Софония 1:3 - Библия - Пэ Балтитко Романи чиб (Романэс) 2019

³ “Мэ хасякира́ва манушэ́н и мурдалэ́н (жывотнонэн), Мэ хасякира́ва болыбнытконэ чириклэн, мачхэн дро мо́рё (дэрья́в), Мэ хасякира́ва бара́, савэ́нгэ фуй мануша́ мангэ́напэ”. Мэ хасякира́ва манушэ́н, со ние́кх на ячэ́лапэ пэ пхув”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

³ “Me xasiakiráva manušén i murdalén (žyvotnonen), Me xasiakiráva bolybnytkone čiriklen, mačhen dro mórjo (derjáv), Me xasiakiráva bará, savénge fuj manušá mangénape”. Me xasiakiráva manušén, so nijékh na jačélape pe phuv”, – rakiréla Raj Devél.

Софония 1:3 Iomraidhean Croise

Džiibén 6:7

И пхэндя́ Рай Дэвэ́л: “Мэ хасякира́ва манушэ́н пхувья́кирэ мо́стыр, савэ́н Мэ создыём, манушэ́стыр кэ кхэри́тко мурда́л (ското), и цапнен и болыбна́скирэ чириклен пэ болыбэ́н, пал-дова́ со Мэ тангинава, со лэн создыём.”

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Isajos 6:12

Отбичхавэла Рай Дэвэ́л манушэ́н, никонэ́с на ячкирэ́ла пэ дая́ пхув.

Ереме́ё 12:4

Сыр ґара́ (длу́гэс) пхув явэ́ла тэ тугинэл, и чхарья пэ фэ́лда тэ шутён? Мурдала́ и чирикля́ хасинэ́ пал адалэ́ злыдня (фуе́) манушэ́ндэ, савэ́ дживэ́на одо́й, пал-дова́ со ёнэ ракирэ́на: “Дэвэ́л на дыкхэ́ла амаро́ ко́нцо (яго́ро).”

Ереме́ё 50:3

Ваш одова́ со паш-ратитконэ́ (севернонэ) рига́тыр джа́ла пашылэды́р Мидянэнгири нацыя проти Вавило́но, ёнэ кэрэ́на лэ́нгирэ пхувья́тыр чхучо́ (пусто) штэ́то, и ние́кх (нико́н) на явэ́ла тэ дживэ́л одо́й: и мануша́ и мурдала́ (жывотна) нашэ́на и джа́на криг.

Ереме́ё 7:20

Палдава́ адя́кэ ракирэ́ла Рай Дэвэ́л, Дэвэ́л: “Акэ, Мири́ холы́ и Миро холякирибэ́н вычхувэнапэ пэ дава́ штэ́то – пэ манушэ́стэ, и пэ кхэритконэ́ мурдалэ́ндэ (ското); пэ фэлды́тка кашта́, и пэ пхаба́, со барьёна пэ пхув. Мири́ холы́ явэ́ла тэ хачол сы́рбы яг, и на мурдёла.

Ереме́ё 9:10

Мэ, Ереме́ё, ґазда́ва роибэ́н пал бэ́рги, и мэ обровавапэ пал чараибнытка фэ́лды пэ чхучэ́ маля (степи), и мэ ява́ва тэ ракира́в ясвэ́нца пал-дова́, со чхучэ́ маля хачинэ адя́кэ, со нико́н на дэ́ла ра́да тэ джал пирда́л лэ́ндэ. Зан кхэритконэ́-жывёлэнгири (мурдалэнгири) исын на шундлы. Сыр болыбны́тка чирикля́, адя́кэ-паць и кхэри́тка мурдала́ (ското) хасинэ́, ёнэ гинэ́ криг.

Езэкилё 44:12

Пал-дова́, со ёнэ дынаринэ́нас (служынэ́нас) лэ́нгэ анги́л лэ́нгирэ и́долы, ёнэ притырднэнас Израилёскиро кхэр тэ кэрэ́н чорипэ́н, Мэ ґаздыём пэ лэ́ндэ Миро васт, – ракирэ́ла Рай Дэвэ́л, Дэвэ́л – со пхучэлапэ лэ́ндыр пал лэ́нгиро чорипэ́н.

Езэкилё 7:19

Пэ́скиро руп вычхурдэна ёнэ пэ вули́ца (га́са), сувнака́й на явэ́ла лэ́нгэ трэй. Лэ́нгирэ руп и сувнака́й на зракхэна лэн дро дывэ́с, ко́ли явэ́ла Ра́скирэ-Дэвлэ́скиро холямипэн. Ёнэ на чаравэна лэ́нца лэ́скиро ди, и на пхэрдякирэна лэ́нца пэ́скиро пэр, пал-дова́ со руп и сувнака́й долыджинэ лэн кэ чорипэ́н.

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Osija 4:3

Палдава́ пхув явэ́ла тэ тугинэл зоралэ́с, и кажно (сва́ко) ману́ш, кон дживэ́ла пэ ла́тэ, явэ́ла тэ хасёл (тэ пропэрэл) кхэтанэ́ фэлдытконэ мурдалэ́нца (зверенца), болыбнытконэ чирикленца, адя́кэ-паць и мачхэ́ морёскирэ (дэрьявэ́скирэ) хасёна.”

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Матфеё 13:41

бичхавэ́ла Чхаво́ Манушэ́скиро Пэ́скирэ Янголэн, и скэдэ́на Лэ́скирэ Кралипнастыр саро́, со злыджала манушэ́н кэ грэ́хо, и сарэ́н, кон кэрэ́ла на пир Зако́но;

Матфеё 23:39

Палдава́ Мэ ракира́ва тумэ́нгэ: тумэ́ на явэ́на тэ дыкхэ́н Ман кадалэ́ дывэсэ́стыр анги́л дова́, сыр тумэ́ пхэнэ́на: ‘Бахтякирдо́ исын Одова́, Саво́ джа́ла ваш Дэвлэ́скиро лав.’”

Sykadyipén 2:14

Нэ ма́ндэ исын вари-со проти ту́тэ; ту́тэ исын кадасавэ́ мануша́, савэ́ рикирэнапэ пал Валаамоскиро сыклякирибэ́н, саво́ сыклякирдя́ Валакос тэ чхурдэл бар пэ дром тэ обштавэлпэ анги́л Израилёскирэ чхавэ́ндэ, соб (кай) ёнэ тэ хан свэ́нто дыибэ́н идолэ́нгэ и тэ дживэ́н джувле́нца би сэвлакиро.