Pritčy 3:1 - Библия - Пэ Балтитко Романи чиб (Романэс) 2019

¹ Миро чхава! На бистыр, сыр мэ сыклякирава тут, мэк тыро́ ило́ тэ ракхэ́л (тэ рикирэлпэ) кэ мирэ́ припхэныбэна́,

Biblija - Pe Baltitko Romani čib (Romanes) 2019

¹ Miro čhava! Na bistyr, syr me sykliakirava tut, mek tyró iló te rakhél (te rikirelpe) ke miré priphenybená,

Pritčy 3:1 Iomraidhean Croise

Psalmy 119:11

Мэ гарадём Тыро́ лав дро пэ́скиро ило́, соб (кай) ма́нгэ тэ на кэра́в грэ́хи проти Ту́тэ.

Psalmy 119:153

Дыкх ракхунэс, сыр ма́нгэ исын пхаро́ и зра́кх ман, пал-дова́ со мэ на бистырдём Тыро́ Зако́но.

Psalmy 119:16

Мэ ява́ва тэ бахталёвав Тырэ́ статутэндыр, мэ на бистрава Тыро́ лав.

Psalmy 119:176

Мэ гиём дрэ риг сыр бакри, сави́ нашадыя: придыкхпэ пашылэды́р кэ Тыро́ писха́ри; пал-дова́ со мэ на бистрава Тырэ́ припхэныбэна́.

Psalmy 119:34

Кэр, соб (кай) мэ тэ ґалёвав лэн и мэ ява́ва тэ рикиравпэ зоралэ́с кэ Тыро́ Зако́но и мэ ява́ва тэ приракхав лэс сарэ́ мирэ́ илэ́са.

Psalmy 119:61

Фуй мануша́ сы́рбы шэлэнца обпхандлэ́ трусця́л ман, нэ мэ на бистырдём Тыро́ Зако́но.

Psalmy 119:93

Мэ ние́кхвар на бистрава Тырэ́ упхэныбэна́, пал-дова́ со Ту подрикирдян ман лэ́нца.

Psalmy 91:16

Мэ да́ва чалэ́с джиибэ́н лэ́скэ и сыкава́ва лэ́скэ, сыр Мэ зракха́ва лэс.”

Vygiiben 20:6

и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Pritčy 1:8

Шун, ми́ро чхаво́, со тыро́ дад упхэнэла и на прилэ́ би патывакиро (на стэлякир) дова́, пал со дай сыклякирэ́ла;

Pritčy 16:31

Сыво шэро́ исын сы́рбы крали́скири стадык (коро́на) барипнаса, саво́ исын пэ дром кэ чачипэ́н.

Pritčy 2:1

Ми́ро чхава! Ко́ли ту прилэса мирэ́ лава́, и гаравэса (зракхэ́са) миштэ́с мирэ́ припхэныбэна́ андрэ́ пэ́стэ;

Pritčy 23:26

Мро чха́ва! Отдэ́ ма́нгэ тыро́ ило́, и мэк тырэ́ якха́ тэ рикирэнпэ зоралэ́с (тэ придыкхэнпэ) кэ мирэ́ дрома́.

Pritčy 31:5

соб (кай) ёнэ тэ на матён, и соб (кай) ёнэ тэ на бистрэн пал зако́но, и соб (кай) ёнэ тэ на рискирэ́н чачипэ́н одолэ́ндыр, савэ́н притасавэ́на.

Pritčy 4:2

Дова́, со мэ сыклякирава тумэн, исын лачхипэ́н: на мэк миро зако́но (сыклякирибэ́н).

Pritčy 4:21

Мэк ёнэ тэ на джа́н криг тырэ́ якхэ́ндыр, ракх лэн машкира́л тыро́ ило́.

Pritčy 4:5

Сыклёв тэ явэс годэдыр, сыклёв хор и буглэс тэ ґалёс, на бистыр дава́, на рисёв криг мирэ́ лавэ́ндыр, со мэ ракира́ва.

Pritčy 8:1

Ци годыпэ́н на дэ́ла го́дла зоралэ́с? Ци ґалыибэ́н на ґаздэ́ла пэ́скири зан?

Pritčy 9:1

Годыпэ́н чхудя́ пэ́скиро кхэр, ёв вычингирдя пэ́скэ эфта́ (битринэ́нгиро дэш) сты́лбы;

Isajos 51:17

Ушты́, ушты́, ґаздэпэ, Ерусалимо, ту, саво́ выпиян Ра́скирэ-Дэвлэ́скирэ вастэ́стыр тахта́й (чаша) холя́са, ту выпиян тахта́й пибнаса, саво́ матякирэла, выпиян лэс сарэ́са.

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Яви́р Зако́но 4:23

Ракхэ́нпэ, соб (кай) тэ на бистрэн тумэ́нгэ дыно́ завето (лав) Ра́скирэ-Дэвлэ́скиро, саво́ Ёв чхудя́ тумэ́нца, и соб (кай) тэ на кэрэ́н пэ́скэ вари-саво́ муй дрэ вари-сави́ форма, сыр припхэндя́ ту́кэ Рай Дэвэ́л, Дэвэ́л тыро́;

Яви́р Зако́но 4:9

Фэ́ни (то́ка), ракхпэ, и гарав ракхунэс тыро́ ди, соб (кай) ту́кэ тэ на бистрэс долэ́ рэ́нды, савэ́ дыкхнэ́ тырэ́ якха́, соб (кай) ёнэ тэ на выджа́н тырэ́ илэ́стыр дрэ сарэ́ тырэ́ джиибна́скирэ дывэса́; и роспхэн пал лэ́ндэ тырэ́ чхавэ́нгэ и тырэ́-чхавэ́нгирэ чхавэ́нгэ,

Яви́р Зако́но 5:16

Кандэ тырэ́ дадэ́с и тырья да, сыр ракирдя́ ту́кэ Рай Дэвэ́л, Дэвэ́л тыро́, соб (кай) тэ явэ́н ґара́ (длуга) тырэ́ джиибна́скирэ дывэса́, и, соб (кай) шука́р ту́кэ тэ явэ́л пэ доя́ пхув, сави́ Рай Дэвэ́л, Дэвэ́л тыро́, дэ́ла ту́кэ.

Яви́р Зако́но 5:33

нэ тумэ́ джа́н пир дова́ дром, пир саво́ ракирдя́ тэ джа́н тумэ́нгэ Рай Дэвэ́л, тумаро́ Дэвэ́л, соб (кай) тумэ́ тэ явэ́н джидэ́, и шука́р тэ явэ́л тумэ́нгэ, и тэ дживэ́н тумэ́ бут дывэса́ пэ доя́ пхув, сави́ явэ́ла тумари́.”

Яви́р Зако́но 8:1

Сарэ́ припхэныбэна́, савэ́ мэ ракира́ва ададывэ́с тумэ́нгэ, причхувэ́н зор тэ кэрэ́н, соб (кай) тумэ́ тэ явэ́н джидэ́ тэ ячэн тумэн буты́р, и тэ джа́н и тэ закэдэн пхув, пал сави́ совлахаса дыя́ лав Рай Дэвэ́л тумарэ́ дадэ́нгэ.