Pritčy 3:2 - Библия - Пэ Балтитко Романи чиб (Романэс) 2019

² пал-дова́ со буты́р дывэса́ тэ дживэ́с, длэнго джиибэ́н и рама́нё (миро) явэ́на упралэстыр дынэ́ ту́кэ.

Biblija - Pe Baltitko Romani čib (Romanes) 2019

² pal-dová so butýr dyvesá te dživés, dlengo džiibén i ramánjo (miro) javéna upralestyr dyné túke.

Pritčy 3:2 Iomraidhean Croise

3 Kralip 3:14

И ко́ли ту явэ́са тэ псирэ́с дромэ́са Мирэса, ракхи упхэныбэна́ Мирэ́, и припхэныбэна́ Мирэ́, сыр псирдя́ дад тыро́ Дави́до, то Мэ кэра́ва длугэдыр и дывэса́ тырэ́.”

Ióvo 5:26

Ту додживэса кэ барэ́ бэрша́ сы́рбы парнэ́-гивэскирэ ґарбы (снопы) доджана кэ спялыма, со лэн чхувэ́на тэлэ́ дро пэ́скиро уляго (пора).

Psalmy 119:165

Пхэрдо́ рама́нё (миро) исын кодолэндэ, савэ́нгэ исын дро́го Тыро́ Зако́но и ёнэ на обштавэнапэ пир бар.

Psalmy 128:6

и соб (кай) ту тэ дыкхэ́с чхавэ́н пэ́скирэ чхавэнгирэн. Тэ явэ́л рама́нё (миро) пэ Израилё!

Psalmy 21:4

Пал-дова́ со Ту прилыян лэс бахтякирибнаса ваш лачхипэ́н; Ту уридян вя́нка (коро́на) чачунэ́ сувнака́стыр пэ лэ́скиро шэро́.

Psalmy 91:16

Мэ да́ва чалэ́с джиибэ́н лэ́скэ и сыкава́ва лэ́скэ, сыр Мэ зракха́ва лэс.”

Pritčy 10:27

Кон дарэ́ла Ра́стыр-Дэвлэ́стыр, кодова́ дживэ́ла ґарэдыр (длугэдыр), нэ фуй мануша́ мэрэ́на сыгэды́р.

Pritčy 16:31

Сыво шэро́ исын сы́рбы крали́скири стадык (коро́на) барипнаса, саво́ исын пэ дром кэ чачипэ́н.

Pritčy 4:10

Шун, миро чхаво́, прилэ́ мирэ́ лава́, и ту явэ́са тэ дживэ́с бут бэрш.

Pritčy 4:4

то миро дад адя́кэ-паць сыклякирдя́ ман и пхэндя́ ма́нгэ: “Мэк тыро́ ило́ тэ рипирэл мирэ́ лава́: ри́кирпэ кэ мирэ́ припхэныбэна́ и джив.

Pritčy 9:11

Мэ, годыпэ́н Ра́стыр-Дэвлэ́стыр, дава́ буты́р дывэса́ ту́кэ тэ дживэ́с, и дава́ бутэды́р бэрша́ кэ тыро́ джиибэ́н.

Isajos 32:17

И явэ́ла рама́нё (миро) кажнонэ́ чачипнаскирэ рэндостыр, а чачуно́ сэ́ндо янэ́ла штылыпэн, и на явэ́на тэ дарэ́н никонэстыр дрэ сарэ́ дывэса́ (ве́ки).

Римлянэнгэ 14:17

пал-дова́ со Дэвлэ́скиро Кралипэ́н-дава́ исын на хабэ́н и пибэ́н, а чачипэ́н, рама́нё и ра́дыма пир Свэ́нто Ду́хо (Фа́но).

Римлянэнгэ 15:13

Дэвэ́л, Саво́ дэ́ла наде́я, – мэк тэ пхэрдякирэл тумэн кажнонэ́ радыма́са и раманёса дро тумаро́ патяибэ́н, соб (кай) наде́я тэ барьёл Свэнтонэ́ Духо́скирэ зорья́са дрэ тумэ́ндэ.

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,

Яви́р Зако́но 11:21

соб (кай) ада́кицы бут тэ явэ́н тумарэ́ дывэса́ и тумарэ́-чхавэ́нгирэ дывэса́ пэ доя́ пхув, сави́ Рай Дэвэ́л совлахадя́ тэ дэл тумарэ́ дадэ́нгэ, ци бут дывэса́ болыбэ́н явэ́ла пэ пхув.

Яви́р Зако́но 5:32

“Дыкхэ́н, кэрэ́н адя́кэ, сыр ракирдя́ тумэ́нгэ Рай Дэвэ́л, тумаро́ Дэвэ́л; на джа́н ни пэ чачо́ (право), ни пэ зэ́рво (ле́во);

1 Ximaske 4:8

Пал-дова́ со, кон залэлапэ пэ́скирэ мускулэнца и масэнца, дава́ лэ́скэ зорьякирэла лэ́скирэ маса́-дава́ исын набаро́ лачхипэ́н, нэ кон дживэ́ла дара́са анги́л Дэвлэ́стэ, одова́ янэ́ла лачхипэ́н пир саро́ и дэ́ла наде́я дро дава́ свэ́то и дрэ дова́, со явэ́ла анги́л.