Pritčy 10:3 - Библия - Пэ Балтитко Романи чиб (Романэс) 2019

³ Рай Дэвэ́л на домэкэла, соб (кай) чачуно́ ману́ш тэ бокхалёл, нэ Ёв на прилэ́ла дова́, со древа́н трэй надэвлытконэ манушэ́нгэ.

Biblija - Pe Baltitko Romani čib (Romanes) 2019

³ Raj Devél na domekela, sob (kaj) čačunó manúš te bokhaljol, ne Jov na priléla dová, so drieván trej nadevlytkone manušénge.

Pritčy 10:3 Iomraidhean Croise

Ióvo 15:23

Ёв псирэ́ла одори́к и палэ пал маро́, пхэни́, – “Кай исын ёв?” Ёв джинэ́ла, со кало́ дывэ́с исын дро лэ́скиро васт.

Ióvo 20:28

Лэ́скирэ-кхэрэ́скиро прибарипэн хасёла, а лэ́скиро миштыпэ́н лыджа́на криг барэ́ панинга́ дро дывэ́с, сыр Дэвэ́л холясо́ла тэ сэндинэл.

Ióvo 5:20

Ёв выракхэла тут бокха́тыр, мэрибна́стыр, и курталакирэ зорья́тыр пэ марибэ́н.

Psalmy 10:14

[35] Нэ Ту дыкхця́н дава́, пал-дова́ со Ту кокоро́ дыкхэ́са цямкэс пэ одолэ́ндэ, конэ́скэ исын пхаро́ и кон страдынэла. И кажно мо́ло Ту сан скэдыно́ тэ подэл васт. Бизорья́кирэ ману́ш тырдэлапэ кэ Ту, Ту ўса́ды (сак) дэсас васт бидадэскирэскэ.

Psalmy 112:10

Фуй ману́ш явэ́ла тэ дыкхэ́л и лэ́скиро ило́ явэ́ла тэ калёл; ёв явэ́ла тэ скрежынэл дандэнца и тэ нашавэл зор; а дова́, со ёв ужакирдя, хасёла криг.

Psalmy 33:19

со Рай Дэвэ́л зракхэ́ла Лэ́нгиро ди мэрибна́стыр и Ёв явэ́ла тэ ракхэ́л лэн джидэнца, сыр явэ́ла бокх.

Psalmy 37:19

ёнэ на явэ́на ладжакирдэ́ дрэ пхарэ́ дывэса́, ёнэ явэ́на чалэ дрэ бокхалэ́ бэрша́.

Psalmy 37:25

Мэ со́мас тэрно́ и какана́ мэ сом пхуро́ и мэ ние́кхвар на дыкхцём, соб (кай) Рай Дэвэ́л тэ мэкэл чачунэ́ манушэ́с, ци соб (кай) лэ́скирэ чхаворэ́ тэ мангэ́н маро́ сыр бо́ги.

Psalmy 37:3

Допатя Ра́скэ-Дэвлэ́скэ и кэр лачхипэ́н, джив пэ пхув и приракх чачипэ́н.

Pritčy 13:25

Чачуно́ ману́ш ха́ла чалэ́с, кицы́ лэ́скиро ди камэ́ла, нэ фуе́-манушэ́нгиро кужум (жэлудко) явэ́ла тэ бокхалёл.

Pritčy 14:32

Фуй мануша́ пэрэ́на пэ́скирэ фуипнастыр, нэ чачуно́ исын зоралэ́с тэрдо́ аж дро са́мо лэ́скиро мэрибэ́н.

Pritčy 28:25

Пхутькирдэ́-илэ́скиро ману́ш выкхарэла кошыбэ́н, нэ кон зоралэ́с патя́ла дрэ Растэ-Дэвлэ́стэ, кодолэ́скэ явэ́ла миштыпэ́н.

Pritčy 28:9

Кодолэстэ, кон рискирэ́ла криг пэ́скиро кан, соб (кай) тэ шунэ́л Зако́но, адасавэстэ аж и лэ́скиро мангипэ́н Дэвлэ́скэ исын джунгало́ (брыдко).

Isajos 33:16

Одова́ задживэла пэ вучипэ́н; гарадёла пэ бэ́рги, карик нико́н на ґаздэ́лапэ; маро́ лэ́скэ дэ́лапэ, пани́ лэ́стэ на пириячэ́ла тэ тхадэл.

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Luka 12:31

а родэ́н Лэ́скиро Кралипэ́н, и дова́ саро́ явэ́ла дыно́ тумэ́нгэ.