Biblia Todo Logo
Bìoball air-loidhne

- Sanasan -




Osija 7:1 - Библия - Пэ Балтитко Романи чиб (Романэс) 2019

1 Ке́ли Мэ састякиравас Израилё, тэды хохаибэ́н [чорипэ́н-ю.о.] Ефремоскиро откэрдяпэ / сыкадыя́ и фуипэ́н Самариякиро. Пал-дова́ со ёнэ кэрэ́на хоханэ́с, лэ́ндэ исын чора, савэ́ пхагирэна кхэра́, и розмарибнари (шайка розмарибнытко) пэрэ́ла яври́ пэ манушэ́ндэ.

Faic an caibideil Dèan lethbhreac

Biblija - Pe Baltitko Romani čib (Romanes) 2019

1 Kiéli Me sastiakiravas Izrailjo, tedy xohaibén [čoripén-ju.o.] Jefriemoskiro otkerdiape / sykadyjá i fuipén Samarijakiro. Pal-dová so jone keréna xohanés, lénde isyn čora, savé phagirena kherá, i rozmaribnari (šajka rozmaribnytko) peréla javrí pe manušénde.

Faic an caibideil Dèan lethbhreac




Osija 7:1
30 Iomraidhean Croise  

Бида пхутькирдэ́ кралитконэ вянкакэ [коронакэ-ю.о.], сави́ исын пэ матэ Ефремлянэндэ, лулудякэ (цвэтоскэ) лэ́скирэ гожонэ урибнастыр, саво́ зашутия, саво́ исын пэ лачхи́ фэ́лда, кай пасёна матэ моля́тыр (виностыр).


Пал-дова́ со бут чорипэ́н амэ кэрдя́м анги́л Ту́тэ; амарэ́ грэ́хи допхэнэна (досыкавэна) пал амэ́ндэ; амарэ́ налачхэ́ рэ́нды исын амэ́нца, амаро́ чорипэ́н амэ джина́са.


Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.


И сэ́ндо гия́ палэ, чачипэ́н дур тэрдия́, пал-дова́, со чачипэ́н пыя́ пэ га́са [форуны́/пло́шча.-р.с.], и паты́в нисыр на заджа́ла.


Амэ драбакирасас Вавило́но, нэ ёв на састия: ячкирэн лэс и мэк кажно (сва́ко) ману́ш амэ́ндыр тэ джал пэ пэ́скиро тхэм: пал-дова́ со сэ́ндо пэ лэ́стэ догия́ кэ болыбэ́н, и ґаздыя́пэ кэ о́блоки.


Пхурэды́р тыри́ пхэн – Сама́рия, сави́ дживэ́ла пэ́скирэ чхаенца пэ зэ́рво (ле́во) риг ту́тыр, а тыкнэды́р исын тыри́ пхэн, сави́ дживэ́ла пэ чачи́ (право) риг ту́тыр, сави́ исын Содо́мо ла́кирэ чхаенца.


Акэ, исын лэ́нгирэ лава́: пхурэдырья кхарэнас Огола́, а ла́кирэ пхэня́ – Оголива́. Ёнэ сыс Мирэ́, биянэнас (лотькирэнас) чхавэ́н и чхае́н. Огола́ – дава́ сыс Сама́рия, Оголива́ – дава́ сыс Ерусалимо.


Дро тыро́ нажужыпэн исын тырдыпэ́н тэ кэрэ́л джунгалыпэ́н, нэ пал-дова́, со Мэ жужакирдём тут, а ту усае́кх сан нажужо. Ко́ли вычхувава Мэ пэ ту́тэ саро́ Миро холямипэн, тэ́ньчи ту явэ́са жужакирды.


Мануша́, кон дживэ́ла кэ Сама́рия, дарэ́на вычхиндлэ́ гуруворэстыр Беф-Авеностыр. Лэ́нгирэ мануша́ тугинэна зоралэ́с пал лэ́ндэ, и лэ́нгирэ биладжакунэ́ рашая́ явэ́на тэ тринскирэнпэ пал лэ́ндэ, пал лэ́нгиро барипэ́н, саво́ ячкирдя́ лэн.


Ефре́мо обчхудя́ Ман хохаибнаса, и кхэр Израилёскиро фрэнтымаса. Нэ Юда дурэды́р псирэлас Дэвлэ́скирэ дромэ́са и сыс патяибнытконэ свэнтонэнца.


Со Ма́нгэ тэ кэра́в ту́са, Ефреме? Сыр Мэ выдава тут, Израиле? Сыр Мэ тэ кэра́в ту́са сыр Адмаса [Адамаса-р.с.]? Сыр Мэ сашты́ тэ кэра́в ту́кэ одова́, со кэрдём Сэвоимоскэ [Цэвоимоскэ-ю.о.]? Миро ило́ рисия́ дрэ Ма́ндэ, Мири́ ла́ска (жалость) росхачия.


