелё, чхаво́ Салафиилёскиро (Шалтилоскиро), и Ешуа, чхаво́ Иосэдэкоскиро (Ехозадакоскиро), пэ́рво раша́й, и сарэ́ мануша́, кон яця́пэ, кандынэ́ Ра́скирэ-Дэвлэ́скири зан, лэ́нгирэ Дэвлэ́скири, и пророкоскирэ Агеёскирэ лава́, пир дова́, со о Рай Дэвэ́л, лэ́нгиро Дэвэ́л бичхадя́ лэс, и мануша́ трашандынэ анги́л Растэ-Дэвлэ́стэ.

Agiejo 2:2

“Пхэн акана́ Зоровавелёскэ, чхавэ́скэ Салафиилёскирэскэ, кон сыс шэрало́ рай пэ Юдэ́я и Ешуаскэ, чхавэ́скэ Ехозадакоскирэскэ, кон исын пэ́рво раша́й, и манушэ́нгэ, кон яця́пэ, ракири́:

Luka 1:68

“Бахтало́ исын Рай Дэвэ́л, Израилёскиро Дэвэ́л, Саво́ явдя́ тэ дыкхэ́л Пэ́скирэ манушэ́н и тэ выракхэл лэн,

Luka 7:16

Пэ лэ́ндэ сарэ́ндэ бари дар пыя́ и ёнэ славиндлэ Дэвлэ́с, ракири́: “Баро́ проро́ко явдя́ тэ явэ́л амэ́нца, Дэвэ́л помогинэла Пэ́скирэ манушэ́нгэ.”

Apostolengiri Butý 8:26

Дэвлэ́скиро Янго́ло пхэндя́ Филипоскэ: “Ушты́ и джа́ пэ паш-дывэсы́тко (южно) риг пир дром, саво́ Ерусалимо́стыр джа́ла дрэ Газа, дава́ дром исын чхучо́.”

Apostolengiri Butý 8:40

Филипо сыс кэ Азото и гии пир сарэ́ фо́рья, ёв роспхэнэлас бахталы́ зан, анги́л дова́, сыр ёв явдя́ дрэ Кесария.

Римлянэнгэ 11:5

Адя́кэ-паць и дро амаро́ часо пир Дэвлэ́скиро выкэдыибэн пир бахталыпэ́н исын выкэдыны паш.

Ruta 1:6

И уштыя́ ёй пэ́скирэ борьенца, и гия́ палэ Моавито́скирэ фэлдэндыр, пал-дова́ со ёй шундя́ пэ Моавито́скирэ фэ́лды со Дэвэ́л порисия кэ Пэ́скирэ мануша́ и дыя́ лэ́нгэ маро́.