Pritčy 4:3 - Библия - Пэ Балтитко Романи чиб (Романэс) 2019

³ Ке́ли мэ, Соломо́но, со́мас мирэ́ дадэ́скиро, (Давидо́скиро) чхаво́, дро́го и екхоро анги́л мирэ́ да́кирэ якха́,

Biblija - Pe Baltitko Romani čib (Romanes) 2019

³ Kiéli me, Solomóno, sómas miré dadéskiro, (Davidóskiro) čhavó, drógo i jekhoro angíl miré dákire jakhá,

Pritčy 4:3 Iomraidhean Croise

1 Паралипоменоно 22:5

И пхэндя́ Дави́до: “Соломо́но, чхаво́ миро, исын тэрно́ и набарэ́-зорьякиро, а Кхэр, саво́ трэй тэ кэрэ́с ваш Ра́скэ-Дэвлэ́скэ, мусинэл тэ явэ́л древа́н баро́ кэ райканыпэн, кэ сла́ва и шукарипэ́н анги́л сарэ́ пхувья́, и адя́кэ ява́ва мэ тэ кэра́в ваш лэ́скэ.” И кэрдя́ Дави́до бут кэ лэскиро мэрибэ́н.

1 Паралипоменоно 29:1

И ишчо (инкэ́) пхэндя́ кра́ли Дави́до сарэ́ скэдыибнаскэ: “Соломо́но, миро чхаво́, савэ́с екхэ́с выкэдыя́ Дэвэ́л, тэрно́ и набарэ́-зорьякиро, а буты́ дая́ исын бари; пал-дова́ со на ваш манушэ́скэ явэ́ла Кхэр дава́, а ваш Ра́скэ-Дэвлэ́скэ.

1 Паралипоменоно 3:5

Адалэ́ чхавэ́ лэ́стыр бия́ндынэ дро Ерусалимо: Шымо, Шоваво, Нафано и Соломо́но, штар Вирсавиятыр, Амиилоскирэ чхатыр;

Ереме́ё 10:23

Мэ джино́м, Раё Дэвлалэ, со ману́ш на дэ́ла ра́да тэ хулаинэ́л пэ́скирэ судьбаса (джиибнаса), и нанэ кадасаво́ ману́ш, саво́ псирэ́ла и саво́ рикирэ́ла зор пэ дова́, карик ґэра́ лыджа́на лэс.

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Римлянэнгэ 12:16

Дживэ́н сыр мала́ (дру́ги) машки́р пэ́стэ; на пхутён, а явэ́н кандунэ; на думинэн пал пэ́стэ, со тумэ́ сан древа́н годьварэ́: