Osija 9:3 - Библия - Пэ Балтитко Романи чиб (Романэс) 2019

³ Ёнэ на явэ́на тэ дживэ́н пэ пхув Ра́скирэ-Дэвлэ́скири, а Ефре́мо рисёла палэ кэ Еги́пто, и ёнэ явэ́на тэ хан нажужэ́ хабэна дрэ Асирия.

Biblija - Pe Baltitko Romani čib (Romanes) 2019

³ Jone na javéna te dživén pe phuv Ráskire-Devléskiri, a Jefriémo risjola pale ke Jegípto, i jone javéna te xan nažužé xabena dre Asirija.

Osija 9:3 Iomraidhean Croise

Езэкилё 4:13

Тэ́ньци пхэндя́ Рай Дэвэ́л, Дэвэ́л: “Адя́кэ Израилёскирэ чхавэ́ явэ́на тэ хан пэскро нажужо маро́ машки́р кодолэ́ народы, кэ савэ́ Мэ вытрадава лэн.”

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Левито 25:23

Пхув нашты́ тэ бикнэн сарэ́са: пал-дова́ со Мири́ исын пхув, тумэ́ сан чу́жа мануша́ и явирэ-ригакирэ мануша́;

Ереме́ё 2:7

И Мэ яндём тумэн пэ барвалы пхув, соб (кай) тумэ́ тэ хан ла́кирэ барьякирдэ́ (пло́ды), и ла́киро миштыпэ́н, нэ сыр тумэ́ загинэ́ пэ дая́ пхув, тумэ́ магирдэ́ кадая́ пхув, и тумэ́ магирдэ́ Миро миштыпэ́н.

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Дание́лё 1:8

О Дание́лё чхудя́ дро пэскро ило́, соб (кай) тэ на магирэлпэ хабнаса кралитконэ скаминдэстыр и моляса, сави́ пьелас о кра́ли, и палдава́ мангдя́ э барыдырэ́с евнухэнгирэс пал дова́, соб (кай) явэ́лас сашты́ лэ́скэ тэ на магирэлпэ.

Ереме́ё 16:18

Нэ анги́л Мэ отплэскирава пал лэ́нгиро чорипэ́н и лэ́нгиро грэ́хо дуй мо́лы, пал-дова́ со ёнэ магирдэ́ Мири́ пхув трупэнца джунгалэ́ (брыдконэ) идолэндыр, савэ́нца ёнэ пхэрдякирдэ Миро миштыпэ́н.”

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

3 Kralip 9:7

то тэды Мэ традава криг Израилё пхувья́тыр, сави́ Мэ дыём лэ́скэ, и Кхангири́, сави́ Мэ обсвэнциндём лавэ́са Мирэса, отрискирава мо́стыр Мирэстыр, и явэ́ла Израилё притчаса и сабнаса сарэ́ манушэ́ндэ.

Яви́р Зако́но 28:63

И явэ́ла адя́кэ, со сыр радындяпэ Рай Дэвэ́л, ке́ли кэрдя́ тумэ́нгэ лачхипэ́н и кэрдя́ буты́р тумэн, адя́кэ явэ́ла тэ радынэ́лпэ Рай Дэвэ́л, хасякири тумэн и традыи тумэн, и явэ́на вытрадынэ́ тумэ́ пхувья́тыр, пэ сави́ джа́са, соб (кай) тэ лэс ла.

Яви́р Зако́но 4:26

то тэды мэ допхэнава тумэ́нгэ ададывэ́с болыбнаса и пхувья́са, со тумэ́ сыг хасякирэна пхув, ваш пэ́скэ, пир сави́ тумэ́ пириджана пал Иорда́но; тумэ́ на явэ́на бут дывэса́ пэ ла́тэ, нэ хасёна;

Apostolengiri Butý 10:14

Нэ Пэ́три пхэндя́: “Над, Раё Дэ́вла! Мэ ние́кхвар на хаём нисо́ джунгалыпнастыр (брыткиматыр) и со исын нажужо.”

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

Osija 11:11

Ёнэ явэ́на сы́гэс тринскирибнаса сы́рбы чирикля́ Египто́стыр, сы́рбы голумбы Асирия́кирэ пхувья́тыр. Нэ Мэ да́ва во́ля лэ́нгэ тэ дживэ́н дрэ лэ́нгирэ кхэра́,’ – ракирэ́ла Рай Дэвэ́л.

Osija 11:5

Ёв на рисёла палэ пэ пхув Египто́скири, нэ Асуро (Асириятыр) явэ́ла кра́ли лэ́нгэ: пал-дова́ со ёнэ отпхэндлэпэ тэ рисён кэ Мэ.

Osija 9:6

Пал-дова́ со, акэ, ёнэ джа́на криг, сыр явэ́ла хасибэ́н. О Еги́пто кэдэла лэн кхэтанэ́; О Мемфисо явэ́ла тэ гаравэл лэн. Цукнуда (стрекава) лэ́ла лофо пэ лэ́нгирэ рупувэ́ барвалыпэна (кучипэна); а пхусадытка хру́сты явэ́на дрэ лэ́нгирэ ша́тры.

Isúso 23:15

Нэ сыр кэрдя́пэ чачипна́са пэ тумэ́ндэ кажно (сва́ко) лачхо́ лав, саво́ ракирдя́ тумэ́нгэ Рай Дэвэ́л, Дэвэ́л тумаро́, адя́кэ Рай Дэвэ́л кэрэ́ла пэ тумэ́ндэ кажно (сва́ко) холямо́ лав, пака Ёв традэ́ла криг кэ хасибэ́н тумэн далэ́ лачхэ́ пхувья́тыр, сави́ дыя́ тумэ́нгэ Рай Дэвэ́л, Дэвэ́л тумаро́.

Яви́р Зако́но 28:68

И рискирэ́ла тут Рай Дэвэ́л дро Еги́пто пэ па́рма (пэ кораблё) долэ́ дромэ́са, пал саво́ мэ пхэндём ту́кэ: “Ту буты́р на дыкхэ́са лэс”; и одо́й явэ́на тумэ́ тэ бикнэнпэ тумарэ́ вэргэ́нгэ дрэ писхарьендэ и дрэ писхарицэндэ, и на явэ́ла киныбнарис.”

Левито 20:22

Ракхэ́н сарэ́ Мирэ́ стату́ты и сарэ́ зако́ны Мирэ́, и кэрэ́н саро́ пир лэ́ндэ, и на вычхурдэла тумэн пэ́стыр пхув, пэ сави́ Мэ лыджа́ва тумэн тэ дживэ́н.

Левито 18:28

Нэ, соб (кай) пхув тэ на отрискирэл тумэн пэ́стыр, сыр тумэ́ явэ́на тэ магирэ́н ла, адя́кэ-паць сыр ёй уже отрискирдя пэ́стыр манушы́тка на́цыи, савэ́ сыс вагэдыр (англэды́р) тумэ́ндыр.

Roiben 5:6

Амэ тырдаса васта́ кэ Египтя́ни, и Асирийцы, соб (кай) тэ хан маро́ чалэ́с.

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Amoso 7:17

“Палдава́ адя́кэ ракирэ́ла Рай Дэвэ́л: ‘Тыри́ ромны́ явэ́ла биладжакуны джувлы́ дро фо́ро, а тырэ́ чхавэ́ и чхая́ пэрэ́на куртала́тыр, тыри́ пхув роскэрэна пэ паша́ шэлэса меринытконэса, и ту мэрэ́са пэ магирды пхув; и Израилё, чачипна́са, лыджа́на криг дро пле́но лэ́скирэ пхувья́тыр.”