Ефре́мо чаравэлапэ балваляса и традэлапэ пал балва́л вастоко́стыр: ёв со дывэ́с прибарьякирэла хохаибэ́н и голоты́ня (разорениё). Ёнэ адя́кэ-паць кэрна доракирибэ́н (завето) Асуроса (Асирияса), и маслинитко дзэт лыджа́на кэ Еги́пто.


О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.


Ефраимо (Израилё) рисия́ кэ и́долы, мэкэ́н лэс кокорэс, екхджинэс.


Мануша́ совлахана, хохавэна, мулякирэна, и чорэна, мурша́ и джувля́ кэрэ́на биладжакунэ́ рэ́нды, ёнэ пхагирэна сарэ́ меры, и манушэ́нгиро рат чхувэ́лапэ екх пал екх.


‘Шунэ́н дава́, рашая́лэ! Причхувэ́н кан, кхэр Израилёскиро! Рикирэнпэ кэ дова́, со шунэ́на, о кхэр крали́скиро! Пал-дова́ со сэ́ндо явэ́ла проти тумэ́ндэ, пир-дова́ со тумэ́ са́нас сы́рбы фэлы́ (петля) дрэ Маси́фа (Мицпа) и сы́рбы кхуды́ (сеть) пэ Фаворо.


‘О, Ефремэ, со Ма́нгэ тэ кэра́в ту́са? О, Юда, со Ма́нгэ тэ кэра́в ту́са? Пал-дова́ со тумари́ паты́в кэ Мэ исын сы́рбы туча пэ зло́ко (ра́нко), и сы́рбы пахлын (роса) пэ зло́ко, сави́ сыг хасёла (проджа́ла).


Бида пэ лэ́ндэ, пал-дова́ со ёнэ отгинэ́ [нашнэ́-ю.о.] Ма́ндыр! Хасибэ́н пэ лэ́ндэ, пал-дова́ со ёнэ кэрдэ́ чорипэ́н проти Ма́ндэ! На дыкхи́ пэ дова́, со Мэ выракхцём лэн, усае́кх ёнэ ракирдэ́ хохаибэ́н проти Ма́ндэ.


Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.


Пал-дова́ со ёнэ гинэ́ кэ Асуро (Асирия) сы́рбы бусо (дико) о́сло (мега́ри), со екхджино́ псирэ́ла, а Ефре́мо змешынэласпэ почастункэнца (пал ловэ́) явирэ – манушытконэ́ нацыенца, соб (кай) тэ дэн паты́в лэ́скэ.


“Пал-дова́ со ёнэ на джинэ́на, сыр тэ кэрэ́н чачунэ́с, – ракирэ́ла Рай Дэвэ́л, – ‘ёнэ, савэ́ загаравэна кучипэ́н, со яндлэ́ ёнэ дрэ чори, со ёнэ нахратэс чордэ, дрэ лэ́нгирэ барэ́ фэлатиня́ (колова́).’


Подэн звесь (зан) дрэ барэ́ фэлатиня́ и пэ стрэхи кхэрэнгирэ дро Азото (пэ Филистимия), и дрэ барэ́ фэлатиня́ (колова́) пэ пхув Египто́скири и пхэнэ́н: “Кэдэнпэ кхэтанэ́ пэ бэ́рги Самариякирэ: дыкхэ́н пэ баро́ бу́нто годлэнца машки́р лэ́ндэ, и сыр притасавэ́на манушэ́н одо́й.”


савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!


Пал-дова́ со тумэ́ рикирдэпэ кэ стату́ты Амврияскирэ, и кэ сарэ́ бутя́ Ахавоскирэ кхэрэ́стыр, и тумэ́ кэрэ́на саро́ пир лэ́нгири годы́, со Мэ кэра́ва тумэ́ндыр голоты́ня (пустота), соб (кай) тэ дэн шоля тумарэ́ мануша́, и ячэ́лапэ пэ тумэ́ндэ бипатыв Мирэ́-манушэ́нгири.”


Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!


Ерусалимо! Ерусалимо! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадя́ кэ ту. Кицы́ мо́лы Ма́нгэ исын пэ ило́ тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!


и пхэндя́: “Ко́ли ту хоць ададывэ́с джинэсас, со ту́кэ трэй ваш тыро́ рама́нё (миро)! Нэ дава́ ишчо (инкэ́) гарадо́ якхэ́ндыр”;


Lean sinn:

Sanasan


Sanasan