Pritčy 7:1 - Библия - Пэ Балтитко Романи чиб (Романэс) 2019

¹ Ми́ро чха́ва! Ри́пир мирэ́ лава́, и ракх лэн дрэ годы́ сыр барвалыпэ́н мирэ́ припхэныбэна́.

Biblija - Pe Baltitko Romani čib (Romanes) 2019

¹ Míro čháva! Rípir miré lavá, i rakh len dre godý syr barvalypén miré priphenybená.

Pritčy 7:1 Iomraidhean Croise

Ióvo 22:22

Прилэ́ годя́са, мэ манга́ва, дова́, сыр Ёв сыклякирэ́ла чачипнаскэ тут Лэ́скирэ уштэндыр и чхув Лэ́скирэ лава́ дро тыро́ ило́.

Pritčy 1:8

Шун, ми́ро чхаво́, со тыро́ дад упхэнэла и на прилэ́ би патывакиро (на стэлякир) дова́, пал со дай сыклякирэ́ла;

Pritčy 10:14

Годэ́ мануша́ скэдэ́на (зракхэна) джиныбэ́н, нэ дылыно́ ракирэ́ла кэ хасибэ́н.

Pritčy 3:1

Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́,

Pritčy 4:21

Мэк ёнэ тэ на джа́н криг тырэ́ якхэ́ндыр, ракх лэн машкира́л тыро́ ило́.

Pritčy 5:5

Ла́кирэ пирэ́ (сто́пы) лыджа́на кэ мэрибэ́н, ёй штавэла анги́л кэ лю́но (адо).

Pritčy 6:20

Миро чхаво́! Рикирпэ зоралэ́с кэ тырэ́-дадэ́скиро припхэныбэ́н, на мэк дова́, ваш со дай сыклякирэ́ла тут:

Pritčy 6:35

Ёв на прилэ́ла ни саво́ выкиныбэ́н, ёв на явэ́ла штыл, мэк ту и дэ́са лэ́скэ бут да́ры.

Luka 11:28

А Ису́со отпхэндя́: “Чачо́, бахталэ́ исын кодолэ́, савэ́ шунэ́на Дэвлэ́скиро лав и кандэ́на лэс.”

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Joannostir 14:23

Ису́со отпхэндя́ лэ́скэ: “Ко́ли вари-конэ́скэ сом дро́го Мэ, одова́ ману́ш зракхэ́ла Миро лав; и тэды Мирэ́ Дадэ́скэ явэ́ла дро́го ёв, и амэ ява́са кэ ёв и амэ ява́са тэ джива́с кэ ёв.

Joannostir 15:20

Рипирэн лав, саво́ Мэ пхэндём тумэ́нгэ: дына́ри исын на барэды́р пэ́скирэ хуластыр. Ко́ли ёнэ Ман традынэ, и тумэн явэ́на тэ традэ́н; ко́ли ёнэ Миро лав кандэнас, ёнэ явэ́на тэ кандэ́н и тумаро́ лав.

Яви́р Зако́но 11:28

а прокошыбэ́н, ко́ли тумэ́ на явэ́на тэ шунэ́н припхэныбэна́ Ра́скирэ-Дэвлэ́скирэ, тумарэ́ Дэвлэ́скирэ и джа́на дрэ риг дромэ́стыр, пал саво́ ракира́ва тумэ́нгэ ададывэ́с, и джа́на пала́л пал явирэ дэвлорэндэ, савэ́н тумэ́ на джинэ́на.

Sykadyipén 1:3

Бахтало́ исын одова́, кон гинэ́ла и шунэ́ла лава́ кадалэ́ ангилпхэныбна́стыр и рикирэ́лапэ долэ́скэ, со исын чхиндло́ дро дая́ лылвари́, пал-дова́ со часо явэ́ла сыг, ке́ли сарэ́ далэ́ чачипэна́ кэрэ́напэ.

Sykadyipén 22:9

Нэ ёв пхэндя́ ма́нгэ: “Дыкх! На кэр дава́! Мэ сом дасаво-паць писха́ри, сыр ту сан. Мэ адя́кэ-паць сом писха́ри, сыр и тырэ́ пша́ла, проро́ки, савэ́ ракхэна лава́ далэ́ лылварьякирэ свиткостыр: “Кэр шэрэ́са (клонинпэ) патыва́са Дэвлэ́скэ!”