Софония 2:1 - Библия - Пэ Балтитко Романи чиб (Романэс) 2019

¹ Скэдэ́нпэ тумэ́ тэ обдуминэн, скэдэ́н тумэ́ кхэтанэ́, о биладжакуно манушы́тко ро́до;

Biblija - Pe Baltitko Romani čib (Romanes) 2019

¹ Skedénpe tumé te obduminen, skedén tumé khetané, o biladžakuno manušýtko ródo;

Софония 2:1 Iomraidhean Croise

2 Паралипоменоно 20:4

И скэдынэ́пэ Юдэи (Юдэя́кирэ) тэ мангэ́н васт (помошч) Ра́стыр-Дэвлэ́стыр; и сарэ́ Юдэ́нгирэ форье́ндыр явнэ́ ёнэ тэ мангэ́н Рас-Дэвлэ́с.

Ниеми́я 8:1

Ке́ли яця́ эфта́то чхон, и дживдэ́ Израилёскирэ чхавэ́ пир пэ́скирэ фо́рья, тэды скэдынэ́пэ сарэ́ мануша́, со кэ екх ману́ш, пэ форуны́ (плошча), саво́ сыс анги́л Панитко по́рта, и пхэндлэ́ лылваритконэскэ (книжникоскэ) Ездраскэ, соб (кай) ёв тэ янэл Мойза́скирэ-Законоскири лылвари́, сави́ припхэндя́ Рай Дэвэ́л Израилёскэ.

Ниеми́я 9:1

Пэ биш тэ шта́рто дывэ́с дро дава́ чхон скэдынэ́пэ сарэ́ чхавэ́ Израилёскирэ, савэ́ постынэна дрэ балы́тка гонэ́ (пеплоса) пэ шэро́.

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Ioil 1:14

Подэн звесь (зан) пал свэ́нто посто, кхарэ́н тэ явэ́н пэ свэ́нто скэдыибэ́н, кэдэн пхурыдырэн (годэпхурэн) и сарэ́ манушэ́н далэ́ пхувья́тыр дрэ Кхангири́ Ра́скирэ-Дэвлэ́скири, тумарэ́ Дэвлэ́скири и прикхарэн зоралэ́с Рас-Дэвлэ́с.

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Заха́рия 11:8

И Мэ хасякирдём тринэн чхупнарьен дро екх чхон; и одрисия ди Миро лэ́ндыр, сыр лэ́нгиро ди одрисия Ма́ндыр.

Матфеё 18:20

Пал-дова́ со, кай дуй ци трин явнэ́ кхэтанэ́ ваш Миро лав, одо́й Мэ сом машки́р лэ́ндэ.”