Osija 7:4 - Библия - Пэ Балтитко Романи чиб (Романэс) 2019

⁴ Ёнэ хачона тэ кэрэ́н биладжаипэ́н сы́рбы бов, саво́ росхачкирдя пэкибнаскиро (пекарё) – ґа́да, ёв пирияця́ тэ кэрэ́л бутэды́р яг пало́ дова́, сыр замешындло хумэр (тясто) ґаздэ́лапэ.

Biblija - Pe Baltitko Romani čib (Romanes) 2019

⁴ Jone xačona te kerén biladžaipén sýrby bov, savó roshačkirdia pekibnaskiro (piekarjo) – ĥáda, jov pirijaciá te kerél butedýr jag paló dová, syr zamiešyndlo xumer (tiasto) ĥazdélape.

Osija 7:4 Iomraidhean Croise

Ереме́ё 23:10

Пал-дова́ со пхув исын пхэрды́ манушэ́нца, савэ́ камэ́на явирэ дэвлорэн, пал-дова́ со ёй зоралэ́с тугинэла (ровэла) прокошыбнастыр. Чаритка фэ́лды (пастбишчы) пэ чхучи́ пхув шутинэ; пал-дова́ со пророкэнгиро дром исын бибахтало́, и лэ́нгири зор исын дро начачипэ́н.

Ереме́ё 9:1

О, тэ явэ́л Миро шэро́ пхэрдо́ панингэнца, соб (кай) тэ явэ́н Мирэ́ якха́ сы́рбы ясвэнгири ґаны́нг, соб (кай) Мэ могинавас тэ ровав дывэ́с и рат пал Мирэ́-манушэ́нгиро-чхакиро хасибэ́н.

Ереме́ё 9:2

О, тэ явэ́л Ма́нгэ штэ́то пэ чхучи́ пхув сыр дромэскирэскэ (путникоскэ), соб (кай) Мэ могинавас тэ мэкав Мирэ́ манушэ́н, и тэ джав пэ́скэ лэ́ндыр. Ёнэ сарэ́ исын биладжаипнарья, биладжаипэ́н-кэрибнаскирэ (прелюбодеи), ёнэ исын скэдынэ́ ваш здыибнаскирэ манушэ́нгэ.

Osija 4:10

Ёнэ явэ́на тэ хан, нэ ёнэ на явэ́на чалэ, ёнэ явэ́на тэ кэрэ́н ладжакунэ рэ́нды (де́лы), нэ ёнэ на розбарьёнапэ, пал-дова́ со ёнэ пириячнэ тэ кандэ́н Рас-Дэвлэ́с.

Osija 4:12

Мирэ́ мануша́ пхучэна каштунэ идолэндыр, соб (кай) тэ дэн годы́ лэ́нгэ, и лэ́нгиро дэсто́ сы́рбы пхэнэ́ла лэ́нгэ, со тэ кэрэ́н. Биладжакуно ду́хо (фа́но) лыджа́ла адя́кэ, со ёнэ дэнапэ дукха́, и ёнэ гинэ́ тэ кэрэ́н биладжакунэ́ рэ́нды и дуринэ Ма́ндыр, лэ́нгирэ Дэвлэ́стыр.

Osija 4:2

Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.

1 Коринфянэнгэ 5:6

Дава́ исын нашукар, со тумэ́ шарэнапэ. Ци тумэна джинэ́на, со тыкнэ́ рошчынатыр шутлёла саро́ хумэр (цясто)?

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.